Ju flet Radio e Jashtme e Kinës! Të dashur dëgjues, në nënrubrikën e sotme "Shkëmbime kulturore", do t'ju njohim me instrumentisten e re kineze Huang Jiangqin dhe disa fragmente të huaja muzikore të interetuar prej saj.

Pjesa që jeni duke ndjekur në këto momente është melodia "Kënga varkatare", e kompozuar në bazë të një kënge të njohur për fëmijë indonezianë. Ritmet e lehta dhe të gëzueshme si tingujt e bukur të instrumentit muzikor kinez Erhu, kanë krijuar një atmosferë estetike muzikore duke i dhënë kësaj kënge klasike një stil të veçantë. ... Fragremti që po dëgjoni është interpretuar nga instrumentistja e re kineze Huan Jiangqin në veglën muzikore Erhu dhe është shkëputuar nga melodia "Kënga varkatare".

Erhu është një vegël muzikore karakteristike kineze me tela. Ajo nxjerr tinguj të bukur që mund të interpretojnë muzikë të bukur dhe të larmishme si dhe krijon melodi ritmike duke luajtur rolin kryesor në orkestrën popullore kineze. Huang Jiangqin është një instrumentiste e re e dalë vitet e fundit në skenën muzikore të Kinës. Ajo lindi në jug të Kinës dhe në vitin l979 u pranua pas provimeve të nevojshme në degën e interpretimit me Erhu në Konservatorin Artistik të Hainanit. Pasi përfundimit të studimeve ajo dha provimet e nevojshme duke u diplomuar në sferën e interpretimit. Ajo u emërua më pas si instrumentistja e parë në orkestrën popullore të Ansamblit të Këngëve dhe Valleve të Jugut. Interpretimi i Huang Jiangqinit në instrumentin e Erhu-së është me mjeshtëri të lartë, plot patos, me ndryshime lirike dhe me një forcë influencuese muzikore duke i dhënë cdo melodie një forcë shpirtërore që i tërheq dëgjuesit në muzikën e interpretuar prej saj. Pjesa që po ndiqni në këto momente është shkëputur nga melodia "Pëllumbat" e interpretuar nga instrumentistja e njohur kineze Huang Jiangqin. 

Melodia "Pëllumbat" e interpretuar në velgën muzikore kineze Erhu nga Huang Jiangqin është përpunuar në bazë të një kënge të preferuar shumë në botë dhe me stil të theksuar latin. Pasi u përpunua dhe u interpretua kjo melodi me Erhu, ajo u bë më ritmike, duke shprehur më tepër dashuri si dhe duke treguar mallin e njerëzve për të dashurit e tyre që ndodhen larg. .

Huang Jiangqin ka fituar shumë herë cmime në konkurse kombëtare të interpretimit me Erhu dhe ka shkuar shumë herë për vizitë dhe shkëmbime artistike në Angli, Francë, Singapor etj. Mjeshtria e saj e lartë në interpretim është vlerësuar lart jo vetëm nga mukikëdashësit por edhe nga personalitete të muzikës ndërkombëtare. Dëgjues të dashur, në fund të këtij emisioni, ju ftojmë të dëgjoni një melodi të përpunuar në bazë të këngës popullore nga Sri Lanka "Kënga e dashurisë". Në këtë melodi, interpretimi i instrumentistes Huang Jiangqin ka treguar plotësisht forcën e vecantë tërheqëse të instrumentit kinez Erhu duke i dhënë kësaj vepre një ndjenjë dashurie të ngrohtë. (Zhai)