Dëgjoni

Kohët e fundit, u publikua para masave popullore një dokument mbi drejtimin e punëve të bujqësisë dhe të fshatit. Sivjet Kina do të investojë më shumë fonde dhe burime në zhvillimin e bujqësisë moderne, për të ngritur aftësinë komplekse të prodhimit, për të nxitur zhvillimin e fshatit dhe për të shtuar të ardhurat e fshatarëve.

Kina e publikoi për të katërtin vit me radhë këtë dokument. Duke u nisur nga gjendja e tanishme e burimeve të Kinës, ky dokument e konsideron ndryshimin e formës së prodhimit bujqësor dhe zhvillimin e bujqësisë moderne si detyrë kryesore të punës së fshatit këtë vit. Duke folur në një konferencë shtypi të organizuar kohët e fundit në Pekin, për këtë dokument, kryetari i Zyrës së grupit drejtues të Komitetit Qendror të Partisë Komuniste të Kinës për punën e fshatit, z. Chen Xiwen tha: "Popullsia e Kinës shtohet pandërprerë, kërkesa e konsumit vazhdon gjithashtu ngritjen e madhe, ndërsa sipërfaqja e tokave të punueshme është pakësuar gradualisht dhe në burimet e ujit të pijshëm ka ende mungesa të rënda. Prandaj, ne duhet ta ndryshojmë një gjendje të tillë të zhvillimit të bujqësisë, duke u mbështetur kryesisht te shtimi i burimeve".

Sipas kërkesave të këtij dokumenti, sivjet financat qendrore dhe vendore do të shtojnë investimet në ndërtimin e bujqësisë moderne për shpejtimin e ndërtimit të infrastrukturës bujqësore, ngritjen e nivelit të pajisjeve të bujqësisë moderne, nxitjen e krijimit të shkencës dhe teknologjisë bujqësore dhe përmirësimin e sistemit të zhvillimit të bujqësisë moderne.

Në këtë dokument u vu në dukje për herë të parë se për t'u përputhur me kërkesën e zhvillimit të bujqësisë moderne, krahinat e ndryshme të Kinës duhet të marrin masa për ngritjen e cilësisë komplekse të fshatarëve. Nënkryetari i Zyrës së grupit drejtues të Komitetit Qendror të Partisë Komuniste të Kinës Tang Zhenjian tha: "Duhet të përdoren forma të ndryshme efikase për të forcuar përgatitjen e fshatarëve. Së pari, duhet të ngrihet niveli i mbjelljes i kulturave bujqësore të fshatarëve, së dyti duhet të shtohet aftësia e punësimit të tyre. Njëkohësisht ne duhet të ndihmojmë fshatarët në ngritjen e aftësisë konkurruese dhe në zhvillimin e organizatës së bashkëpunimit të fshatit".

Tani, disa zona të Kinës kanë filluar përgatitjen e fshatarëve. Në provincën Hilongjiang, një nga zonat kryesore të prodhimit të drithërave të Kinës, shumë familje që merren me mbjelljen e drithërave kanë gëzuar përkrahjen dhe përgatitjen teknike të administratave vendore. Zoti Liu Hongwei tha se vitin e kaluar, të ardhurat e familjes së tij arritën në 500 mijë juanë, duke u mbështetur në mbjelljen e misrit dhe të sojës. Zoti Liu Hongwei shprehu kënaqësi për të ardhurat e shumta.

"Agronomët e Qendrës së përhapjes së teknologjisë bujqësore të distriktit tonë na kanë dhënë çdo vit mësime dhe përgatitje, duke na mësuar në zgjedhjen e farërave të mira që përputhen me klimën e kësaj zone. Fshati organizoi familjet e mëdha që merren me mbjelljen e drithërave të shkojnë në krahinat e tjera për të mësuar përvojën e përparuar të mbjelljes së drithërave nga ato".

Një funksionar i Ministrisë së Bujqësisë tha se sektorët e bujqësisë do të zbatojnë aktivisht politikën shtetërore për zhvillimin e bujqësisë moderne, për të ngritur aftësinë e prodhimit kompleks të bujqësisë. Sipas të dhënave statistikore, në vitin 2006, sasia e prodhimit të drithërave në Kinë i kaloi 490 milionë tonët, shifër kjo që u shtua 6 milionë tonë në krahasim me vitin 2005. Kjo ishte rritje për të tretin vit me radhë e sasisë së prodhimit të drithërave në Kinë.

Zëdhënësi i shtypit i Ministrisë së Bujqësisë të Kinës, z. Xue Liang tha se për të ruajtur prirjen e rritjes së prodhimit të drithërave, sivjet Kina do të shpejtojë me forca të mëdha mekanizimin e bujqësisë dhe do të ngrejë pandërprerë nivelin modern të prodhimit bujqësor. (Sihai)