Dëgjoni

Gjatë procesit të kërkimit të së drejtës për organizimin e Lojërave Olimpike 2008, Pekini premtoi para gjithë botës se do të ndryshojë pamjen e qytetit nëpërmjet organizimit të Lojërave Olimpike. Me konkretizimin e punëve përgatitore të Lojërave Olimpike, edhe pamja urbanistike e Pekinit ka ndryshuar pandërprerë. Ditët e fundit Bashkia e Qytetit të Pekinit i bëri të ditur publikut rezultatin e sistemimit të mjedisit gjatë vitit të kaluar, si dhe planifikimin e këtij viti.

Ashtu si shumë qytete të mëdha në zhvillim, edhe pamja e Pekinit ka disa aspekte që janë në kontradiktë me njëra-tjetrën. P.sh. ndërtesat e larta moderne rrethohen nga shtëpi të ulëta dhe të vjetra, rrugët e gjera përshkojnë lagje me strukturë të ndërlikuar? Ndërtuesit e Pekinit kanë bërë përpjekje për ndryshimin e kësaj gjendjeje. Përgatitja për Lojërat Olimpike i ka dhënë Pekinit një rast të mirë për shpejtimin e ndryshimit të pamjes urbanistike. Bashkia e Qytetit të Pekinit krijoi të posaçme një zyrë drejtuese për përmirësimin e mjedisit për vitin 2008, që të drejtojë në mënyrë unike përmirësimin e pamjes urbanistike, ndërtimin e infrastrukturës, si dhe sistemimin e rendit të mjedisit.

Sipas zotit Lu Haijun, drejtor i kësaj zyre, në vitin 2006 u realizua në përgjithësi plani i "sistemimit të gjendjes së ngatërruar" dhe në vitin 2007, vitin kyç për punët përgatitore për Lojërat Olimpike, ideja orientuese e zyrës së tij është që t'u shtojë më shumë ngjyra Lojërave Olimpike.

"Përmirësimi i mjedisit është jo vetëm kërkesë e organizimit të Lojërave Olimpike, por edhe dëshirë dhe nevojë urgjente e banorëve të thjeshtë të Pekinit."

Theksi i "sistemimit të gjendjes së ngatërruar" është heqja e "fshatrave në qytet". Të ashtuquajturat "fshatra në qytet" janë lagje të prapambetura dhe me nivel të ulët jetese të krijuara gjatë procesit të zhvillimit të shpejtë të Pekinit. Në këto "fshatra" ekzistojnë shumë ndërtesa të paligjshme, të cilat ndikojnë negativisht mbi mjedisin e Pekinit dhe pengojnë komunikacionin normal. Në vitin 2006 Pekini hoqi 55 fshatra të tilla në zonën urbane. Ndoshta banorët rreth këtyre "fshatrave" janë mësuar me gjendjen e kaluar të ngatërruar, por ndryshimi i mjedisit u solli atyre një shkëlqim përpara syve. Z. Lu Haijin tha se një nga sukseset më të mëdha është ndryshimi i një "fshati" të tillë në një park të hapur. Parku është bërë një terren dëfrimi për banorët përreth, ndërsa banorët e "fshatit' u vendosën në një tjetër lagje të re me kushte të mira jetese. Z. Lu Haijun tha se shumë "fshatra" të tilla ndodhen në zonën e "hutong"-ëve, një traditë e njohur në arkitekturën e Pekinit, prandaj gjatë zhdukjes së këtyre "fshatrave", theksi vihet edhe në mbrojtjen dhe rikthimin e pamjes tradicionale të rrugicave të "hutong"-ëve. Kjo masë u vlerësua edhe nga specialisti.

"Zoti Shu Yi është studiues i njohur kinez. Në të kaluarën ai ka mbajtur qëndrim mohues për transformimin e fshatrave në qytet, ndërsa kësaj here, ai e vlerësoi lart një gjë të tillë. Në një artikull të botuar në gazetë, ai bëri thirrje: 'Ejani të shikoni, ky park është shumë i bukur, më pëlqen shumë.'"

Duke folur për punët në vitin 2007, z. Lu Haijun tha se do të vihet theksi në ndërtimin e mjedisit të rrugëve kryesore dhe rreth pallateve sportive e stadiumeve. Ai u shpreh gjithashtu se planifikohet që të hartohet edhe projekti i pamjes urbanistike, që të krijohet një atmosferë e zjarrtë për Lojërat Olimpike. Z. Lu shprehu mendimin se ndërtimi i mjedisit është një aspekt i rëndësishëm i realizimit të strategjisë "Pekini i Ri, Olimpiada e Re". "Olimpiada e Re" është vetëm një rast, ndërsa "Pekini i Ri" është objektiv. Ai u bëri thirrje të gjithë banorëve pekinas të marrin pjesë aktivisht në zhvillimin e qytetit dhe në sistemimin e mjedisit të tij. Me përpjekje të gjata dhe të paepura, Pekini do të shndërrohet në një qytet "të përshtatshëm për banim".

"Nëpërmjet organizimit të Lojërave Olimpike, do të përmirësojmë edhe mjedisin e jetesës së banorëve, në mënyrë që të gjithë banorët në Pekin të ndiejnë me të vërtetë se se jetojnë në një qytet të bukur, të rehatshëm dhe harmonik. Kjo është shpresa dhe objektivi i punës sonë." (Wang Lei)