dëgjoni

Në Pekin ka një sallon artistik me emrin "Përshtypjet për Afrikën" ku shfaqen arti dhe kultura afrikane. Pronarët e sallonit, bashkëshortët Li Songshan dhe Hang Rong kanë jetuar për një kohë të gjatë në Tanzani dhe janë marrë me koleksionin dhe studimet e gdhjendjeve në dru Makonde. Ata krijuan në Tanzani Muzeun Artistik Makonde dhe krijuan së bashku me artistë të këtij vendi Shoqatën Shtetërore Artistike Makonde të Tanzanisë.

Salloni "Përshtypjet për Afrikën" ndihmon artistët, dijetarët dhe të rinjtë që duan Afrikën të njohin artin afrikan.

"Pas hapjes ndaj botës së jashtme, tek shumë kinezë ka lindur interesi për Afrikën. Shpresojmë që ne do t'i drejtojmë të njohin Afrikën."

Li Songshan është 65-vjeç, Hang Rong është 61-vjeçe. Gjatë mbi 20 vjetëve, bashkëshortët kanë mbledhur mbi 10 mijë gdhjendje në dru Makonde. Në vitin 2003, ata i dhuruan Galerisë së Artit të Skulpturave të Qytetit Changchun më se 500 gdhjendje në dru të Afrikës. Në vitin 2005, ata i dhuruan Galerisë së Artit të Kinës 157 gdhjendje në dru Makonde.

Kombësia Makonde që banon në juglindje të Tanzanisë dhe në veri të Mozambikut është një kombësi me talentin e lartë artistik në Afrikë. Gdhjendjet në dru Makonde kanë një histori prej 200 vjetësh dhe janë simboli i artit modern të gdhjendjeve në dru të kontinentit afrikan. Këto gdhjendje kanë magji të veçantë dhe vlerë të lartë për t'i ndihmuar njerëzit të njohin kulturën afrikane dhe historinë e zhvillimit afrikan, prandja kanë tërhequr shumë artistë dhe dijetarë të vendeve të ndryshme.

Kur ishin në universitet, Li Songshan dhe Hang Rong studiuan gjuhën Svahili. Kjo është gjuha zyrtare në Tanzani dhe në Kenia dhe që përdoret gjerësisht në vendet e Afrikës lindore. Pas diplomimit, bashkëshortët merreshin me punën e përkthimit duke shkuar shpesh në Tanzani për të marrë pjesë në punët e ndihmës ekonomike, mjekësore etj. Gjatë punës, ata filluan të bëjnë kontakte me gdhjendje në dru Makonde. Në vitin 1984, në Galerinë e Artit të Kinës u zhvillua një ekspozitë e artit të gdhjendjeve në dru Makonde duke ngjallur jehonë të madhe. Li Songshan kujtoi:

"Para ekspozitës, ne kishim mbledhur mbi 100 gdhjendje në dru Makonde. Pas ajo ekspozite, ne njohëm vlerën e lartë artistike të këtyre gdhjendjeve dhe filluan t'i koleksionojmë."

Në vitin 1990, Li Songshan dhe Hang Rong dhanë dorëheqje nga puna dhe shkuan në Tanzani për banim. Ata merreshin me biznesin dhe harxhuan pothuajse tërë kohën e lirë për të mbledhur gdhjendje Makonde. Ata shkuan në familje të mjeshtrave të gdhjendjes Makonde dhe zunë miqësi me ta. Hang Rong tha:

"Ne kishim qenë në të gjitha pikat e banimit të kombësisë Makonde dhe zumë miqësi të thellë me banorët e kësaj kombësie. Ata na konsideruan si anëtarë të familjeve të tyre. Kur ata kishin vështirësi, na kërkuan për ndihma. Por në fillim ne hasëm shumë vështirësi, bile kërcënime me vdekje. Ne nuk hoqëm dorë nga përpjekjet dhe më në fund patëm sukses. Jam e mendimit se artistët e kombësisë Makonde përhapin kulturën e tyre dhe shprehin ndjenjat nëpërmjet gdhjendjeve. Prandaj, për të njohur mirë këtë art, duhet të njohim së pari jetesën dhe mendimet e tyre."

Me shtimin e pandërprerë të gdhjendjeve Makonde të koleksionuara, Li Songshand dhe Hang Rong filluan të klasifikojnë gdhjendjet për t'i studiuar. Tani Li Songshan dhe Hang Rong janë bërë specialistë në fushën e studimeve për artin e gdhjendjeve në dru Makonde. Li Songshan tha se të dy bashkëshortët do të vazhdojnë të bëjnë përpjekje për të studiuar gdhjendjet Makonde, sepse ky art është pasuria e përbashkët e njerëzimit. Ai tha:

"Gjatë procesit të koleksionimit, kemi pasur shumë vështirësi. Nëpërmjet përpjekjeve të palodhshme, kemi koleksionuar pothuajse të gjitha veprat e mjeshtrave të gdhjendjeve Makonde. Këto vepra i përkasin tërë njerëzimit." (Fani)