11 dhjetori para 5 vjetëve, Kina u pranua në Organizatën Botërore të Tregtisë, duke hyrë në një peridhë të rritjes së shpejtë ekonomike. Gjatë disa vjetëve të fundit, ekonomia dhe shoqëria kineze ka pasur zhvillimin e plotë dhe është bërë vendi i 4-t i grupit ekonomik e vendi i 3-të i eksportit në botë. Njëkohësisht Kina është futur me hapje të paparë në botë, duke dhënë kontribut shumë të madh për lulëzimin e ekonomisë botërore.

Nga të dhënat statistikore të publikuara kohët e fundit nga Banka Botërore, del se gjatë 5 vjetëve pas pranimit të saj në Organizatën Botërore të Tregtisë, përqindja mesatare e kontributit të rritjes së ekonomisë kineze për rritjen e ekonomisë botërore arriti në 13 %, duke u bërë një nga motorët kryesorë të rritjes së ekonomisë botërore.

Kryepërfaqësuesi i zyrës pranë Bankës Botërore në Kinë David Dollar i tha gazetarit se "Gjatë 5 vjetëve pas pranimit të saj në OBT, përqindja e kontributit të Kinës për rritjen e tregtisë botërore arriti në 20 %. Kina është vendi i madh i eksportit dhe rritja e importit është ende shumë e shpejtë. Kina është bërë një treg i madh i Azisë dhe i vendeve të ndryshme të botës".

Pas pranimit të saj në këtë organizatë, Kina ka zbatuar rregullat e kësaj organizate dhe ka bër koordinimin e plotë për sistemin dhe politikën e tregtisë. Niveli i hapjes së tregut të tregtisë së mallrave të Kinës është ngritur në mënyrë të dukshme. Mbrojtja e të drejtave të pronësisë intelektuale është forcuar më tej. Kina ka rishikuar në përmasa të mëdha shumë ligje dhe rregullore, duke anuluar 2000 ligje, rregullore administrative dhe rregulla sektori.

Drejtori i përgjithshëm i Shoqërisë me përgjegjësi të kufizuar elektronike "Motorola" në Kinë Gao Ruibing tha se pas pranimit të saj në këtë organizatë, Kina ka ngritur shumë tejdukshmërinë e ligjeve, të rregulloreve e politikave, duke dhënë garancinë e sistemit për investuesit e huaj.

"Ndryshimi i kompetencave të sektorëve të administratave të niveleve të ndryshme të Kinës, ngritja e konceptit të tyre të shërbimit, tejdukshmëria e sistemit ligjor etj, kanë forcuar shumë forcën tërheqëse të mjedisit të investimeve të Kinës".

Gjatë 5 vjetëve pas pranimit të saj në Organizatën Botërore të Tregtisë, koncepti dhe aftësia e funlsionarëve kinezë dhe e ndërmarrjeve vendore në mësimin dhe përdorimin e rregullave të tregtisë ndërkombëtare për mbrojtjen e vetvetes janë ngritur pandërprerë.

Ministri i Tregtisë i Kinës Buo Xilai tha se gjatë 5 vjetëve pas pranimit të saj në OBT, krijimi i sistemit të tregut të Kinës ka pasur progres shumë të madh. Por më e rëndësishmja është ngritja e cilësisë komplekse njerëzore.

"Gjatë 5 vjetëve koncepti i kinezëve në sistemin ligjor, në punësimin e njerëzve, në mbrojtjen e të drejtave të pronësisë intelektuale dhe në mbrojtjen e mbrojtjes së të drejtës së kinezëve është përparuar shumë. Gjatë këtyre vjetëve të fundit, edhe koncepti i krijimit të ndërmarrjeve të biznesmenëve kinezë është ngritur shumë".

Qysh nga pranimi i Kinës në Organizatën Botërore të Tregtisë, ekonomia kombëtare e Kinës vazhdoi të ruajë një prirje të rritjes së shpejtë. Sipas të dhënave statistikore të Drejtorisë shtetërore statistikore të Kinës, vëllimi i prodhimit të përgjithshëm të 9 mujave të parë të këtij viti të vendit arriti në 1 miliard e 414 milionë juanë, duke u shtuar mesatarisht në vit 9 %.

Sekretari i përgjithshëm i Organizatës Botërore të Tregtisë Paskal Lami është i mendimit se gjatë 5 vjetëve të fundit, Kina ka krijuar një shembull të mirë për anëtarët e tjerë të rinj të kësaj organizate. Ai vlerësoi lart veprimin e Kinës.

"Pas pranimit në Organizatën Botërore të Tregtisë, Kina ka treguar shumë mirë veten e saj. Vetëm pakica e anëtarëve të kësaj organizate ka fituar këtë vlerësim të lartë".

Deri më 11 dhjetor 2006, periudha 5 vjeçare pas pranimit të Kinës në Organizatën Botërore të Tregtisë përfundoi zyrtarisht.

Duke iu përgjigjur pyetjeve të gazetarëve, ministri i Tregtisë i Kinës Buo Xilai tha se periudha 5-vjeçare nuk mund të tregojë përfundim të hapjes së Kinës. Në të ardhmen, Kina do të vazhdojë të zbatojë reformën dhe hapjen, të marrë pjesë aktivisht në hartimin e rregullave, të forcojë e të përmirësojë më tej sistemin e tregtisë shumëpalëshe dhe të përballojë seriozisht mosmarrëveshje të tregtisë.

Duke folur për përballimin e gjendjes së re, drejtori i degës së tregtisë botërore pranë Ministrisë së Tregtisë të Kinës, z. Zhang Xiangchen tha se përsa i përket Kinës, përfundimi i periudhës 5-vjeçare është sfidë edhe rast.

"Në rrethana më të hapura, Kina do të zhvillojë konkurrencë në tregun ndërkombëtar. Për ne, kjo është një sfida, sepse gjendja e hapjes me botën e jashtme do të jetë më e ndërlikuar dhe më serioze. Ne do të hasim disa probleme të reja.

Zoti Zhang tha se pas përfundimit të periudhës 5-vjeçare, statusi i Kinës në Organizatën Botërore të Tregtisë do të jetë më i rëndësishëm. Pesha e Kinës në ekonominë botërore dhe në tregtinë ndërkombëtare do të shtohet më tej.

Për këtë, Kina duhet të marrë më shumë masa konkrete për të përballuar sfidat e reja. Zv/drejtori i institutit studimor të ekonomisë botërore pranë Akademisë së Shkencave Shoqërore të Kinës Li Xiangyang tha se në të ardhmen, Kina, si një vend i madh tregtar, duhet të japë kontribut më të madh për zhvillimin normal të ekonomisë botërore dhe të mbajë përgjegjësi të përshtatshme që përputhen me potencilin e saj ekonomik dhe tregtar.

"Gjatë 5 vjetëve pas pranimit në këtë organizatë, Kina është futur plotësisht në procesin e globalizimit të ekonomisë. Ne ndodhemi në periudhën e lëvizjes reciproke të zhvillimit të ekonomisë kineze dhe botërore. Komuniteti ndërkombëtar i kërkon Kinës të mbajë më shumë përgjegjësi". (Sihai)