Në programin e sotëm do t'ju paraqes albumin e parë të Yuan Jiale-së "Dashuria në qytet".

Po dëgjoni tani këngën kryesore të këtij albumi "Dashuria në qytet". Teksti i kësaj kënge përshkruan ndjenjat e pështjelluara të qytetarëve për dashurinë. Në këtë këngë thuhet "Burrat dhe gratë shëtitin në qytet. Ata nuk bisedojnë shumë me njëri-tjetrin. Janë shumë të vetmuar. Si të besojmë gjërat që kemi parë? Vazhdojnë të kërkojnë dashurinë e tyre."

Yuan Jiale ka lindur në një familje punëtorësh hekurudhi në Chang Sha të provincës Hu Nan. Në moshën 18 vjeçare ai u pranua në universitetin Qendror të Kombësive të Kinës. Më pas ai shkoi në SHBA për studim. Atje ai studioi vallëzim, këngë, interpretim etj. Pas përfundimit të studimeve në vitin 2005, Yuan Jiale u kthye në Kinë për të punuar. Ai mori pjesë në "Konkursin e këngëtarëve të rinj" të zhvilluar nga kompania EEG e Hong-Kongut. Kështu ai filloi jetën në qarqet muzikore. Në vitin 2006 Yuan Jiale u regjistrua nga një kompani diskografike dhe nxori albumin e parë "Dashuria në qytet", i cili është prodhuar nga muzikantë të njohur koreanojugorë he kinezë. Në këtë album ka shumë elemente muzikore moderne si R&B, rep, pop, disko etj.

Po dëgjoni tani këngën e stileve R&B dhe rep "Free Style". Në këtë këngë thuhet "Kaloj zonën e zezë duke fluturuar. Nuk kam frikë. Thuhet se bota ndryshon shumë shpejt. Do të hapet zemra ime. Zemra ime fluturon dhe kam zbuluar qiellin blu. I gjithë qyteti është i lirë."

Vitet e fundit, përhapja e stileve muzikore R&B dhe rep është i dukshëm në Kinë. Shumë këngëtarë kanë filluar t'i përdorin këto stile gjatë prodhimit të muzikës. Kështu që shumë këngëtarë që dëshirojnë të jenë të suksesshëm në një kohë të shkurtër bëhen shumë të mirëpritur. Ndërsa Yuan Jiale është i ndryshëm nga këngëtarët e këtij lloji. Këngët e stileve R&B dhe rep të tij janë autoktone, sepse ai ka studiuar në SHBA dhe është ndikuar shumë nga muzika amerikane. Do të dëgjoni tani këngën "Do të të mbroj përgjithmonë".

Me zë lirik dhe me ritëm të stilit R&B me kadencë, melodia e bukur rrjedh ngadalë në veshët e tu. Të duket se ke rënë në dashuri me shikim të parë. Në këtë këngë thuhet: "Në fillim kur të pashë, desha të të përqafoj. Duket se koha ka ndaluar. Nuk di si ta shfaq dashurinë time. Unë po pres këtu. Do të të mbroj përgjithmonë. Shpresoj që mund të qëndrosh afër meje. Dua përgjigjen tënde."

Në këngët e tij, Yuan Jiale ka përzier elementet muzikore të stileve R&B, rep me elementet muzikore kineze, si në këngën "Edhe më do". Hyrja dhe intermexoja e kësaj kënge janë plot me karakteristika të fshatit të jugut të Kinës.

Në fund të programit të sotëm, do të dëgjoni këngën "Të dua". (U Sen)