dëgjoni

Bashkëpunimi bujqësor midis dy brigjeve të ngushticës së Tajvanit filloi në vitet 80 të shekullit të kaluar. Tani vëllimi i tregtisë vjetore të produkteve bujqësore midis dy brigjeve i kaloi 900 milionë dollarët amerikanë. Pak kohë më parë u zhvillua në Buoao të Hainanit Forumi i bashkëpunimit bujqësor midis dy brigjeve. Deri tani, ky ishte aktiviteti më i madh i shkëmbimeve bujqësore midis dy brigjeve. Gjatë këtij forumi, pjesa kontinentale ka marrë shumë masa dhe politika për forcimin e bashkëpunimit bujqësor midis dy brigjeve, gjë që ka krijuar raste të reja të zhvillimit për bashkëpunimin bujqësor midis dy brigjeve.

Vitet e fundit, pala e pjesës kontinentale ka nxitur aktivisht bashkëpunimin bujqësor midis dy brigjeve dhe ka ndërmarrë shumë politika të privilegjuara për ndërmarrjet bujqësore të Tajvanit. Prandaj, këto ndërmarrje që kanë ardhur në pjesën kontinentale për zhvillimin dhe krijimin e tyre, janë shtuar pandërprerë.

Duke folur për perspektivën e bashkëpunimit bujqësor midis dy brigjeve, kryetari i komitetit kombëtar të Konferencës Konsultative Politike të Popullit Kinez Jia Qinglin tha se pjesa kontinentale do të zgjerojë më tej fushën dhe sferën e bashkëpunimit.

"Ne duhet të vazhdojmë të zgjerojmë sferën e bashkëpunimit dhe të zhvillojmë bashkëpunimin bujqësor në të gjitha fushat. Ne duhet të përpiqemi të inkurajojmë fshatarët e sektorëve të ndryshëm të marrin pjesë në këtë bashkëpunim, në mënyrë që ata mund të fitojnë më shumë përfitime. Ne duhet të zhvillojmë industrinë shtyllë dhe ndërmarrjet kryesore për të ngritur potencialin e tyre të konkurrencës".

Në këtë forum të bashkëpunimit bujqësor midis dy brigjeve, pala e pjesës kontinentale ka marrë shumë masa të reja për nxitjen e bashkëpunimit bujqësor midis dy brigjeve.

Duke folur për këto masa të reja, specialisti tajvanez që i kushton vëmendje për një kohë të gjatë bashkëpunimit bujqësor midis dy brigjeve, z. Chen Wuxong tha se koto masa do të krijojnë një mjedis më të mirë për bashkëpunimin miqësor midis dy brigjeve.

"Këto masa u kanë krijuar miqve tajvanezë që kanë ardhur për investime në pjesën kontinentale, më shumë lehtësi dhe kushte. Në rrethanat e tilla të favorshme, objektet e reja të bashkëpunimit do të shfaqin pandërprerë".

Në këtë forum, Drejtori i zyrës për punën e Tajvanit pranë Komitetit Qendror të Partisë Komuniste të Kinës, z. Chen Yunlin tha se përveç shtimit të zonave eksperimentale të bashkëpunimit bujqësor midis dy brigjeve dhe të zonave të krijimit të ndërmarrjeve për fshatarët tajvanezë, pala e pjesës kontinentale do të forcojë edhe ndërtimin e zonave të tjera përkatëse për t'u dhënë fshatarëve tajvanezë dhe ndërmarrjeve bujqësore një mjedis të mirë prodhimi dhe biznesi.

Nxitja e lehtësisë së tregtisë së produkteve bujqësore midis dy brigjeve është politika konsekuente e pjesës kontinetale. Për të zgjidhur problemin e shitjes me vështirësi të produkteve bujqësore të Tajvanit, qysh nga viti i kaluar, Kina anuloi taksat doganore për 15 lloje frutash të prodhuara nga Tajvani. Përveç këtyre, zarzavatet dhe produktet ujore të prodhuara nga Tajvani, kanë hyrë gradualisht në tregun e pjesës kontinentale.

Zoti Chen Fushi tha se forcimi i shkëmbimeve midis dy brigjeve në teknologjinë bujqësore, i parashtruar në këtë forum, do t'i krijojë ndërmarrjes së tij objektivin e zhvillimit të ri.

"Tajvani ka grumbulluar përvojë gjatë disa dhjetëvjeçarëve në fushën e blegtorisë dhe ka marrë masa më të mira për parandalimin e epidemive. Fshatarët mund të ulin kosto të tyre për rritjen e pulave etj". (Sihai)