Dëgjoni

Muzika që po dëgjoni është kapitulli i parë i "Simfonisë së 8-të" të Antonin Dvorzhakut. Kjo është një muzikë madhështore simfonike e kompozuar me sukses në vitin 1888 nga kompozitori i njohur çek Antonin Dvorzhak që dha preludën e saj në Londër. Muzika përbëhet nga 4 kapituj. Kompozitori i ka shkruar me kujdes dhe hollësi si tema kryesore ashtu edhe veglat muzikore shoqëruese, gjithë kjo vepër është plot karakteristika fshatare. Filarmonia Simfonike e Kinës e interpretoi këtë muzikë në mënyrë të shkëlqyer duke i sjellë dëgjuesit në një fshat të qetë të Evropës Lindore, ku zhvillohet edhe ceremonia e një martese dhe ku njerëzit nisin të punojnë me gëzim...

Filarmonia Simfonike e Kinës është një nga orkestrat simfonike e krijuar më herët dhe më e shkëlqyera në Kinë. Kjo filarmoni përbëhet nga muzikantë të shquarë dhe të zgjedhur me provime të rrepta. Ata janë të edukuar mirë nga ana muzikore, me mjeshtri të lartë dhe me përvojë të pasur në interpretim. Shumë persona janë fitues të konkurseve kombëtare dhe ndërkombëtare muzikore. Kjo filarmoni ka bërë gjithmonë përpjekje për zhvillimin e muzikës simfonike në Kinë dhe përveç shfaqjeve muzikore stinore në Pekin, zhvillon edhe turne të shumta në krahina të ndryshme të mbarë Kinës duke organizuar edhe koncerte nëpër shkolla të larta dhe të mesme për përhapjen e muzikës simfonike. Shumë muzikantë të njohur ndërkombëtar janë ftuar për bashkëpunim me këtë filarmoni, ndër ta janë dirigjenti i njohur Charles Dutoit, pianisti Paul Badura-Skoda, violinisti Anne Sophie Mutter etj. Këta muzikantë e vlerësojnë lart këtë filarmoni duke thënë se ajo është e shquar dhe e pjekur.

Pjesa që po dëgjoni është marrë nga kapitulli i tretë i "Simfonisë së 8-të " të Antonin Dvorzhakut të interpretuar nga Filarmonia Simfonike e Kinës. Në këtë kapitull, melodia u bë më e gëzushme dhe ritmike. Vetë pjesëmarrësit e martesës filluan të kërcejnë me gëzim vallet kombëtare dhe të gjithë njerëzit janë përfshirë në një atmosferë plot gëzim e hare. Muzika karakterizohet nga ritmet e ngjyrat e Bonemias dhe është plot me stil nga Evropa Lindore. ..

Filarmonia Simfonike e Kinës ka bërë turne në Germani, Austri, Angli, Australi dhe vende të tjera duke arritur sukses të madh gjatë këtyre turneve. Qysh nga viti l997, kjo filarmoni ka incizuar për kompaninë e disqeve Philips një serë koncertesh, duke përfshirë vepra të muzikës klasike perëndimore dhe disa vepra të kompozitorëve kinezë, ndër ta "Simfonia fantastike" e Loius-Herctor Berliozit etj.

Muzika që po dëgjoni është pikërisht një frangment nga kapitulli i 2-të i "Simfonisë fantastike" të interpretuar nga kjo filarmoni, ku përshkruhet pamja e gëzueshme e takimit të kompozitorit me të dashurën e tij në një mbrëmje vallzimi.(Zhai)