Melodia që ndoqët titullohet "Kënga e pranverës". Rewapu është një vegël muzikore përfaqësuese e pakicave kombëtare, e cila është e përhapur kryesisht në Rajonin Autonom të Singjiang-Ujgurit në Kinën veriperëndimore dhe pëlqehet shumë nga banorët e kombësive ujgure, taxhike dhe uzbeke. Deri më sot rewapu ka një histori mbi 600 vjeçare. Në shekullin e 14-të, zhvilloheshin shkëmbime të gjëra ekonomike dhe kulturore midis kombësive të ndryshme të Singjangut dhe zonave të ndryshme brenda e jashtë vendit, ujgurët krijuan disa instrumente të reja muzikore, duke u mbështetur në veglat ekzistuese muzikore dhe duke marrë të mirat e veglave të huaja, rewapu është përfaqësuesja e tyre më e mirë dhe është ruajtur deri më sot.

Rewapu i bërë prej druri ka një pamje të veçantë, pjesa e tij e sipërme është trup i hollë dhe i gjatë, maja e trupit është e kthyer, ndërsa pjesa e poshtme është një kuti kumbuese në formë gjysmërruzulli. Numri i telave të kësaj vegle është nga 3 deri në 9, teli i jashtëm formon melodi, telat e tjera krijojnë harmoni kombuese.

Rewapu ka zë kumbues, timbër të pastër e të veçantë dhe ka forcë të madhe shprehëse. Instrumentisti që i luan rewapu-t, i ulur ose i ngritur më këmbë, duhet ta drejtojë trupin, të ruajë dy supet në një nivel.

Rewapu ka shumë lloje. Banorët ujgurë, taxhikë dhe uzbekë jetojnë në Singjiang, por kanë rewapu të ndryshëm me emër të ndryshëm. Melodia "Rewapu im" që sapo ju ndoqët është një melodi e njohur e përhapur në zonën Kashi të Singjangut.

Të dashur dëgjues, melodia "Rewapu im" shpreh dashurinë e banorëve të kombësive të ndryshme të Singjangut për veglën muzikore rewapu.

Në fund të programit të sotëm do të shijojmë së bashku melodinë e interpretuar në rewapu "Tasivai". Tasivai është emri i një instrumentisti të zjarrtë në rewapu. Për të nderuar kujtimin e tij, njerëzit i vunë kësaj melodie që i pëlqente më shumë titullin me emrin e tij Tasivai.

Ju flet Radio e Jashtme e Kinës! Të dashur dëgjues, ndoqët disa melodi të bukura, të interpretuara në veglën muzikore tradicionale të pakicave kombëtare rewapu.  Pina.