Të dashur dëgjues, ju përshëndesim në minirubrikën "sporti në Kinë", jam Shyguan, në programin e sotëm do t'ju njohim me përvojën time të paharrueshme si shpatar. Duke përmendur fjalën "shpatar", në mendje mund t'ju vijnë "Tre musketierët" dhe shpatari i njohur "Zorro". Por a e dini si është një shpatar modern në Pekin? Tani, ju lutem që të provoni së bashku me mua sportin e skermës në Pekin.

Në njërën nga fundjavët e dhjetorit, shkova në një pallat sporti me emrin "Qendra e skermës Wangguo", i cili ndodhet në zonën "Haidian" në veriperëndim të Pekinit, dhe provova përvojën e luftimit si një shpatar modern. Kur hyra në këtë pallat sporti, më tërhoqi vëmendjen një ndeshje zyrtare midis dy skermistëve, e cila po zhvillohej në platformë. Të dy shpatarët kishin veshur rroba mbrojtëse dhe mbanin maska të posaçme. Dëgjoni, ata po bëjnë një duel të ashpër me shpata.

Në këtë kohë, më erdhi pranë një vajzë simpatike, e cila është trajnere në këtë qendër sportive. Ajo më tregoi:

Ky pallat sportiv quhet "Qendra e skermës Wanguo", me 7 platforma të skermës, Ai është qendra stërvitore më e madhe e Kinës për skermistët amatorë. Unë hodha një sy në këtë pallat shumë të madh, i cili është afro 100 metra i gjatë, 50 metra i gjerë dhe 30 metra i lartë, dhe ka me dhjetëra llamba shumë të ndritëshme.

Ajo më tha në vazhdim se këta skermistë dhe sportdashës janë shumë profesionist, të gjithë trajnerët e kësaj qendre kanë qenë skermistë profesionistë.

Duke parë ndeshjet tërheqëse midis skermistëve shumë seriozë, më lindi një interes i madh për eksperiencën e luftëtarit me shpatë e dëshirova ta provoja sa më shpejt këtë sport.

Por më parë, duhet të mësoja disa rregulla të kësaj loje. Një trajner tjetër më tregoi se në skermë ka tre lloje shpatash, Atë ditë do të provonim shpatën me peshë më të rëndë, e cila është më i afërt duelit origjinal dhe me rregulla më të thjeshta. Nëse shpata juaj prek trupin e kundërshtarit, fitoni një pikë.

Ai theksoi se në duelin e skermës, fitorja dhe humbja varen kryesisht nga truri i sportistit, nuk kërkohet shumë forcë dhe shpejtësi. Prandaj, ky është një sport me kërkesa teknike shumë të mëdha. Skerma quhet "balli i duelit" dhe "shahu i trupit". Ky sport i ngjan shahut, nuk do forcë të madhe, por fitorja apo humbja ndodh brenda një sekonde.

Tani, dëgjoni, unë do të filloj duelin tim me këtë trajner.

Por, më vjen shumë keq, u munda shumë shpejt nga trajneri i skermës. Por kjo është hera e parë për mua që provoj këtë sport, ndaj mund të marr shumë përvojë nga ky duel.

Pas duelit, trajneri në fjalë më tha se në fund të viteve 40 dhe në fillim të viteve 50, nxënësit kinezë sollën shpatat e para në Kinë nga vendet evropiane pasi mbaruan studimet në këto vende. Në fillim kinezët e kombinuan teknikën e skermës me kongfunë tradicionale kineze. Dhe më pas ky sport në Kinë u zhvillua shumë shpejt. Skerma kineze ka qenë gjithmonë e nivelit më të përparuar botëror.

Të dashur dëgjues. Në rubrikën e sotme sportive ndoqët materialin me titull "Një përvojë e paharrueshme si shpatar. Në mikrofon për ju Shyguan.(Shyguan)