Gjatë mbi 10 vjetëve Kina ka mbajtur qëndrim unanim me komunitetin ndërkombëtar në problemin e antidopingut dhe ka pasur rezultate të shumta në këtë drejtim, duke krijuar një figurë të mirë në arenën sportive botërore. Veçanërisht vitet e fundit, zbatimi i "Rregullores kundër dopingut" dhe publikimi i "Njoftimit të listës së dopingut 2004" shënuan se punët kundër dopingut janë sinkronizuar me ato ndërkombëtare dhe kanë ndjekur një rrugë sistematike. Aktualisht në botë vetëm një numër i vogël vendesh, si Franca, Italia, Belgjika dhe Kina kanë nxjerrë ligjin përkatës kundër dopingut. Ish-kryetari i Komitetit Olimpik Ndërkombëtar Juan Antonio Samaranç ka thënë se Kina është një nga vendet e shquara në punët kundër dopingut.

Për të fituar të drejtën e organizimit të Lojërave Olimpike 2008, një nga premtimet e Pekinit ishte që do të sigurojë zhvillimin e një edicioni të Lojërave Olimpike "të drejta" dhe "të Pastra". Për të mbajtur këtë premtim, qeveria kineze caktoi fondin e posaçëm për krijimin e Laboratorit Kombëtar kundër Dopingut, që ndodhet në pjesën qendrore të zonës olimpike të Pekinit. Në ndërtesën e këtij laboratori, që do të përurohet në fund të vitit 2007, do të kryhen të gjitha punët e kontrollit të dopingut gjatë Lojërave Olimpike dhe atyre Paralimpike.

Si një nga masat e luftës kundër dopingut, gjatë Lojërave Olimpike të Pekinit, Komiteti Olimpik Ndërkombëtar do të shtojë në përmasa të mëdha përmasën e kontrollit të dopingut. Siç u tha, parashikohet se numri i përgjithshëm i mostrave do të jetëmbi 4500, ose 25% më shumë se ato të marra në Lojërat Olimpike të Athinës.

Gjatë procesit të përgatitjes për punët e antidopingut në Lojërat Olimpike në fakt stërvitet edhe armata* e antidopingut e Kinës. Një nga përgjegjësit e Laboratorit të ardhshëm Kombëtar të Kinës, specialist i antidopingut i Drejtorisë së Përgjithshme Kombëtare të Sporteve të Kinës, z. Du Lijun, u shpreh se mungesa e punonjësve është vështirësia kryesore që del përpara punëve të antidopingut të Kinës. Me ndihmën e partnerëve ndërkombëtarë, z. Du dhe kolegët e tij kanë përgatitur 300 kontrollues të dopingut, por duhet edhe 400 të tjerë për plotësimin e kërkesave të Lojërave Olimpike.

"Puna e antidopingut përfshin dy hallka: njëra është kontrolli, d.m.th. grumbullimi i mostrave të ujit të hollë vogël dhe të gjakut; tjetra është kontrolli në laborator. Te ne, hallka e kontrollit ndodhet përpara vëshirësisë së mungesës së punonjësve. Prandaj duhet të përgatitim një numër të madh kontrolluesish të dopingut."

Përveç mungesës së punonjësve, tjetër problem në punët e antidopingut është që metodat e përdorimit të dopingut lindin njëra pas tjetrës. Z. Du Lijun shprehu mendimin se dopingu dhe antidopingu janë kontradiktë. Përdorimi i dopingut ecën gjithmonë përpara. Nuk përjashtohet kurrë fakti se ndonjë sportist ndjek një rrugë të rrezikshme dhe madje përdor metoda të teknologjisë së lartë, prandaj edhe metoda teknologjike e antidopingut duhet të përparohet dhe punonjësit e antidopingut ndodhen shpesh përpara presioneve të reja.

"Problemi përpara nesh është që teknologjia e përdorimit të dopingut ka ecur përpara. Çdo vit dalin lëndë të reja të dopingut, pra lindin sfida të reja për teknologjinë, pajisjet dhe nivelin e punonjësve tanë."

Personalitete largpamëse janë të mendimit se për goditjen dhe zhdukjen e gangrenës së dopingut, krahas masave dhe sistemit më të rreptë dhe metodave më të përparuara të kontrollit, duhet të forcojë edhe edukimin e publikut dhe të goditë mjedisin e ekzistencës së dopingut. Z. Du Lijun u shpreh se në shumë vende e rajone, duke përfshirë edhe Kinën, duket prirja e përhapjes së dopingut nga sporti profesionist në sportin masiv dhe nga sportistët e nivelit më të lartë në ata të nivelit të zakonshëm dhe bile në studentë në shkollë. Prandaj duhet t'i njohë publikut dëmet serioze të shkaktuara nga dopingu në fizikë dhe psikikë, që të arrihet unanimitet në gjithë shoqëri për refuzimin e dopingut.

Edhe kryetari i Komitetit Olimpik Ndërkombëtar, Xhak Rog tha kohët e fundit në një bisedë të Agjencisë Ndërkombëtare të Antidopingut se puna e antidopingut është detyrimi i përbashkët i komunitetit ndërkombëtar.

Komiteti Organizativ i Lojërave Olimpike të Pekinit kupton thellë detyrën e vështirë të antidopingut gjatë përgagitjes dhe të organizimit të Lojërave Olimpike. Zv/kryetari ekzekutiv i këtij komiteti, z. Yang Shu'an u shpreh se Lojërat Olimpike të Pekinit dhe qarqet sportive kineze do të zbatojnë politikën "zero durim" për veprimet e përdorimit të dopingut.

"Ne propozojmë me të gjitha përpjekjet konkurrencën e barabartë, që të kemi një mjedis të pastër. Por nuk mund të përjashtohet edhe disa njerëz pa moral që ndjekin rrugën e rrezikshme, për të cilën do të shtojmë forcën e dënimit dhe do t'i lërë mënjanë e gjithë shoqëria. " (Wang Lei)