Muzeu Kombëtar i Kinës ndodhet në lindje të sheshit Tiananmen të Pekinit dhe është një muze i madh i përgjithshëm që shfaq plotësisht historinë dhe kulturën e shkëlqyeshme të kombit kinez.

Kina do të krijojë Institutin Konfuçi në Kazakistan etj.

Agjencia kineze e lajmeve Zhongxin njoftoi më 30 janar se siç bëhet e ditur nga Drejtoria e Arsimit e Rajonit Autonom të Xinjiang Ujgurit në Kinën veriperëndimore, këtë vit, Kina do të bashkëpunojë me vende të Azisë qendrore e perëndimore për krijimin e Institutit Konfuçi. Tani Xinjiangu po zhvillon konsultime me organe arsimore të Kazakistanit, të Kirkistanit dhe të Rusisë për këtë gjë.

Instituti Konfuçi është një institucion arsimor për mësimdhënien e gjuhës kineze dhe për përhapjen e kulturës kineze. Në nëntor të vitit 2004, u krijua në Seul të Republikës së Koresë Instituti i parë Konfuçi në botë. Deri tani janë krijuar më se 120 Institute Konfuçi në 49 vende e rajone.

Provinca Anhui do të harxhojë 5 milionë juanë për të mbrojtur trashëgiminë botërore

Agjencia kineze e lajmeve Hsinhua njoftoi më 30 janar se këtë vit, provinca Anhui në Kinën qendrore do të harxhojë 5 milionë juanë për të mbrojtur trashëgiminë botërore - Malin Huangshan dhe fshatrat e lashta në jug të Anhuit.

Në vitin 2002, provinca Anhui krijoi Komisionin e Administrimit të Trashëgimive Botërore. Ky komision harxhon çdo vit shumë para për të mbrojtur trashëgimi botërore në këtë provincë.

U hap Ekspozita e 15-të Ndërkombëtare e Librave e Tajpeit

Agjencia kineze e lajmeve Zhongxin njoftoi se më 30 janar, u hap në Tajpei të Tajvanit Ekspozita e 15-të Ndërkombëtare e Librave e Tajpeit. Në këtë ekspozitë morën pjesë shtëpitë botuese të ardhura nga më se 40 vende e rajone.

Krahas ekspozitës së librave, do të zhvillohen edhe 5 forume lidhur me të drejtën e autorit, botimin e librave për fëmijë etj.

Ekspozita do të përfundojë më 4 shkurt. (Fani)