Ju flet Radio e Jashtme e Kinës! Të dashur dëgjues, unë jam Pina, po takohemi përsëri në programin e sotëm muzikor. Në këtë program do të vazhdojmë të shijojmë disa këngë popullore të bukura mungole.

Ata që kanë qenë në stepë, panë nga afër veçoritë e çiltra dhe të hapura të banorëve mongolë, ndërsa këngët popullore mongole janë pikërisht shprehja e botës së brendshme të pasur të blegtorëve mongolë. Mongolët presin me këngë mysafirët e shtrenjtë, shprehin me këngë dashurinë për vendlindjen dhe mallin e tyre për të afërmit.

Kënga që dëgjuat titullohet "I shenjti mal i artë ". Kjo këngë shpreh ndjenjat e njerëzve të larguar nga vendlindja, të cilët shpresojnë të rikthehen sa më parë në vendlindjen për t'u takuar me të afërmit e tyre. Në këngë thuhet: "Malin e shenjtë të artë nuk mund ta kaloj unë, por atë e kalojnë tingujt e bukur këngësh. Nëpërmjet melodisë të mallit dhe të shpresës, jam hedhur në kraharorin e nënës."

Të dashur dëgjues, këngët popullore mongole ka dy llojë, të gjata dhe të shkurtra. Le të shijojmë tani këngën e shkurtër me titull "Senjidema". Fjala "Senjidema" është emri i një vajze mongole. Kënga përshkruan ndjenjat e përzemërta dashurie të një djali për Senjidemanë e bukur. Në këngë thuhet: "Senjidema e bukur, një lule në zemrën time, shkoj anëmbanë stepës për ta kërkuar dhe për t'i shprehur asaj fjalët e zemrës. Sejidema e bukur, një lule e paharruar në zemrën time, dashuria për ty është aq e thellë sa një det."

Në muzikën e kombësisë mongole, humai është një mjeshtri më e vështirë dhe më e çuditshme e këndimit.

Të dashur dëgjues, tingujt e çuditshëm dhe të bukur që dëgjuat janë interpretuar në mënyrë humai. Sipas interpretimit humai, një këngtar nëpërmjet mjeshtrisë së veçantë këndon njëkohësisht në zë bas dhe tenor. Ky është një art i lashtë dhe i çuditshëm i kombësisë mongole. Kënga që po dëgjoni titullohet "Vendlindja Teergu".

Në fund të programit të sotëm muzikor, do të shijojmë këngën "Hija e malit Noergen". Kënga u këndon panoramave të bukura të vendlindjes, duke shprehur shpresën e blegtorëve mongolë për dashurinë e bukur.

Ju flet Radio e Jashtme e Kinës! Të dashur dëgjues, ndoqët disa këngë popullore mongole. Mirudëgjofshim të shtunën tjetër. Në mikrofon për ju Pina