Dëgjoni

Duhe folur për Gjirin Verior të Guangsisë të Kinës Jugperëndimore, njerëzit mund ta krahasojnë zakonisht atë me 3 zona të tjera ekonomike me vitalitet të madh në Kinë: deltën e lumit Zhujiang, deltën e lumit Jance dhe Gjirin e detit Buohai. Gjiri Verior, si zona, që ka lidhjen më të ngushtë me ASEAN-in, po gjallërohet më tej. Me shpejtimin e ndërtimit të zonës së tregtisë së lirë Kinë-ASEAN, zona ekonomike e Gjirit Verior po shpejton shfrytëzimin dhe hapjen. Qin Zhou është një qytet i ri bregdetar i Gjirit Verior, i cili ndodhet zonën bregdetare të Rajonit Autonom të Guangsi-Zhuang dhe është një nga rrugët më të lira të daljes në det të krahinave jugperëndimore të Kinës. Qyteti Qinzhou ka epërsi të veçantë në bashkëpunimin midis Kinës dhe vendeve të ASEAN-it. Për ta bërë qytetin Qin Zhou nyjë të transportit të mallrave të import-eksportit ndërmjet Kinës dhe ASEAN-it, administrata vendore po nxit me forca të mëdha zhvillimin e sektorëve të logjistikës moderne. Në skelën që sapo u ndërtua, gazetari pa nga afër se shumë anije janë mbushur me qymyrgurin e Vietnamit dhe produktet minerale të vendeve të ASEAN-it. Një funksionar vendor, z. Wang Dëlun tha: "Këto janë minerale mangani e hekuri, që janë importuar nga jashtë. Këtu mund të bëhet patjetër një bazë e rëndësishme e përpunimit të produkteve minerale të importuara. Për sa u përket ndërmarrjeve, Qin Zhou ka lidhur tregun e lëndëve të para me tregun e shitjes. Tani disa ndërmarrje të mëdha të mineralit të bronzit dhe ndërmarrje metalurgjike të vendit dëshirojnë të vijnë në Qin Zhou për investime".

Zoti Wang tha se me rritjen e kërkesës për produkte minerale të vendit, produktet e ndryshme minerale të importuara çdo vit në Qin Zhou janë shtuar pandërprerë. Sasia vjetore e ngarkim- shkarkimit të mallrave të skelave ka kaluar kapacitetin e ngarkim-shkarkimit të projektuar më parë. Tani dy skela me kapacitet 100 mijë tonësh po ndërtohen dhe dy skela të tjera me kapacitet 50 mijë tonësh do të fillojnë nga ndërtimi.

Qyteti bregdetar Fangchenggang, që lidhet me Vietnamin, është një nga qytetet e rëndësishme të tregtisë kufitare midis Kinës dhe Vietnamit. Drejtori i Drejtorisë së administrimit të tregtisë kufitare, z. Zeng Lizhao i tha gazetarit: "Anijet janë mbushur me produkte bujqësore të Vietnamit, të cilat janë kryesisht çaj, produkte detare, sojë etj., ndërsa anijet e Vietnamit kanë ngarkuar kryesisht produktet industriale të Kinës, të cilat janë kryesisht pajisje elektro-shtëpiake, produkte tekstile etj".

Zoti Zeng tha, gjithashtu, se çdo ditë, numri i njerëzve që marrin pjesë në tregtinë kufitare, arrin në 3 mijë veta, ndërsa sasia e mallrave të import-eksportit arrin në 150-200 tonë. Me shtimin e logjistikës dhe të transportit të mallrave, kapaciteti transportues i urës kufitare midis Kinës dhe Vietnamit që u projektua shumë vjet më parë, nuk mund të plotësojë kërkesën për transport më të madh. Tani Kina dhe Vietnami po zhvillojnë bisedime për të ndërtuar një urë të re .

Qyteti Chong Zuo është 100 kilometra larg qytetit Qin Zhou dhe qytetit Chengfanggang. Ai është baza më e madhe e prodhimit të kallamit të sheqerit në Kinë. Vitet e fundit, qyteti Chong Zuo ka nxitur aktivisht bashkëpunimin me vendet e ASEAN-it, duke filluar një sërë objektesh bashkëpunimi për të shfrytëzuar burimet e qymyrgurit të Vietnamit dhe për krijuar zonën industriale në Tajlandë etj. Ndërmarrja e prodhimit të letrave e Azisë Lindore me investime nga një ndërmarrje e njohur tajlandeze në Chong Zuo, është një nga objektet me përmasa relativisht të mëdha. Investimet e përgjithshme të këtij objekti janë 470 milionë juanë. Sasia vjetore e prodhimit të letrës do të arrijë në mbi 90 mijë tonë.

Përgjegjësi tajlandez i këtij objekti, z. Ma Zhuomin tha se qysh nga krijimi i kësaj shoqërie, ajo ka pasur përkrahjen e madhe të administratës vendore.

"Administrata e qytetit Chong Zuo ka vendosur çmime shumë të privilegjuara për ne dhe na ka dhënë neve ndihmë dhe përkrahje të madhe në koston e investimeve. Përveç këtyre, administrata e këtij qyteti ka ndërtuar edhe një rrugë automobilistike për ndërmarrjen tonë dhe i ka dhënë ndërmarrjes politikë të privilegjuar në fushën e taksave. Të gjitha këto kanë luajtur rol të rëndësishëm për investimet tona".

Ky përgjegjës tajlandez shprehu besimin e plotë për zhvillimin e ardhshëm të ndërmarrjes së prodhimit të letrës të Azisë Lindore në Guangsi.

Vitin e kaluar, për të forcuar lidhjet dhe bashkëpunimin me vendet e ASEAN-it, Guangsi parashtroi mendimet për zgjerimin e bashkëpunimit ekonomik të Gjirit Verior.

Duke folur për këtë, nënkryetari i Rajonit Autonom të Guansi- "Zhuang-it", z. Chen Wu tha se krijimi i zonës së bashkëpunimit ekonomik të Gjirit Verior do të favorizojë zgjerimin e sbashkëpunimit midis Kinës dhe ASEAN-it dhe do të krijojë më shumë raste të rritjes ekonomike.

"Krijimi i saj është në favor të pasurimit dhe të thellimit të bashkëpunimit midis Kinës dhe ASEAN-it, si dhe të shpejtimit të ndërtimit të zonës së tregtisë së lirë Kinë-ASEAN, në mënyrë që Kina dhe ASEAN-i, dy grupe të mëdha ekonomike, të fitojnë përfitime të mira në të".

Nënkryetari i Rajonit Autonom të Guangs-Zhuang-it tha, gjithashtu, se nxitja e bashkëpunimit ekonomik të Gjirit Verior përputhet me kërkesën e rritjes së shpejtë ekonomike të Kinës për energji. (Sihai)