Kina ka një popullsi prej 1 miliard e 300 milionë banorësh, duke qenë vendi me popullsinë më të madhe në botë. Detyra për zgjidhjen e problemit të punësimit është shumë e madhe. Vitet e fundit, qeveria kineze i ka kushtuar rëndësi shumë të madhe zgjerimit të punësimit dhe e konsideron zgjerimin e punësimit si përmbajtje të rëndësishme për zgjidhjen e problemit të jetesës së masave popullore.

Li Muhani është studente e vitit të 4-t në Universitetin e Gjuhëve të Pekinit. Megjithëse ka një periudhë kohe për t'u përgatitur për diplomën, ajo ka nisur kërkimin për një vend pune. Pak kohë më parë, ajo vuri kërkesën për një vend pune në uebsajtin e punësimit të të diplomuarve të shkollave të larta të Kinës.

"Në të kaluarën, ne duhet të kërkonim shoqërinë që na interesonte nëpërmjet uebsajtit të sektorëve të ndryshëm të qeverisë, duke shpenzuar shumë kohë. Tani jemi regjistruar në uebsajtin e përbashkët të të diplomuarve. Më vonë kjo mund të ketë rezultat dhe është shumë e lirë".

Uebsajti i përbashkët për punësimin e të diplomuarve të shkollave të larta të Kinës është formuar nga Komisioni Shtetëror i Zhvillimit dhe i Reformës i Kinës, Ministria e Arsimit, Ministria e Punës dhe e Sigurimeve Shoqërore etj. Qëllimi i krijimit të këtij uebsajti është zbutja e mëtejshme e presionit të punësimit në Kinë. Në vitet 90 të shekullit të kaluar, shkollat e larta të Kinës filluan zgjerimin e pranimit të studentëve. Kjo masë u ka krijuar të rinjve dhe të rejave shumë raste në arsimin e lartë dhe ka shtuar presionin e punësimit të të diplomuarve të shkollave të larta. Sivjet numri i të diplomuarve të shkollave të larta të Kinës që do të kërkojnë për një vend pune, do të arrijë në 4 milionë e 900 mijë veta, shifër kjo që do të shtohet mbi 700 mijë veta në krahasimin me vitin e kaluar. Numri i të diplomuarve të shkollave të larta në vitin 2008do t'i kalojë 5 milionët.

Funksionari i Ministrisë së Punës dhe të Sigurimeve Shoqërore të Kinës, z. Yi Jiankun tha se Kina ka marrë një sërë masash, duke u krijuar kushte punësimi të të diplomuarve të shkollave të larta.

"Para diplomimit të studentëve, shkollat e larta do t'i ndihmojnë ata në rekomandimin e punës. Institucionet shërbyese të punësimit publik kanë krijuar dritaret shërbyese për të diplomuarit e shkollave të larta. Përveç këtyre, sektorët përkatës të Kinës kanë marrë disa masa konkrete për punësimin e të diplomuarve të shkollave të larta".

Vitet e fundit, problemi i punësimit të krahut të punës të tepërt në fshat është shumë i dukshëm në Kinë. Sipas të dhënave statistikore, në vitin 2005, numri i përgjithshëm i punëtorëve të ardhur nga fshati i kaloi 125 milionët, shifër kjo që u shtua 7 milionë e 550 mijë veta në krahasim me vitin 2004.

Për t'u krijuar krahëve të punës të tepërta në fshat vende të përshtatshme pune në qytet, tani qytetet e ndryshme të Kinës kanë krijuar sistemin falas të informacionit për punësimin e fshatarëve.

Duke folur për këtë, funksionari i Ministrisë së Punës dhe të Sigurimeve Shoqërore të Kinës Yi Jiankun tha se qeveria kineze ka hartuar edhe planin e përshtatshëm të punës për të ngritur aftësinë në punë të punëtorëve të ardhur nga fshati.

"Vitin e kaluar, ne kemi zbatuar një plan, domethënë planin e punësimit të krahut të punës në fshat. Nëpërmjet këtij plani, gjatë planit të 11-të pesëvjeçar (nga viti 2006 deri në vitin 2010), ne do të përgatitim 40 milionë krahë pune nga fshati për të ngritur aftësinë e tyre të punësimit në qytete".

Përveç punësimit të studentëve dhe të punëtorëve të ardhur nga fshati, qeveria kineze ka marrë aktivisht edhe masat konkrete për ripunësimin e personave të papunë. P.sh për të inkurajuar ripunësimin dhe krijimin e ndërmarrjeve të personave të papunë, qeveria u ka dhënë atyre kredi në sasi të vogël dhe ka pakësuar e anuluar taksat e tyre.

Funksionari i Ministrisë së Punës dhe të Sigurimeve Shoqërore të Kinës tha se qeveria kineze po planifikon të krijojë sistemin me efektivitet afatgjatë për nxitjen e punësimit, domethënë kombinimi i punës së punësimit me nxitjen e zhvillimit përpjesëtimor të ekonomisë dhe të shoqërisë.

"Në radhë të parë, duhet të realizohet kombinimi i mirë i zhvillimit ekonomik me zgjerimin e punësimit. Me zhvillimin ekonomik do të zgjerohet punësimi dhe nëpërmjet zgjerimit të punësimit, do të nxitet më tej zhvillimi ekonomik. Së dyti; duhet të zbatohet zgjedhja autonome e punonjësve për vendet e punës. Së treti, duhet të përmirësohet sistemi i shërbimit të punësimit publik".

Përveç këtyre, Kina do të krijojë sistemin e përgatitjes së mjeshtërisë profesionale të të gjithë punonjësve, dhe do të shpejtojë ndërtimin e tregut të krahut të punës për të krijuar tregun unik të krahut të punës të qyteteve dhe të fshatrave. Njëkohësisht do të përmirësohet sistemi ndihmës i ripunësimit.

(Sihai)