dëgjoni

Gjatë vitit 2006 që sapo kaloi, në punët përgatitore për Lojërat Olimpike dhe ato Paralimpike të vitit 2008 në Pekin u arritën suksese të dukshme. Sot, në programin e parë në vitin e ri të minirubrikës "Drejt Olimpiadës 2008", do të hedhim së bashku një vështrim për 10 ngjarjet kryesore gjatë procesit përgatitor më 2006.

1.U përcaktua stafi realizes i ceremonisë së hapjes të Lojërave Olimpike të Pekinit. Më 16 prill Komiteti Organizativ i Lojërave Olimpike të Pekinit shpalli listën e stafit realizues për ceremoninë e hapjes të këtyre lojërave. Regjisori i famshëm Zhang Yimou u ngarkua si regjisor i përgjithshëm i kësaj ceremonie.

2.Më 7 gusht Komiteti Organizativ i Lojërave Olimpike të Pekinit publikoi ikonat e sporteve të Lojërave Olimpike të vitit 2008. Këto 35 ikona përfshijnë disiplinat sportive, si atletikë, badminton, bejsboll, basketboll, boks etj. Ikonat sportive janë figurat bazë të Lojërave Olimpike dhe do të përdoren gjerësisht në sistemin e shenjave rrugore, në shenjat dhe zbukurimet e pallateve e stadiumeve sportive etj. Kjo seri ikonash që titullohet "Bukuria e shkronjave të vulës", është projektuar mbi bazën e shkronjave të vulës, një nga stilet e bukurshkrimit kinez, që përdoret zakonisht në vula.

3.Më 8 gusht, kur mbeteshin dy vjet nga hapja e Lojërave Olimpike të Pekinit, u organizuan aktivitete të ndryshme përkujtimore në Pekin dhe në qytete të tjera ku do të bashkërendohet organizimi i këtyre lojërave. Në fjalimin e mbajtur në këtë ditë, Kryetari i Komitetit Organizativ të Lojërave Olimpike të Pekinit Liu Qi tha se është i kënaqshëm zhvillimi i punëve përgatitore. Ndërtimi i pallateve e stadiumeve është zhvilluar normalisht.

4.Filluan të zhvillohen garat eksperimentale para Lojërave Olimpike të Pekinit. Më 20 gusht, u hap Gara ndërkombëtare e vozitjes në Qingdao, ku ndodhet kompleksi i disiplinave të vozitjes të Lojërave Olimpike të Pekinit. Kjo garë e vozitjes ishte gara e parë eksperimentale për Lojërat Olimpike të Pekinit. Më 27 gusht, u zhvillua në Pekin një tjetër garë eksperimenale, Kampionati i 11-të Botëror i Bejsbollit të Femrave. Në fushën e bejzbollit, ku u zhvillua kjo veprimtari, do të zhvillohen edhe ndeshjet e bejbollit në vitin 2008. Zhvillimi i garave eksperimentale ka për qëllim që të kontrollohet gjendja e instalimeve të stadiumeve e pallatave sportive dhe të provohet procesi i garave. Në vitin 2007, në Pekin do të zhvillohen edhe afro 20 gara të tilla eksperimentale.

5. Më 28 gusht nisi zyrtarisht puna e mbledhjes së vullnetarëve të Lojërave Olimpike dhe atyre Paralimpike të Pekinit. Për Lojërat Olimpike të Pekinit duhen afro 70 mijë vullnetarë, ndërsa për ato Paralimpike 30 mijë. Këta vullnetarë do të jenë kryesisht nga studentët e shkollave të larta të Pekinit dhe njëkohësisht do të pranohen edhe banorë të Pekinit dhe të krahinave të tjera kineze, si dhe miq të huaj. Puna e regjistrimit si vullnetar olimpik do të vazhdojë deri në mars të vitit 2008. Kontingjenti i parë i vullnetarëve të Lojërave Olimpike do të nisin në punën në fillim të vitit 2008. Tashmë persona të qarqeve të ndryshme po marrin pjesë me entuziazëm të madh në regjistrim.

6. Më 6 shtator, kur mbeteshin 2 vjet nga ceremonia e hapjes së Lojërave Paralimpike të Pekinit, Komiteti Organizativ i Lojërave Olimpike të Pekinit publikoi makkotin e këtyre lojërave paralimpike, "Fu Niu Lele".

7. Më 17 shtator përfundoi shkarkimi i përgjithshëm, hallka e fundit në ndërtimin e strukturës së çeliktë të stadiumit kryesor të Lojërave Olimpike të Pekinit, Stadiumi Kombëtar, që quhet edhe "fole", gjë që shënoi se gjendja e strukturës së çeliktë ndryshoi nga mbështetja te forcat e jashtme në mbështetjen te forcat e veta. Kështu, figura e "folesë" në fletën e projektimit u bë arkitekturë reale. Edhe ndërtimi i Stadiumit Kombëtar hyri në fazën e re.

8.Më 26 tetor Komiteti Olimpik Ndërkombëtar shpalli në Pekin se pas konsultimeve të gjithanshme, komisioni ekzekutiv pranë Komitetit Olimpik Ndërkombëtar miratoi programin e Lojërave Olimpike të Pekinit dhe kjo shënoi që u përcaktua përfundimisht programi i këtyre lojërave. Sipas këtij programi, finalet e disiplinave të notit dhe të gjimnastikës do të zhvillohen paradite, gjë që ka ngjallur kundërshtime të mëdha.

9. Më 29 nëntor u publikua çmimi i biletave të Lojërave Olimpike të Pekinit. Ky çmim, që respekton nivelin e të ardhurave të masave popullore kineze, është pak më i ulët se çmimi i biletave në Lojërat e kaluara Olimpike. Ndër të gjitha biletat për shitje, 58% janë me çmim më të ulët se 100 juanë (10 euro) dhe një pjesë prej tyre do të shiten për studentët kinezë vetëm me 10 juanë (1 euro). Këto bileta do të fillojnë të shiten që nga gjashtëmujori i parë i këtij viti.

10. Më 17 dhjetor, 600 ditë para hapjes së Lojërave Olimpike të Pekinit, nisi në Pekin aktiviteti i shkëmbimeve për edukimin olimpik, programi miqësor "Zemër me zemër". Aktualisht në qytetin e Pekinit mbi 200 shkolla fillore dhe të mesme janë caktuar të marrin pjesë në këtë aktivitet. Pikat konkrete të tij përfshijnë: këto shkolla do të krijojnë lidhje me komitetet olimpike dhe paralimpike të vendeve e rajoneve të ndryshme dhe do të binjakëzohen me një shkollë në vendet a rajonet përkatëse. Para hapjes së Lojërave Olimpike, nxënësit e shkollave pjesëmarrëse do të mësojnë dhe marrin njohuri rreth vendeve përkatëse, duke përfshirë gjuhën, kulturën, historinë, gjeografinë, doket e zakonet etj., dhe do të zhvillojnë shkëmbime me shkollat e binjakëzuara. Ndërsa gjatë Lojërave Olimpike dhe atyre Paralimpike, përfaqësuesit e këtyre shkollave do të marrin pjesë në ceremoninë e pritjes së delegacioneve të vendeve e rajoneve përkatëse në Fshatin Olimpik, do të shkojnë në fushën e lojës për nxitjen e ekipeve të tyre dhe do të ftojnë sportistë pjesëmarrës të bëjnë vizitë në shkollat e tyre. (Wang Lei)