Ju flet Radio e Jashtme e Kinës! Të dashur dëgjues, në nënrubrikën e sotme " Shkëmbime kulturore " do t'ju njohim me kompozitorin e njohur Zhang Qianyi dhe disa pjesë muzikore orkestrale të kompozuar prej tij.

Pjesa që po dëgjoni është shkëputur nga simfonia piktoreske "Pyjet veriore". Kjo është vepra e tij e parë me të cilën ai fitoi një cmim. Tema kryesore e kësaj simfonie piktoreske është nxjerrë nga përpunimi në bazë të melodive popullore të kombësisë Elunchun, një pakicë kombëtare në kinën verilindore. Në këtë melodi me anën e përshkrimit të ndryshimeve të ngjyrave të larmishme të pyjeve, u jepet dëgjuesve një pamje e bukur shumëngjyrëshe e pyjeve të kinës veriore gjatë-gjithë ditës. 

Zhang Qianyi është një ndër kompozitorët shumë të suksesshëm të Kinës së sotme. Qysh nga fillim të viteve 80-të të shekullit të kaluar, ai me veprën simfoninë piktoreske fitoi cmimin e parë në konkursin e parë të veprave simfonike të Kinës. Më vonë ai kompozoi një numër të madh veprash simfonike, me muzikë dhome, vepra vokale, opera dhe muzikë për balet si dhe muzika për filmat artistikë e televizivë. Veprat muzikor të kompozitorit Zhang Qianyi janë me temë të pasur, më formë të ndryshme dhe me përmbajtje të reja. Veprat e tij muzikore kanë fituar shumë herë çmime në konkurse kombëtare të Kinës. Shumë këngë të kompozuara prej tij janë përhapur gjerësisht edhe në gjirin e popullit. 

Muzika që po dëgjoni titullohet "Kuarteti i muzikës orkestrale në tonin A". Kjo është një vepër e kompozuar më herët nga kompozitori Zhang ku ai është mbështetur në muzikën e kombësisë koreane "Alilang". Muzika ndahet në 3 pjesë, në pjesën e gëzueshme ritmike, në pjesën me përmbajtje muzikore pak të thellë dhe të menduar dhe pjesën në dialog midis violinës dhe violinçelit. Duke parë të gjtiha këto, muzika përfundoi në një atmosferë harmonike.

Si kompozitor i njërës prej pakicave kombëtare, Zhang Qianyi ka kompozuar një numër të madh veprash muzikore me karakteristika të pakicave kombëtare. Njëra prej tyre është edhe muzika e kompozuar për filmin televiziv me shumë seri "Rruga e lashtë e transportit të cajit" në të cilën është shkrirë muzika e kombësive tibetiane, Baj, Nasi etj, të cilat kanë karakteristika të theksuar krahinore. Këngët e kompozuar prej tij si "Rrafshinalta Qinhai-Tibet", "Në majë të malit Dongshan" etj, janë me karakteristika të theksuara të kombësisë tibetiane dhe tashmë ato janë bërë si vepra përfaqësuese të këngëve bashkëkohore popullore tibetiane.

Këngët e tij "Përrallat", "Stepa e madhe" janë me karakteristika të theksuara të kombësisë mongole. Këto këngë jo vetëm janë preferuar dhe mirëpritur nga banorët e kombësive përkatëse, por ato kanë mundur të depërtojnë edhe në krahina të ndryshme të mbarë Kinës. Në fund të këtij emisioni, ju ftojmë të dëgjoni njërën prej melodive të kompozuara prej tij, ku vihet në dukje tingulli i një violinçeli. ( Zhai)