Kjo ekspozitë zhvillohet me rastin e 35-vjetorit të normalizimit të marrëdhënieve kino-japoneze dhe të 50-vjetorit të krijimit të Shoqatës së Shkëmbimeve Kulturore me Kinën të Japonisë. Ekspozita ku janë vendosur 61 relikte të zgjedhura do të zgjasë për dy muaj.

Filloi ndërtimi i sallës së parë të pikturave në mur të varrezave të dinastisë Tang

Korrespondenti i Radios së Jashtme të Kinës njoftoi se ditët e fundit, filloi në Muzeun Historik të Provincës Shanxi në qytetin Xian ndërtimi i sallës së ekspozitës së pikturave në mur të varrezave të dinastisë Tang. Kjo do të jetë salla e parë e posaçme në Kinë ku ekspozohen piktura në mur të varrezave të dinastisë Tang të para mbi 1000 vjetëve.

Dinastia Tang që zgjati nga viti 618 deri në vitin 907 ishte periudha e artë e zhvillimit të pikturave në mur të varrezave. Qysh nga vitet '50 të shekullit të kaluar, në provincën Shanxi janë zbuluar mbi 20 varreza të dinastisë Tang me piktura në mur. Këto piktura pasqyrojnë kryesisht jetën e fisnikëve të dinastisë Tang. Por për shkak të kufizimeve teknologjike, njerëzit nuk mund t'i shohin këto piktura në muze.

Kjo sallë e pikturave në mur të varrezave të dinastisë Tang do të ndërtohet me bashkëpunimin e Kinës dhe të Italisë. Sipërfaqja e saj do të arrijë në 4200 metra katrorë. Kostoja e përgjithshme do të arrijë në mbi 73 milionë juanë. Sipas planit, kjo sallë do të përurohet pas dy vjetëve.

Provinca Shanxi forcon mbrojtjen e relikteve

Agjencia kineze e lajmeve Hsinhua njoftoi se siç bëhet e ditur nga Drejtoria e Relikteve e Provincës Shanxi, këtë vit, kjo provincë do të harxhojë mbi 20 milionë juanë për të mbrojtur reliktet.

Provinca Shanxi është një nga provincat kineze me relikte më të pasura. Vitet e fundit, fondet për mbrojtjen e relikteve të kësaj province janë shtuar nga viti në vit.

Në malin Changbaishan u krijua skulptura më e madhe e dëborës në botë

Agjencia kineze e lajmeve Hsinhua njoftoi se ditët e fundit, u zhvillua në Pekin një aktivitet i përhapjes së kulturës së dëborës të malit Changbaishan. Këtë vit, për të pritur turistë vendës dhe të huaj, në rajonin turistik të malit Changbaishan u krijua skulptura më e madhe e dëborës në botë.

Mali Changbaishan është mali më i lartë në lindjen e Euroazisë. (Fani)