Viti 2006 që do të kalojë së shpejti, është viti i fillimit të ndërtimit të fshatrave të reja socialiste të Kinës. Gjatë këtij viti, fshatarët kinezë kanë pasur shumë gjëra të gëzuara. Njerëzit panë nga afër se rrugët automobilistike kanë shkuar nëpër fshatra. Ndërtimi i fshatit kishte një planifikim shkencor, fëmijët e fshatrave nuk mund të shqetësohen nga varfëria për shkollimin. Sivjet në fshatrat e krahinave perëndimore të Kinës zbatohet arsimi i detyrueshëm, duke u anuluar të gjitha taksat shkollore.

Qeveria qendrore dhe administratat vendore të niveleve të ndryshme të Kinës kanë marrë edhe një sërë masash të favorshme për të forcuar arsimin e detyrueshëm.

Në radhë të parë, Kina ka forcuar përkrahjen me fonde për zhvillimin e fshatit. Sipas të dhënave statistikore të Ministrisë së Financave të Kinës, sivjet financa qendrore ka investuar 339 miliardë e 700 milionë juanë në ndërtimin e fshatrave, shifër kjo që u shtua 42 miliardë e 200 milionë juanë në krahasim me vitin e kaluar. Këto fonde janë investuar kryesisht në përkrahjen e zonave prodhuese të drithërave dhe në blerjen e makinerive të përparuara bujqësore etj. Sivjet financat qendrore dhe vendore kanë shtuar edhe investimet për zgjidhjen e problemit të sigurimit të ujit të pijshëm të fshatrave dhe për ndërtimin e infrastrukturës. Qeveria kineze parashtroi se brenda 3 vjetësh, do të popullarizohet në mbarë vendin tonë sistemi mjekësor i bashkëpunimit të fshatrave të tipit të ri.

Më e veçanta se Kina anuloi plotësisht taksat bujqësore të zbatuar prej mbi 2 mijë vjetësh në Kinë. Bashkëpunëtori i vjetër i Institutit studimor të zhvillimit bujqësor pranë Akademisë së Shkencave Shoqërore të Kinës, z. Hu Biliang tha se kjo masë është pika më e ndritshme e këtij viti e Kinës për nxitjen e zhvillimit të fshatrave.

"Ky vit është viti i anulimit të taksave bujqësore, duke përfunduar historinë mbi 2600-vjeçare të pagimit të taksave bujqësore nga fshatarët".

Anulimi i plotë i taksave bujqësore është rezultati më i rëndësishëm i Kinës qysh nga fillimi në vitin 2000 i reformës së sistemit të taksave të fshatit. Si rezultat, fshatarët kinezë kanë siguruar përfitime të mëdha.

Ndërtimi i fshatrave të reja ka pasur progres të madh. Fshatarët kinezë janë shumë të gëzuar. Por Kina ka mbi 900 milionë fshatarë. Kjo shifër tregon se ndërtimi i fshatrave të reja do të ketë shumë vështirësi. Megjithëse janë arritur rezultate të shumta në këtë fushë, edhe shumë probleme do të ndodhen para nesh. Sistemi mjekësor i bashkëpunimit të fshatrave të tipit të ri ka zbutur gjendjen e vështirë të mjekimit të fshatarëve dhe u ka garantuar fshatarëve të gëzojnë shërbimin e mjekimit themelor. Por ky sistem ka mbuluar 40 % të fshatrave të Kinës.

I moshuari mbi 60-vjeçar Dong Fengyou banon në një fshat të provincës Jilin të Kinës verilindore. Fshati ku banon ai nuk zbaton sistemin mjekësor të bashkëpunimit të fshatrave të tipit të ri. Ai i tha gazetarit se për sa u përket të moshuarve të fshatit të tillë, mjekimi i sëmundjeve të tyre është shumë i vështirë.

"Tani mjekimi i sëmundjeve për fshatarët është shumë i vështirë. Gruaja ime u sëmur nga zemra. Në vitin 2001, ajo pagoi 20 mijë juanë për mjekimin e sëmundjes. Kjo ishte një barrë shumë e rëndë.

Vëmendja në mjekimin e sëmundjeve të fshatarëve është një pjesë e rëndësishme përbërëse e sistemit të sigurimeve shoqërore. Për këtë problem, bashkëpunëtori i vjetër i Institutit studimor të zhvillimit bujqësor pranë Akademisë së Shkencave Shoqërore të Kinës, z. Hu Biliang propozoi që fshatarët kinezë të gëzojnë me të vërtetë mjekimin themelor dhe shërbimin shëndetësor. Në të ardhmen, financa publike shtetërore do të përdoret më shumë në çështjet shoqërore të fshatit për të përmirësuar sistemin e sigurimeve shoqërore të fshatit.

"Shërbimeve publike të fshatit u duhet pagimi i financave publike shtetërore, në mënyrë që të zgjidhen këto probleme nëpërmjet transferimit të formës së pagimit. Vetëm mbështetja te aftësia e fshatit për të zgjidhur këto probleme, do të jetë shumë e vështirë. Pa përkrahjen e financave publike, ndërtimi i fshatrave të reja është shumë i vështirë".

Edhe diferenca e zhvillimit ekonomik midis fshatrave të lindjes dhe të perëndimit të Kinës është një nga problemet relativisht të dukshme. Për këtë problem, drejtori i degës së planit të zhvillimit pranë Ministrisë së Bujqësisë të Kinës, z. Zhou Yinghua i tha gazetarit se për sa i përket këtij problemi, Ministria e Bujqësisë ka përcaktuar planin e ardhshëm për të ndihmuar fshatrat e krahinave perëndimore.

Me shpejtimin e mëtejshëm të ndërtimit të fshatrave të reja socialiste, bujqësia kineze dhe zhvillimi i ekonomisë fshatare do të krijojnë një prirje më të mirë. Niveli i jetesës së fshatarëve do të ngrihet më tej. (Sihai)