Ju ftojmë të dëgjoni tani këngën lirike "Të jetojmë në liri". Në këtë këngë thuhet "Nuk më do më. Mendoj se e kuptoj. Kur do të lirohem? Nuk di është e drejtë apo e gabuar. Të dua shumë por ti nuk kënaqesh. Kështu qoftë! Të jetojmë në liri."

Këngëtarja Fan Weiqi ishte një modele. Për shkak se ajo e pëlqen shumë muzikën, para 6 vjetëve, Fan Weiqi hoqi dorë nga rasti për t'u bërë një supermodele dhe u kthye në qarqet muzikore. Tani shumë modele të njohura janë bërë fokusi i njerëzve, por Fan Weiqi nuk pendohet për zgjedhjen e saj. Deri tani ajo ka nxjerrë 6 albume dhe mban gjithmonë karakteristikat folklorike në muzikën e saj.

Zëri i Fan Weiqi-s nuk ka fuqi tronditëse, por ngjan si erë që fryn ngadalë dhe që le shenjë në zemrat e dëgjuesve. Po dëgjoni tani këngën kryesore të këtij albumi "Dita jonë e shënuar". Në këtë këngë Fan Weiqi fton adhuruesit e saj të kujtojnë së bashku kohët e bukura në dashuri.

Në këtë këngë thuhet "Zemra ime befas gjallësohet përsëri kur takohemi. Ka një tregim të gjatë për të treguar duke buzëqeshur. Drita e qiellit me ngjyrë të arit ndriçon duart tënde. Kjo është dita përkujtimore jonë që shënon kohën kur fillojmë të trajtojmë veten me ndershmëri..."

Gjatë një viti, Fan Weiqi ishte shumë e zënë. Përveç regjistirmit të një komedie, ajo ka dhënë edhe shumë shfaqje në Azinë jug-lindore dhe në krahinat e brendshme të Kinës. Gjatë kësaj kohe, Fan Weiqi ka mësuar vizatimin dhe kompozimin e këngës, kështu që jeta e saj është shumë e larmishme. Albumi i ri ka një këngë të kompozuar nga Fan Weiqi me titull "E zezë dhe e bardhë", e cila tregon mendimet e saj për dashurinë me melodi të thjeshta.

Në këtë këngë thuhet "Drita e qiellit më ndriçon dhe sytë e mia nuk hapen. Mendoj se shfajësimi yt është qesharak. S'ka asnjë gjë absolute. Ndonjë njeri ka thënë se dita nuk e kupton natën, ti nuk e kupton bukurinë time."

Po dëgjoni tani këngën "Një njeri ngjan si vera dhe tjetri ngjan si vjeshta", e cila përshkruan miqësinë e thellë. Në këtë këngë thuhet "Një njeri ngjan si vera dhe tjetri ngjan si vjeshta. Pa ty, nuk do të besoj se miqtë janë më të mirë se dashnorët. Nuk më urren meqë të kam harruar. Nuk mund të largohem nga i dashuri dhe nuk mund të largohem nga ti."

Në këtë album, mes 11 këngëve të reja ka edhe 2 këngë të rikompozuara nga këngët në gjuhën koreane "I think I" dhe "Inside My Heart", të cilat janë përkatësisht këngët kryesore të operave televizive koreanojugore "Në shtëpi ka shumë frymë romantike" dhe "Emri im është Kim Samsun". Në fund të programit të sotëm ju ftojmë të dëgjoni këngën "I think I".

Në këtë këngë thuhet "Ne ngjajmë si njëri-tjetri dhe e kuptojmë njeri-tjetrin. Lumturia është një bovë ndriçimi e madhe. Dashuria është kështu, Now I need you, dëshiroj të shpërndajmë së bashku dritën e yllit." (U Sen)