Dëgjoni

Korrespondentja e Radios së Jashtme të Kinës njoftoi se për të përhapur artin e operës së

Pekinit të Kinës dhe për të forcuar lidhjen e me dashamirësit e operës së Pekinit, ditët e fundit, Trupa e Operës së Pekinit e Kinës hapi uebsajtin e vet "www.cnpoc.cn".

Opera e Pekinit cilësohet si opera kombëtare e Kinës dhe ka një histori mbi 200-vjeçare. Gjatë 52 vjetëve pas krijimit, Trupa e Operës së Pekinit e Kinës ka shfaqur mbi 590 vepra tradicionale e moderne që përfaqësojnë nivelin më të lartë të artit të operës së Pekinit në Kinë. Kjo trupë ka qenë në mbi 50 vende e rajone për shfaqje duke nxitur shkëmbimet artistike e kulturore midis Kinës dhe vendeve të tjera.

Do të zhvillohet në Sallën e Artë të Vjenës koncerti i stilit të kombësisë mongole të Kinës

Agjencia kineze e lajmeve Hsinhua njoftoi më 9 janar se më 3 shkurt, do të zhvillohet në Sallën e Artë të Vjenës koncerti i vitit të ri Vjenë-Kinë për vitin 2007 i stilit të kombësisë mongole të Kinës.

Ky koncert do të shfaqet me bashkëpunimin e artistëve të kombësisë mongole të Kinës dhe të Orkestrës Simfonike të Grazit të Austrisë dhe do të transmetohet në shumë televizione kineze.

Mongolia e Brendshme ndodhet në veri të Kinës. Në vitin 2006, kënga popullore Changdiao e kombësisë mongole dhe vegla muzikore "Koka e kalit" u përcaktuan nga UNESKO-ja si trashëgimi kulturore të njerëzimit.

U hap ekspozita miqësore e fotografive Kinë-Taxhikistan

Agjencia kineze e lajmeve Hsinhua njoftoi se me rastin e 15-vjetorit të vendosjes së marrëdhënieve diplomatike midis Kinës dhe Taxhikistanit dhe në prag të vizitës shtetërore të presidentit të Taxhikistanit Emomali Rahmonov në Kinë, më 9 janar, u hap në Pekin ekspozita miqësore e fotografive Kinë-Taxhikistan.

Ekspozita organizohet nga Shoqata e miqësisë me botën e jashtme e Kinës dhe ambasada e Taxhikistanit në Kinë. Më se 70 fotografi të ekspozitës pasqyrojnë shkëmbimet e bashkëpunimin miqësor dypalësh në fushën politike, ekonomiko-tregtare, kulturore etj.

Është mbrojtur efektivisht kultura popullore tibetiane

Agjencia kineze e lajmeve Hsinhua njoftoi më 8 janar se siç bëhet e ditur nga një mbledhje e zhvilluar në Lhasë të Tibetit, në dhjetëvjeçarët e fundit, është mbrojtur efektivisht kultura tradicionale popullore tibetiane me poemën epike "Mbreti Gesar", vallen Repa dhe Thangkën (piktura tibetiane) si përfaqësuese.

Qysh nga vitet '80 të shekullit të kaluar, në Tibet janë krijuar shumë institucione studimore dhe të mbrojtjes së trashëgimive kulturore tibetiane. Deri tani janë botuar më se 30 vepra studimore rreth kulturës tibetiane. (Fani)