Në pranverë të këtij viti, në krahinat perëndimore kineze u zhvillua së pari reforma e sistemit të shpenzimeve mësimore në shkollat e fshatit duke hequr shpenzimet mësimore të nxënësve të këtyre krahinave.

Në Kinë zbatohet sistemi i arsimit të detyrueshëm 9-vjeçar. Në "ligjin e arsimit të detyrueshëm të Kinës" përcaktohet se fondet arsimore duhet të përkrahin kryesisht zhvillimin e arsimit në fshat dhe qeveria inkurajon diplomantë të shkollave të larta dhe mësues të shkojnë në fshat për mësimdhënie.

U botua "Teoria e trashëgimive kulturore jomateriale" 

Gazeta kineze "Beijingyulexinbao" njoftoi se ditët e fundit, u botua në Pekin vepra e parë teorike që studion sistematikisht trashëgimitë kulturore jomateriale "Teoria e trashëgimive kulturore jomateriale".

Siç bëhet e ditur, vitin e ardhshëm instituti i aspirantëve i Akademisë së Artit të Kinës do të krijojë specialitetin e trashëgimive kulturore jomateriale dhe libri "Teoria e trashëgimive kulturore jomateriale" do të jetë një nga materialet mësimore të institutit.

Filloi ekspozita e orendive shtëpiake të dinastisë Ming dhe të dinastisë Qing 

Korrespondentja e Radios së Jashtme të Kinës njoftoi se më 15 dhjetor, filloi të zhvillohet në Muzeun Kombëtar të Kinës ekspozita e orendive shtëpiake të dinastisë Ming dhe të dinastisë Qing. Ekspozita do të zgjasë një muaj.

Orenditë e lashta shtëpiake kineze kanë një histori të gjatë dhe kanë shfaqur plotësisht kulturën tradicionale dhe inteligjencën e kombit kinez. Dinastia Ming dhe dianastia Qing nga shekulli i 14-të deri në shekullin e 20-të ishin kulmi i zhvillimit të orendive të lashta shtëpiake kineze. Orenditë shtëpiake të kësaj periudhe pasqyruan arritjet më të larta të prodhimit të orendive të lashta shtëpiake kineze.

Makao zhvilloi aktivitete të ndryshme kulturore e artistike për të kremtuar 7-vjetorin e kthimit në gjirin e atdheut  Korrespondenti i Radios së Jashtme të Kinës njoftoi se më 19 dhjetor, u shfaq në Qendrën Artistike të Makaos simfonia "Harmonia" për të kremtuar 7-vjetorin e kthimit të Makaos në gjirin e atdheut.

Para shfaqjes, u hap në sallën e Qendrës Artistike të Makaos ekspozita e fotografive "Makao i ri". 160 fotografi shfaqën plotësisht arritjet e mëdha të Makaos në fushën ekonomike, shoqërore etj. gjatë 7 vjetëve pas kthimit në atdhe. (Fani)