Kohët e fundit, drejtoria shtetërore e sendeve arkeologjike të Kinës rivendosi listën paraprake të trashëgimisë kulturore botërore duke forcuar administrimin mbi këtë listë. Në qoftëse ndonjë objekt i trashëgimisë në këtë listë nuk është mbrojtur siç duhet, do të likujdohet nga kjo listë duke humbur të drejtën e paraqitjes së kërkesës për ta regjistruar në listën e trashëgimisë kulturore botërore. Në nënrubrikën e sotme "Kultura në fokus" do të dëgjoni korrespondencën me titull: "Kina forcon administrimin mbi listën paraprake të trashëgimisë kulturore botërore."

Kina mori pjesë në vitin l985 në "Konventën e mbrojtjes së trashëgimisë kulturore dhe natyrore botërore" dhe deri tani 31 objekte nga Kina janë regjistruar në listën e trashëgimisë botërore. Sipas rregulloreve të traktatit, regjistrimi në listën paraprake të trashëgimisë kulturore dhe natyrore botërore të UNESKO-s, është kushti paraprak i paraqitjes së kërkesës për regjistrimin në listën e trashëgimisë botërore. Në vitin l996, Kina i dorëzoi listën paraprake të objekteve të trashëgimisë botërore të Kinës UNESKO-s dhe sipas rregulloreve të kësaj organizate, kjo listë paraprake duhet të rishikohet të paktën një herë në l0 vjet.

Lidhur me këtë, drejtoria shtetërore e sendeve arkeologjike të Kinës zgjodhi 35 objekte nga 129 objekte të paraqitura nga krahina të ndryshme të mbarë Kinës dhe rivendosi listën paraprake të trashëgimisë kulturore botërore të Kinës.

Zv-drejtori i drejtorisë shtetërore të objekteve arkeologjike të Kinës z. Tong Mingkang vuri në dukje : ..1..

"Rivendosja e listës paraprake është në radhë të parë zbatimi i detyrimeve të konventës ndërkombëtare dhe në radhë të dytë është sfondi i ndryshuar i koncepteve mbi trashëgiminë kulturore. Vitet e fundit, në arenën ndërkombëtare, janë zgjeruar përmbajtjet e trashëgimisë kulturore, si koncepte të reja mbi linjat kulturore, trashëgiminë industriale dhe tipet e reja të objekteve të trashëgimisë. Kjo na kërkon ne të rivendosim listën paraprake të objekteve kineze për regjistrimin në listën e trashëgimisë botërore."

Dong Mingkang tha se në bazë të rregulloreve të përcaktuara në Konferencën e 28-të të trashëgimisë botërore të organizuar nga UNESKO-ja në vitin 2004 në qytetin Suzhou të Kinës, në të ardhmen, një vend mund të paraqesë kërkesën për regjistrimin e një objekti në listën e trashëgimisë kulturore botërore. Në bazë të këtij ndryshimi, drejtoria shtetërore e objekteve arkeologjike e Kinës rregulloi disa objekte për regjistrimin e tyre duke bashkuar 5 adresa arkeologjike për prodhimin e rakisë të shpërndarë në 3 provinca ata Hëpei, Sëchuan dhe Jiangsi në një objekt "adresa të lashta për prodhimin e rakisë kineze". Edhe pjesa e rrugës së mëndafshit në Kinë ka lidhje me 7 provinca.

Megjithëse u bashkuan disa objekte në një të vetëm, shumë objekte të paraqitura nga administratat lokale nuk janë përfshirë në listën paraprake të trashëgimisë botërore. Specialisti i njohur për mbrojtjen e objekteve të trashëgimisë botërore Guo Zhan është i mendimit se ky veprim tregon se Kina ka forcuar administrimin e saj mbi listën paraprake të trashëgimisë kulturore botërore.( ..2..)

"Lista jonë paraprake është me objekte afër nivelit të paraqitjes zyrtare për regjistrimin në listën e trashëgimisë botërore."

Ky specialist tha se qysh nga vitet 80-të të shekullit të kaluar, Kina ka pothuajse çdo vit objekt që regjistrohet nga UNESKO-ja në listën e trashëgimisë botërore. Kjo ka luajtur një rol nxitës për bërjen të njohur të vendit me trashëgimi botërore.

Drejtori i degës për mbrojtjen e objekteve arkeologjike të Drejtorisë Shtetërore të objekteve arkeologjike të Kinës Gu Yucai tha se pasi u regjistruan në listën e trashëgimisë kulturore botërore, disa objekte kanë tërhequr një numur të madh turistësh. Krahas vizitave të numrit të madh të turistëve po dalin probleme të reja në mbrojtjen e trashëgimisë kulturore. Sektorët arkeologjike kanë filluar zgjidhjen e këtyre problemeve. ...3...

"Vitet e fundit, ne kemi nisur të konceptojmë mirë idenë e mbrojtjes së objekteve të trashëgimisë, pasi edhe shkëmbimet me kolegët në arenën ndërkombëtare janë shtuar shumë. Por nga ana teknologjike, objektet nga Lindja dhe Perendimi janë të ndryshme. Ne po përpiqemi të gjejmë teori dhe praktikë të re për mbrojtjen e objekteve arkeologjike që përputhen me karakteristikat e Kinës".

Siç mësohet, drejtoria shtetërore e objekteve arkeologjike të Kinës do t'ia dorëzojë së shpejti këtë listë qendrës së trashëgimisë botërore të UNESKO-s, ku objekti i kalave dhe fshatrave Kaiping të Guandonit të Kinës jugore do të paraqitet për regjistrimin këtë vit në listën e trashëgimisë kulturore botërore. Këto kala u ndërtuan në vitet 20-të a 30-të të shekullit të kaluar dhe në arkitekturën e këtyre kalave janë shkrirë stilet e ndryshme të Greqisë dhe Romës së lashtë. Ato madje janë vlerësuar nga specialistët si "muze i gjallë i arkitekturës moderne". ( Zhai)