Dëgjoni

Me zhvillimin e ekonomisë së Kinës, në kuletat e kinezëve ka gjithnjë e më shumë para të tepërta. Qarqet financiare të Kinës gjithmonë përpiqen për t'i shfrytëzuar këto fonde në zhvillimin e ekonomisë dhe për të siguruar më shumë përfitime për qytetarët.

Kohët e fundit, në panairin e dytë të financës ndërkombëtare 2006, mund të ndieje dëshirën e qytetarëve për financimin privat. Na duket se ideja e financimit privat po rrënjoset në zemrat e kinezëve. Me siguri, shumica e qytetarëve do të fitojnë shumë para.

Financimi në mënyrë të përshtatshme është i rëndësishëm për familjen. Në kohën e kaluar kur kinezët kishin para të tepërta, ata mund vetëm t'i rezervonin ato në bankë, t'i futnin nën dyshek ose në vrimë të murit. Asnjeri nuk kishte idenë e financimit ose të investimit.

Ndryshe nga e kaluara, tani shumica e familjeve kanë para të tepërta. Në fakt, financimi privat është popullarizuar në botë. Ka edhe këshilltarë profesionistë që ndihmojnë individët ose familjet të hartojnë planet e financimit. Tani, me zhvillimin e financës së Kinës dhe me zhvillimin e tregut të financimit, aksionet, mallrat me porosi, fondet e sigurimet janë futur gradualisht në jetën e kinezëve.

Në vitin 2005 në Pekin u zhvillua me sukses panairi i parë financiar ndërkombëtar, ndërsa në shtator të vitit 2006 po në Pekin u zhvillua panairi i dytë i financës ndërkombëtare, i cili u ka krijuar kinezëve një platformë të përmirësuar të shërbimeve të financimit. Qëllimi i këtij panairi është edhe për të popullarizuar njohuritë financiare.

Popullarizimi i njohurive të financës, ideja e besimit dhe koncepti ligjor kanë lidhje të drejtpërdrejta me efektivitetin e kontrollit të financës dhe me zhvillimin e financës në mënyrë të shëndetshme, të qëndrueshme dhe të vazhdueshme. Në këtë panair zv-drejtori i Bankës Qendrore të Kinës Su Ning tregoi se

"Vitet e fundit, Banka Qendrore e Kinës ka marrë masa të rëndësishme për përmirësimin e mjedisit financiar nëpërmjet popullarizimit të njohurive për financën. Ky panair mund të thellojë më tej njohjen nga kinezët të politikës financiare dhe t'u forcojë besimin."

Fuqia nxitëse më e rëndësishme për të inkurajuar financimin e kinezëve është përfitimi. Tani në qarqet financiare ka një ide e quajtur "Parimi 2 dhe 8", domethënë marrja e një fitimi prej 80% me investime prej 20%.

Tani të gjitha bankat kanë potencialin e tregut të financimit privat. Duke folur për këtë, menaxheri i Bankës së Ndërtimit të Kinës, zoti Ly, tha:

"Në të kaluarën bankat shtetërore merrnin fitime vetëm nga biznesi publik, si për shembull mbulesat e kredisë. Pas hyrjes së Kinës në OBT, tregu financiar i Kinës është hapur në mënyrë të gjithanshme. Bankat kineze kanë kuptuar gradualisht rëndësinë e klientëve privatë, kështu që financimi privat është bërë orientimi kryesor i të gjitha bankave."

Për të njohur zhvillimin e bankave, korrespondenti shkoi në një degë të Bankës së Ndërtimit të Kinës. Herët në mëngjes shumë njerëz kishin ardhur atu për biznesin bankar të tyre. Disa i thanë korrespondentit se 80%-90% e tyre kanë ardhur këtu për të blerë fonde, por disa prej tyre nuk ia dalin blejnë. Duke folur për lulëzimin e tregut të fondeve, zoti Ly tha:

"Kohët e fundit, shumë njerëz kanë ardhur në bankën tonë për të parë gjendjen e zhvillimit të fondeve sepse tregu i aksioneve është rigjallëruar, kështu që tregu i fondeve është zhvilluar me një shpejtësi të madhe"

Shumica e këtyre njerëzve që i kushtojnë vëmendje financimit privat janë të moshuar. Me përhapjen e ideve të financimit, shumë të moshuar e kanë kuptuar rëndësinë e financimit privat, sidomos një pjesë e të moshuarve që nuk kanë sigurime për shkaqe historike. Ata dëshirojnë të pakësojnë barrën ekonomike të familjes së tyre, kështu që kanë filluar të marrin pjesë në financimin privat.

Në këtë panair, xha Uang, që sapo ka marrë pjesë në një forum të financimit, i tha korrespondentit se djali i tij është martuar dhe tani ka shumë shpenzime. Ai mori njohuri për financimin për të përmirësuar gjendjen e vet financiare. Ai tha:

 "Kam ardhur këtu për të marrë disa njohuri praktike për financimin. Nuk kam shumë para. Tani nuk mund të fitoj para, por së paku mund të mësoj si të kursej para."

Për shkak të shtimit të nevojës për këshilltarë të financimit, ky profesion është bërë shumë i mirëpritur në tregun e punësimit. Tani disa studentë po i kushtojnë vëmendje zhvillimit të financimit.

Në këtë panair, studenti Siao Chen nga Universiteti i Industrisë i Pekinit dhe shoku i tij, që kishin ardhur herët këtu, tha:

"Mendoj se financimi do të bëhet një mjet i rëndësishëm për të grumbulluar pasuri. Do të ketë nevojë për talente në fushën e financimit. Shpresoj se në të ardhmen do të punoj në këtë fushë, prandaj kam ardhur sot për të mësuar."

Tregu i financimit privat është zhvilluar kaq shpejt sa ky panair ka tërhequr qindra kompani profesionale me fonde kineze dhe me fonde të huaja që merren me financim. Këtu kompania "Bai Fu Jia" premtoi se investuesit në të do të marrin fitime vjetore prej 10%. Menaxheri i kësaj kompanie, zoti Liu, tha:

"Tani ka shumë kompani që merren me kërkimin e produkteve të financimit privat. Konsumatorët mund t'i zgjedhin këto produkte sipas nevojës së vet. Nëse dëshirojnë të zgjedhin investime të qëndrueshme, atëherë mund të zgjedhin ato me përfitime vjetore prej 10%."

Kina po inkurajon financimin privat, ndërkohë që po zhvillon edhe punën e standardizimit në këtë fushë. Për shembull, kohët e fundit është publikuar "Rregullorja Administrative e Kontrollit të Bankave me Fonde të Huaja". Më 18 janar të vitit 2007, banka qendrore e Kinës publikoi në Pekin librin me titull "Libri i njohurive financiare për kinezët".

Publikimi i këtij libri tregon etjen e kinezëve për njohuritë financiare. Pjekuria e ideve të financimit të kinezëve do t'i sjellë me siguri zhvillimit të ekonomisë kineze fonde të plota dhe kinezëve më shumë përfitime.  (U Sen)