Ju flet Radio e Jashtme e Kinës! Të dashur dëgjues,unë jam Pina, po takohemi në programin e sotëm muzikor. Në këtë program, në mes të tingujve të bukur këngësh, do të shkojmë në stepë të madhe mongole, për të shijuar këngët popullore karakteristike të kombësisë mongole.

Të dashur dëgjues, kënga popullore mongole "Stepa e gjërë", nëpërmjet melodive të bukura dhe ritmeve të shtruara, na çon në stepë të pafund mongole me tufa kuajsh e kope dhensh, ku jetojnë blegtorët e çiltër dhe dëgjohen tingujt e bukur të veglave muzikore matouqin...

Këngët popullore të kombësisë mongole kanë një histori të gjatë, krijimi e zhvillimi i tyre janë lidhur ngushtë me stepën dhe me jetën shtegtare të banorëve mongolë, të cilët jetojnë brez pas brezi në stepë, lindin dhe rriten në çadra dhe në kalë, mjedisi natyror dhe kushtet e jetesës u kanë dhënë mongolëve zë të artë. Këngët e tyre fluturojnë pas shqiponjave në qiell dhe vrapojnë bashkë me kuajt në stepë. Këngët shprehin ndjenjat dhe shpresën e tyre për jetën e bukur. Tani le të dëgjojmë këngën me titull "Shqiponja bojëkafe".

Në këngë thuhet: "Shqiponja trime fluturon me krahët e forta, kohën e rinisë të mos e kalojmë kot..."

Këngët popullore mongole me melodi të lartë, të hapur dhe me ritme të shtruara janë shumë entuziste dhe lirike, ato interpretohen shpesh me trilo dhe me zë artificial dhe karakterizohen nga atmosfera e zjarrtë të stepës. Tani ju ftoj të shijoni këngën mongole me titull "Kënga e bariut", e cila përshkruan tablonë e bukur dhe madhshtore të kullotave dhe shpreh dashurinë e blegtorëve për vendlindjen.

Në këngë thuhet: "Retë e bardha valviten në qiell të kaltërt, poshtë reve kullot kopeja dhensh të bardhë. Kopeja dhensh si copë argjendi të shpërndara në kullotë janë shumë simpatike."

Një llojë interpretimi i këngëve popullore mungole është kori chaoer. Gjatë interpretimit, një tenor këndon solist, burra të tjerë me zë bas mbajnë iso. Tani le të shijojmë së bashku këngën "Himni i Chengis Khanit". Kjo këngë madhështore shpreh plotësisht forcën tronditëse të korit chaoer. Chengis Khani, heroi mongol i njonur brenda e jashtë Kinës në fund të shekullit 12-të dhe në fillim të shekullit të 13-të, bashkoi fiset e ndryshme mongole duke hedhur një bazë për krijimin e dinastisë Yuan.

Ju flet Radio e Jashtme Kinës! Të dashur dëgjues, në këtë program muzikor ndoqët disa këngë popullore mungole. Mirudëgjofshim të shtunën tjetër. Ni mikrofon për ju Pina.