Përgatitja për Lojërat Olimpike ka përmirësuar shumë gjendjen e mjedisit ekologjik në Pekin

"Olimpiada e Gjelbër" është një nga 3 konceptet kryesore të Lojërave Olimpike të Pekinit 2008. Në fakt, procesi i përgatitjes për këto lojëra është gjithashtu proces i përmirësimit të mjedisit ekologjik të Pekinit. Drejtoria e Mbrojtjes së Mjedisit e Pekinit bëri të ditur ditët e fundit se në vitin 2006 Pekini ka pasur një përparim të dukshëm në përmirësimin e mjedisit ekologjik. Do të dëgjoni tani një material lidhur me këtë.

Ashtu si shumë qytete të mëdha në botë, që kanë hasur në të kaluarën probleme të mjedisit, edhe Pekini me zhvillimin e shpejtë ka vuajtur nga ndotja e mjedisit: gjithnjë e më shumë makina lëshojnë një vëllim të madh gazrash të ndotur, ndërsa fabrikat dhe kantierët prodhojnë edhe pluhur e ujë të mbetur?? Puna e mbrojtjes së mjedisit në Pekin ndodhet përpara provave afatgjata. Në këto rrethana, bashkia e qytetit të Pekinit ka ngulur këmbë ta vërë theksin në punët e mbrojtjes së mjedisit, duke marrë një sërë masash në sistemimin e ndotjes së mjedisit dhe në mbrojtjen e mjedisit ekologjik. Gjatë një interviste më 24 janar për mediet, drejtori i Drejtorisë së Mbrojtjes së Mjedisit të Pekinit, Shi Hanmin tha:

"Pekini do të vazhdojë ta vërë theksin e punëve të gjithë qytetit në përmirësimin e cilësisë së mjedisit. Që nga viti 1998 deri në vitin 2006, në Pekin janë zbatuar afro 200 masa për kontrollin e ndotjes së ajrit në 12 faza."

Ky funksionar bëri të ditur se në vitin 2006 Pekini investoi afro 20 miliardë juanë në mbrojtjen e mjedisit. Njëkohësisht me shtimin e vëllimit të prodhimit të përgjithshëm të qytetit, Pekini realizoi edhe uljen e vëllimit të lëshimit të materialeve ndotëse të ajrit dhe të ujit, që do të thotë se ekonomia u rrit duke kontrolluar ndotjen e mjedisit. Kështu, Pekini realizoi përmirësimin e cilësisë së ajrit për të tetin vit me radhë.

"Detyrat tona kryesore janë në disa drejtime dhe njëra nga më të rëndësishmet është rregullimi i strukturës së burimeve energjetike, duke shtuar përqindjen e përdorimit të energjisë së pastër. Kemi punuar edhe për pakësimin e ndotjes nga tymrat e qymyrgurit."

Standardi i vlerësimit të cilësisë së ajrit të Pekinit është përqindja e lëndëve ndotëse në ajër. Vitin e kaluar, numri i ditëve me cilësinë e ajrit mbi shkallën e dytë ishte 241 ditë. Përshtypja e drejtpërdrejtë që shkalla e dytë e cilësisë së ajrit u ka lënë njerëzve është ajri i freskët dhe pa asnjë ndjenjë të keqe. Shi Hanmini tha se Pekini planifikon që në vitin 2007 të ketë më shumë ditë me cilësinë e ajrit të shkallës mbi të dytë.

"Vitin e kaluar kishte 241 ditë, duke zënë 66% të numrit të përgjithshëm të ditëve të vitit. Këtë vit, objektivi ynë është 245 ditë ose 67%."

Krahas ndotjes së ajrit, edhe ndotja e burimeve ujore ka qenë një nga problemet më serioze të shtruara përpara Pekinit. Lidhur me këtë, drejtori i Drejtorisë së Mbrojtjes së Mjedisit të Pekinit, z. Shi Hanmin tha se bazuar në mungesën e burimeve ujore dhe në gjendjen e ndotjes së ujit në Pekin, bashkia e qytetit ka forcuar punët e parandalimit dhe të sistemimit të ujit të ndotur. Në drejtim të mbrojtjes së burimeve të ujit të pijshëm, në vitin 2006 u kryen sistemimi i shtratit të lumenjve kryesorë në periferinë e Pekinit.

Përveç këtyre, Pekini forcoi edhe kontrollin për trajtimin e hedhurinave të ngurta dhe për mjedisin me rrezatim dhe nxiti aktivisht klasifikimin e hedhurinave. U arrit edhe përqindja e lartë e trajtimit të hedhurinave në zonat urbane dhe fshatare.

Viti 2007 është viti kyç për përgatitjen e Lojërave Olimpike të Pekinit. Bashkia e qytetit të Pekinit u shpreh se do të vijojë ta vërë theksin në sistemimin e ndotjes së ajrit dhe njëkohësisht do të nxitë në mënyrë të gjithanshme pakësimin e ndotjes së ujit, të zhurmave dhe të hedhurinave të ngurta. Krahas zgjidhjes së problemeve të mjedisit që ndikojnë mbi shëndetin e masave popullore dhe mbi zhvillimin e vazhdueshëm, ajo do të përpiqet të bëjë punët e ndryshme në përgatitje të Lojërave Olimpike. (Wang Lei)