Dëgjoni

Korrespondenti i Radios së Jashtme të Kinës njoftoi se më 21 janar, Kina publikoi një sistem të ri të mësimdhënies së gjuhës kineze për studentët e huaj i quajtur "Quick Chinese". Ky është një sistem me të drejtën e pronësisë intelektuale të Kinës në fushën e mësimdhënies së gjuhës kineze.

Siç bëhet e ditur, "Quick Chinese" ka ndryshuar formën tradicionale të mësimdhënies së gjuhës kineze duke pasur si qëllim që të forcohet aftësia e të folurit dhe e dëgjimit e studentëve. Ky sistem do të botojë tekstet mësimore në versione të gjuhës angleze, franceze, japoneze e jugkoreane.

Sipas statistikave, tani në botë ka mbi 30 milionë njerëz që po mësojnë gjuhën kineze.

Do të zhvillohet në qershor Festivali i Filmave për Fëmijë i Kinës 

Agjencia kineze e lajmeve Hsinhua njoftoi se nga 1 deri më 5 qershor, do të zhvillohet në qytetin Ningbo të Kinës lindore Festivali i 9-të Ndërkombëtar i Filmave për Fëmijë i Kinës.

Gjatë festivalit, do të shfaqen 30 filma për fëmijë duke përfshirë 20 filma të huaj për fëmijë dhe 10 filma kinezë. Krahas këtyre, gjatë festivalit do të zhvillohet edhe Forumi i Zhvillimit të Filmave Botërorë për Fëmijë etj.

Festivali Ndërkombëtar i Filmave për Fëmijë i Kinës filloi të organizohet në vitin 1989 dhe zhvillohet një herë në dy vjet. Qëllimi i këtij festivali është forcimi i shkëmbimeve midis Kinës e vendeve të tjera në fushën e filmave për fëmijë duke nxitur zhvillimin e filmave kinezë për fëmijë.

Vitin e kaluar të ardhurat nga shfaqjet të filmave kinezë i kaluan 2.6 miliardë juanët

Agjencia kineze e lajmeve Hsinhua njoftoi se vitin e kaluar, të ardhurat nga shfaqjet të filmave kinezë i kaluan 2.6 miliardë juanët. Sasia e prodhimit të filmave kinezë arriti në 330.

Specialistët janë të mendimit se shikuesit e shumtë të Kinës i kanë dhënë filmit kinez prirje të madhe zhvillimi. Me përmirësimin e mjedisit të zhvillimit të sektorit të filmit kinez dhe me forcimin e goditjes kundër filmave piratë, sektori i filmit kinez ka shpresë të zhvillohet më shpejt.

Trupa e Operës së Pekinit e Kinës do të japë shfaqje me rastin e Festës së Pranverës

Korrespondentja e Radios së Jashtme të Kinës njoftoi se nga 25 janari deri më 25 shkurt, Trupa e Operës së Pekinit e Kinës do të japë 24 shfaqje të shkëlqyeshme për të kremtuar festën tradicionale kineze, Festën e Pranverës.

Shikimi i operës është një traditë gjatë festave tradicionale kineze. Shfaqja e Trupës së Operës së Pekinit të Kinës me rastin e Festës së Pranverës është bërë një aktivitet tradicional kulturor me ndikim të gjerë. (Fani)