Kohët e fundit përfundoi në Pekin edicioni i 4-të i Forumit të industrisë së kulturës. Më se një qind përfaqësues të ardhur nga sektorët qeveritarë, qarqet e ndërmarrjeve dhe qarqet shkencore zhvilluan diskutime rreth strategjisë së zhvillimit të industrisë së kulturës të Kinës në thellësi dhe problemeve të tjera. Do të dëgjoni korrespondencën me titull : "Industria e kulturës të Kinës po zhvillohet në thellësi".

Qysh nga viti 2000, industria e Kulturës e Kinës ka marrë një zhvillim të shpejtë, qeveria qendrore e Kinës ka nxjerrë shumë politika inkurajuese dhe ndërmarrjet që merren me industrinë e kulturës janë shtuar më shpejtësi. Në shumë provinca e qytete kanë krijuar zona të industrisë së krijimeve kulturore, pesha specifike e industrisë së kulturës në ekonominë kombëtare pati rritje të dukshme. Edicioni i 4-të i Forumit të industrisë së Kulturës është zhvilluar po në këtë sfond.

Ky forum është vendosur nga baza për krijime të reja dhe për zhvillim e studim të Industrisë së Kulturës të Shtetit të Kinës dhe qysh nga viti 2003, organizon një herë në vit. Objektivi i këtij forumi është dhënia e orientimit teorik zhvillimit të industrisë së kulturës dhe dhënia e një terren të shkëmbimeve të përvojave të këtij qarku. Në temat e diskutimeve të forumit të këtij viti përfshihen përgatitjet e talentëve, zhvillimi rajonal, investimet dhe mbledhja e fondeve për zhvillimin e industrisë së kulturës. Specialistët e pranishëm u shprehën se vet këto tema tregojnë se zhvillimi i industrisë së kulturës të Kinës filloi të shkojë në gjerësi dhe në thellësi dhe më shumë në zhvillimin e vazhdueshëm. Zv-drejtori i bazës për krijime të reja dhe për zhvillim dhe studim të Industrisë së Kulturës të Shtetit të Kinës profesori Chen Shaofen shprehu mendimin gjatë një intervistë me gazetarë se në krahinat e mbarë Kinës vihet re një " entusiazëm të madh për industrinë e kulturës", në qoftë se të mos kushtojmë një rëndësi të madhe planifikimit shkencor, ka mundësi të vihet re një fenomen shkumëzimi. Ai tha." Unë propozoj që gjatë planifikimit të përbashkët midis administratave lokale, ndërmarrjeve dhe qarqeve shkencore, duhet që në fillim të ndërtimit të zonave të industrisë, të lidhen së bashku prodhimi me studime kërkimore, duke përtcvaktuar pozitën dhe përmbajtjet e këtij plani. "

Vitet e fundit, zhvillimi i industrisë së Kulturës ka arritur sukses të madh. Disa objekte kulturore fillojnë të nxisin zhvillimin e industrisë përkatëse të gjithë rajonit. Si p.sh në provincën Yunan të Kinës jugperëndimore ku ka kultura të pasura të pakicave kombëtare. Spektakli madhështor me këngë e valle "Përshtypja nga Yunan" e krijuar valltarja e njohur në botë Yang Liping në bazë të jetës së banorëve vendas të këtij rajoni, është dhënë më se l00 shfaqje qysh nga premiera në vitin 2004 dhe është dhënë më se 1000

Shfaqje gjatë turneve në vende të ndryshme të botës. Ky objekt ka nxitur edhe zhvillimin e gjithë industrisë së kulturës të provincës Yunan. Edhe provinca Guizhou që ka gjithashtu burime të pasura të kulturore folklorike dhe të pakicave kombëtare, ka shprehur dëshirën për të marrë përvojë nga provinca Yunan. Funksionari i lartë i propvincës Guizhou Wang Fuyu tha në këtë forum se Guizhou mund të marrë një rrugë të industrisë kulturore me karakteristika të veta....2... " Provinca Guixhou është një provincë me shumë pakica kombëtare. Burimet e kulturës folkloristike të pakicave kombëtare janë shumë të pasura, në këtë provincë jetojnë l7 pakica kombëtare si kombësitë Miao, Buyi, Tong, Hui etj, pra këtu është një familje e madhe e bashkekzistencës së harmonishme të shumë kombësive. Në mënyrën e jetesës së kombësive të ndryshme mbahen tradita historike dhe kulturat burimore të shumëllojëshme, si arkitektura tradicionale, kostume dhe veshje kombëtare, gjuhë, festa, zakone e doke, ushqimet, ceremoni të martesave, këngë e valle etj, të gjithë këto janë me llojë e stile të shumta dhe kanë ruajtur shumë mirë larmitë e tyre burimore në jetën e sotme, prandaj këtu konsiderohet si një kopsht i madh kulturor me karakteristika të vecanta të Guizhout që ka një vlerë të madhe kulturore.

Modeli i zhvillimit të industrisë së kulturës rajonale është një nga përmbajtjet kryesore të diskutimeve të këtij forumi. Specialistët e pranishëm janë të mendimit se jo vetëm duhen burime të pasura kulturore, por edhe talente për krijimet e reja dhe për adminirim dhe shkolla të larta kanë përgjegjësi në këtë drejtim.

Zv-drejtori i Institutit të Industrisë së Kulturës pranë Universitetit të Pekinit Xiang Yong është i mendimit se përgatitja e funksionarëve kulturore vendas ka rëndësi të madhe për zhvillimin e industrisë së kulturës." Gjatë procesit për planifikim, puna e parë është përgatitja. "

Tani prodhimi i industrisë së kulturës të Kinës përbën më pak se 3% të prodhimit të përgjithshëm të vendit dhe ka një diferencim të madh në krahasim me vendet e zhvilluara, gjë që tregon se në zhvillimin e industrisë së kulturës kemi horizonte të mëdha. Gjatë vitit 2006 të porsa kaluar, vlera e prodhimit të industrisë së kulturës është rritur l0% në krahasim me vitin 2005.

Zv-drejtori i bazës shtetërore për krijimet e reja dhe për zhvillimin e industrisë së kulturës profesori Chen Shaofen është i mendimit se para disa muajve, qeveria kineze publikoi programin e zhvillimit kulturor në 5 vjetët e ardhshëm duke theksuar shpejtimin e zhvillimit të industrisë së kulturës. Ai shprehu bindjen se në disa vjet të ardhshëm, zhvillimi i industrisë së kulturës në Kinë do të jetë më logjik dhe do të dalin një numër bazash dhe ndërmarrjesh me përmasa dhe efikasitet të mëdha. ( Zhai)