Dëgjoni

Kohët e fundit, Kina ka hartuar një plan të hollësishëm për tërheqjen e studentëve të diplomuar jashtë vendit duke krijuar me përpjekje një mjedis të mirë për këta studentë që ata kthehen dhe të punojnë sërisht në vendin e tyre. Një funksionar i Ministrisë së Personelit të RP të Kinës u shpreh se gjatë disa vjetëve të ardhshme, Kina do të marrë masa të ndryshme për të tërhequr studentët e diplomuar jashtë vendit, vecanërisht studentë e shtresës së lartë që pasi të përfundojnë studimet e tyre të larta të kthehen dhe të punojnë në atdhe. Deri në vitin 2010, numri i studentëve të kthyer nga jashtë në Kinë mendohet të arrijë nga l50 deri në 200 mijë.

Lidhur me këto masa që do të ndërmerren, ju ftoj të ndiqni tani korrespondencën me titull: "Kina tërheq me përpjekje studentët e diplomuar jashtë shtetit të kthehet për të punuar sërisht në vendin e tyre".

Deri në vitin 2005, numri i përgjithshëm i studentëve kinezë të diplomuar në vende të ndryshme jashtë vendit ishte 933 mijë veta, kurse numri i studentëve që kishin përfunduar studimet dhe ishin diplomuar jashtë vendit por që u kthyen në atdhe ishte vetëm 233 mijë. Në këtë vështrim, del se numri i studentëve të kthyer për të punuar në vend është relativisht i vogël. Zv-drejtori i Degës administrative të personave profesionistë dhe teknikë të Ministrisë së personelit të Kinës Sun Jianli i tha korrespondentit se krahas zhvillimit të ekonomisë dhe shoqërisë si dhe shtimit të kontakteve ndërkombëtare, kërkesat e Kinës për talentë, vecanërisht talentë të nivelit të lartë po bëhen më imediate. Në këtë gjendje, procesi i shpejtimit të tërheqjes së studentëve të diplomuar jashtë vendit që ata të kthehen për të punuar në atdhe është shumë e domosdoshëm. "Studentët e diplomuar jashtë vendit kanë epërsitë e tyre, pasi në një farë mënyre ata i njohin normat ndërkombëtare, kanë në përgjithësi sfondin e arsimit dhe kulturës së shumëllojëshme dhe kanë zotëruar më mirë teknologjinë e lartë të vendeve të huaja si dhe janë relativisht largpamës. Për të plotësuar kërkesat për ndërkombëtarizimin e talentëve dhe për konkurrimet ndërkombëtare, në kemi haprtuar këtë plan".

Z. Sunjanli tha se zhvillimi i shoqërisë dhe ekonomisë së Kinës jo vetëm ka nxitur kërkesa të mëdha për talente të cilësisë së lartë duke përfshirë edhe studentë të diplomuar jashtë vendit, por i jep edhe talentëve të ndryshëm horizonte të gjera për të shfaqur hapur talentin dhe idetë e tyre. Tani, krijimet në vend duke marrë me vete objekte janë bërë zgjedhjet e para të studentëve të diplomuar jashtë vendit për të punuar në atdhe.

Z. Ëu Shiaodong me titullin e doktorit që u diplomua në universitetin amerikan Stanford dhe që ka punuar më se l0 vjet në Luginën Silikon u kthye në vitin 2001 në Pekin. Gjatë disa vjetëve, ai ka arritur suksese të mëdha në tregtinë e lëvizshme. Duke folur për zgjedhjen e punës në vend, doktori Wu Shiaodong deklaroi për mikrofonin tonë:  "Zhvillimi ekonomik i Kinës na dha ne, studentëve të diplomuar jashtë vendit një terren të mirë zhvillimi dhe horizonte në treg. Ky është edhe njëri ndër faktorët kryesorë të zgjedhjes sonë për të punuar në vend. Ne shpresojmë që me anën e përpjekjeve tona t'i japim kontribut Kinës dhe shoqërisë duke mishëruar edhe vlerën tonë".

Vitet e fundit, për të tërhequr studentë të diplomuar jashtë vendit për të punuar në atdhe, qeveria kineze ka bërë një punë të madhe. Ministria e Personelit, Ministria e Arsimit dhe shumë sektorë të tjerë qeveriarë të Kinës kanë lëvruar fonde të posacme për të ndihmuar studentët e diplomuar jashtë vendit që ata të rikthehen dhe të punojnë në atdhe. Edhe shumë rajone dhe sektorë kanë organizuar planin e punësimit të talentëve të shquar kinezë nga jashtë, duke punësuar një numër studentësh të shquar të diplomuar jashtë në institucione të rëndësishme të kërkimeve shkencore, të arsimit, administrimit dhe prodhimit.

Në bazë të planit të hartuar nga Kina për tërheqjen e studentëve të diplomuar jashtë në mënyrë që ata të zhvillojnë planet dhe talentin e tyre në atdhe, Kina do të tërheqë aktivisht talentë të tipit strategjik për të cilët ka më shumë nevojë shteti, do të inkurajojë drejtues të laboratorëve të rëndësishme shtetërore, të shkollave të larta, liderë të institucioneve të kërkimeve shkencore dhe të posteve të tjera të larta të kërkimeve shkencore të punësojnë sa më shumë studentë brenda e jashtë vendit, duke përqendruar forcat në tërheqjen e një numër liderësh tekniko-shkencor me nivelin e parë botëror. Plani do të përkrahë edhe studentë të diplomuar nga jashtë që ata të krijojnë në atdhe ndërmarrje, duke shpejtuar zhvillimin e zonave të krijimeve të të diplomuarve nga jashtë dhe duke bërë përpjekje që deri në vitin 2010, numri i zonave të të diplomuarëve për krijime të reja të niveleve dhe tipeve të ndryshme të arrijë në 150 dhe se numri i ndërmarrjeve të krijuar nga të diplomuarët nga jashtë në këto zona të arrijë në l0 mijë.

Zv-drejtori i Degës së administrimit të personelit profesionist dhe teknik të Ministrisë së Personelit të Kinës Sun Jianli, tha se qeveria kineze do t'u japë të diplomuarëve kinezë jashtë vendit edhe shërbime të mira për të punësuar të diplomuarit e nivelit të lartë nga jashtë në vend. "Shteti do të hapë një kanal të gjelber për t'u dhënë të diplomuarëve kinezë jashtë vendit shërbime të shpejta për punësimin e tyre në vend duke shtuar ndihma për punësimin e tyre në vend. Ne do të krijojmë një sistem të shërbimeve për të diplomuarit kinezë jashtë vendit, do të krijojmë një mekanizëm për punësimin e tyre në atdhe duke u dhënë shërbime të gjithashme.

Kanali i gjelbër do të thotë krijimi i kushteve të mira për punësim dhe krijime në vend të të diplomuarëve të nivelit të lartë, duke u dhënë edhe lehtësi për objektet e paraqitura, për punësimin e të afërmeve të tyre, shkollimin e fëmijëve si dhe për hyrje dhe dalje jashtë kufirit të vendit. ( Zhai)