Kënga që po dëgjoni është kënga popullore "Lulja e jaseminit". Kjo këngë e freskët dhe lirike, i këndon lules së bukur të jaseminit. Kjo këngë jo vetëm është përhapur gjerësisht në Kinë, por edhe është pëlqyer nga shumë miq të huaj. Kompozitori i njohur italian Pucini e ka përfshir të plotë këtë këngë në operën e tij "Turandot", duke i shtuar operës edhe ngjyrim lindor. Kjo këngë është përfshirë edhe në "Lëndët mësimore të muzikës aziatike" nga UNESKO-ja, si përfaqësuese e këngëve popullore të Kinës.

Provinca Jiansu shtrihet në rrjedhjet e mesme dhe të poshtme të lumit Jance në jug të Kinës, ku ka klimë të butë, panorama të bukura dhe burime të pasura natyrore. Këngët popullore të provincës Jiangsu ashtu si peizazhi i saj piktoresk karakterizohen nga melodia e bukur, elegante dhe e hollë, kënga "lulja e jaseminit" është një nga përfaqësueset e tyre më tipike.

Këngët popullore të provincës Jiangsu jo vetëm janë të bukura, por janë edhe të larmishme e të pasura në përmbajtje. Ndër to më të përhapura janë këngët e shkurtra popullore, të cilat janë krijuar dhe përpunuar nga artistë profesionistë, kanë strukturë të plotë, melodi të rregullt dhe të rrjedhshme. Tani le të shijojmë bashkë këngën e njohur popullore të kësaj province me titull "Toni i bambusë së purpurt", që është shumë e mirëpritur.

Në këngë thuhet: "Një rrënjë bambuje të purpurt të drejtë, iu dhurua të dashurit për të bërë fyell. Kur i bie fyellit, dëgjohen tingujt e bukur të toni të bambusë së purpurt."

Të dashur dëgjues, sapo ndoqët këngën e shkurtër popullore "Toni i bambusë së purpurt". Në provincën Jiangsu ka edhe këngë pak më të gjata popullore me karakter tregimtar, njera prej tyre është "Peizazhi i Wuxi-së". Kjo këngë përshkruan panoramat e bukura poetike, zakonet dhe shprehitë e veçanta të zonës Wuxi-së.

Në provincën Jiangsu ka edhe një lloj tjetër këngësh që quhen "Këngë are", të cilat këndohen në arë nga fshatarët për të shtuar entuziazmin e punës dhe për të zhdukur lodhjen. Këto këngë karakterizohen nga fryma e punës dhe e jetës. Kënga "Lulja Luçaihua" është një këngë are, e përhapur gjerësisht në veri të provincës Jiangsu. Kjo këngë me ton të lartë dhe me stil fushor, nëpërmjet luleve të ndryshme i këndon dashurisë së thjeshtë të popullit pun;tor. Tani le ta dëgjojmë së bashku. (Pina)