Së pari ju ftoj të dëgjoni këngën popullore të provincës Qinghai të Kinës veriperëndimore me titull "Në atë vend të largët".

Kënga popullore "Në atë vend të largët" e përhapur gjerësisht, u mbledh dhe u sistemua nga kompozitori i njohur kinez Wan Luobin. Në këngë thuhet: "Në atë vend të bukur jeton një vajzë shumë e mirë. Kur kalojnë pranë saj, të gjithë njerëzit e kthejnë kokën për ta parë. Fytyra e saj e kuqe është si diell i kuq, sytë e saj të shkruar dhe të shkathët janë si hëna e ndritur e natës."

Kori i Filarmonisë Qendrore të Kombësive të Kinës i krijuar në vitin 1960 është i vetëm kori profenionist i këngëve popullore i Kinës dhe është shumë i njohur në qarqet muzikore me interpretimin e këngëve të stilit të theksuar popullor. Gjatë më shumë se 40 vjetëve, këngëtarët e korir kanë shkuar mëse njëherë në bazë, për të mbledhur materiale muzikore, për të mësuar këngë popullore, opera vendore etj., ku grumbulluan materiale të pasura muzikore të dorës së parë, zotëruan mënyrën e këndimit të këngëve popullore dhe krijuan stilin e veçantë të interpretimit. Këngët e interpretuara prej tyre kanë forcë të madhe artistike dhe mirërpiten ngrohtësisht nga spektatorët.

Kënga që ndoqët titullohet "Gurgullon përroi", kënduar nga kori i Filarmonisë Qendrore të Kombësive pa shqërim. Kjo këngë popullore e provincës Yunnan në Kinën jugore, me melodi të bukura dhe të freskëta dhe me karakteristika vendore përshkruan një tabllo poetike dhe kuptimplotë: Nën rrezet e argjendta të hënës, mbizotëron një qetësi e madhe, dëgjohen vetëm gurgullimat e përroit rrëzë malit. Vajza e mençur dhe e bukur i shpreh hënës ndjenjat e thella ndaj djalit të saj nëpërmjet mendolive të bukura. Tingujt e këngës së bukur shkojnë bashkë me ujin e përroit atje ku banon djali.

Gjatë shumë vejtëve, kori i Filarmonisë Qendrore të Kombësive ka organizuar shumë koncerte të bukura dhe ka nxjerrë shumë albume me këngë popullore kineze. Anëtarët e këtij kori janë të aftë të këndojnë këngë të ndryshme popullore me zë të pastër dhe kumbues. Në fund të programit të sotëm muzikor, do të shijojmë së bashku këngën popullore të provincës Sichuan të Kinës perëndimore me titull "Kënga e dashurisë Kangding". Kangding është emri i një distriktit që shtrihet në perëndim të provincës Sichuan të Kinës. Kjo këngë lirike shpreh me ndjenja të thella dashurinë mdis të rinjve dhe shpresën e tyre për liri dhe jetë të lumtur.

Të dashur lexues, ju paraqita disa këngë popullore të kënduara nga Kori i Filarmonisë Qendrore të Kombësive të Kinës. Mirudëgjofshim të shtunën tjetër. Në mikrofon për ju, Pina.