Ditët e fundit, kryetari i Komisionit të kontrollit dhe administrimit të pronave shtetërore të Këshillit të Shtetit të Kinës, z. Li Rongrong, tha në Pekin se për të ngritur potencialin konkurrues të ekonomisë shtetërore, sivjet Komisioni i pronave shtetërore do të shpejtojë reformën e sistemit të aksioneve të ndërmarrjeve shtetërore, do të përmirësojë strukturën e sistemimit të personave ligjorë të shoqërive dhe do t'i çojë kapitalet shtetërore në infrastrukturën e rëndësishme dhe në sektorë ose fusha të tjera kryesore. Gjatë këtij procesi, Komisioni i pronave shtetërore do të forcojë kontrollin dhe administrimin për të garantuar vlerën e siguruar dhe të shtuar të pronave shtetërore.

Ndër 500 ndërmarrjet më të fuqishme të Kinës, ndërmarrjet shtetërore dhe ndërmarrjet aksionare të kontrolluara nga shteti zënë 71%, ndërsa vëllimi i përgjithshëm i pronave të tyre zë 93%. Prodhimi dhe biznesi i ndërmarrjeve shtetërore janë shtuar shumë shpejt. Përveç këtyre, vitet e fundit, reforma e sistemit të aksioneve të ndërmarrjeve ka pasur progres të rëndësishëm. Tani numri i përgjithshëm i shoqërive në tregun e vendit dhe atë të huaj me aksione të kontrolluara nga shteti ka kaluar mbi 1000.

Zoti Li tha se për të ngritur potencialin konkurrues të ekonomisë shtetërore, Komisioni i pronave shtetërore do të nxitë më tej shumëllojshmërinë e investimeve dhe procesin në treg të ndërmarrjeve të tjera shtetërore.

"Po të nxitim aktivisht ndërmarrjet e mëdha dhe të mesme të shkojnë në tregun e vendit dhe atë të huaj, ndërmarrjet me kushte të mira duhet të përpiqen për të hyrë në treg".

Zoti Li tha, gjithashtu, se krijimi i strukturës së sistemimit të personave ligjorë është thelbi i krijimit të sistemit të ndërmarrjeve moderne në ndërmarrjet shtetërore të Kinës. Për këtë, Komisioni i pronave shtetërore do të vazhdojë të nxitë ndërmarrjet shtetërore të krijojnë këshillin e standardit.

Tani ekonomia shtetërore zë vendin kryesor në industrinë petrokimike, në aviacion, në komunikacion, telekomunikacion, industrinë e energjisë elektrike dhe në fusha të tjera. Por në këto fusha ekzistojnë disa probleme, si për shembull: ndërmarrjet e mëdha janë të dobëta dhe numri i ndërmarrjeve të vogla ështe tepër i madh. Zoti Li vuri në dukje se Komisioni i pronave shtetërore do të nxitë me të gjitha forcat reformimin strategjik të ndërmarrjeve shtetërore dhe do të nxitë transferimin e kapitaleve shtetërore në sektorë që kanë të bëjnë me sigurinë kombëtare, në infrastrukturën e rëndësishme dhe në burimet kryesore minerare, do të shpejtojë krijimin e një sërë ndërmarrjesh me të drejta të pronësisë intelektuale dhe marka të njohura, dhe do t'i nxitë këto ndërmarrje të forcojnë pandërprerë aftësinë e krijimit autonom, për t'i bërë ndërmarrjet me potencial të konkurrencës ndërkombëtare.

Në procesin e koordinimin e strukturës së kapitaleve shtetërore dhe të reformimit të ndërmarrjeve shtetërore, u arritën ndryshimi i sistemit të ndërmarrjeve të shumta, transferimi i së drejtës së prodhimit etj. Deri në shtator të vitit të kaluar, institucionet e biznesit të së drejtës së prodhimit, të përcaktuara nga sektorët e administrimit të kapitaleve shtetërore në nivel province të Kinës, kanë kryer gjithsej 101 miliardë e 400 milionë juanë e transferimit të së drejtës së prodhimit kombëtar të ndërmarrjeve. Zoti Li tha se për të parandaluar humbjet e kapitaleve shtetërore dhe për të garantuar vlerën e siguruar dhe të shtuar të kapitaleve shtetërore, Komisioni i pronave shtetërore do të rregullojë më tej rregullat e biznesit të së drejtës së prodhimit kombëtar e do të përmirësojë vlerësimin dhe administrimin e kapitaleve shtetërore. Përveç këtyre, do të forcohet edhe kontrolli i financave të ndërmarrjeve.

"Duhet të bëhet i detyrueshëm administrimi i buxhetit të ndërmarrjeve, të zbatohet gradualisht transparenca financiare e ndërmarrjeve, të forcohet kontrolli i kapitaleve shtetërore jashtë vendit dhe të përmirësohet sistemi statistikor i kapitaleve shtetërore. (Sihai)