Në këtë festival u dhanë 10 çmime ndër të cilat çmimin më të lartë e fitoi një film dokumentar polak.

Tema kryesore e këtij festivali është "Vëmendja ndaj varfërisë". Në këtë festival morën pjesë regjisorë, specialistë dhe biznesmenë të filmit nga 15 vende e rajone. Gjatë festivalit u shfaqën 48 filma dokumentarë të kanadezë, anglezë, danezë etj.

Do të fillojë rindërtimi i Muzeut Kombëtar të Kinës

Gazeta kineze "Renminribao" njoftoi se në prill të vitit të ardhshëm, do të fillojë rindërtimi i Muzeut Kombëtar të Kinës. Pas përurimit, sipërfaqja e muzeut do të zgjerohet në 192 mijë metra katrorë dhe Muzeu Kombëtar i Kinës do të bëhet muzeu me sipërfaqjen më të madhe në botë.

Muzeu Kombëtar i Kinës ndodhet në lindje të sheshit "Tiananmen" të Pekinit dhe është një muze i përgjithshëm i madh që shfaq historinë e lashtë dhe kulturën e shkëlqyeshme të kombit kinez. Pas përurimit, në këtë muze do të krijohen edhe salla e ekspozitës së prodhimeve të bronzta dhe salla e shkëmbimeve ndërkombëtare.

U krijua Lidhja e të Drejtave të Autorit të Ndërmarrjeve Kineze

Korrespondentja e Radios së Jashtme të Kinës njoftoi se më 11 dhjetor, u krijua në Pekin Lidhja e të Drejtave të Autorit të Ndërmarrjeve Kineze dhe u zhvillua "Samiti i të drejtave të autorit të ndërmarrjeve kineze".

Lidhja e të Drejtave të Autorit të Ndërmarrjeve Kineze është një organizatë popullore e krijuar nga shumë ndërmarrje kineze të shtypit, të lojërave në internet, të softeve, të filmit, të muzikës etj. Krijimi i kësaj organizate synon forcimin e shkëmbimeve midis qeverisë e ndërmarrjeve dhe nxitjen e zhvillimit të shëndetshëm të sektorit të të drejtave të autorit.

Një funksionar i Drejtërisë Shtetërore të të Drejtave të Autorit të Kinës shprehu shpresën se kjo lidhje do të japë kontributin e vet për të bashkëpunuar me qeverinë në luftën kundër softeve pirate dhe për mbrojtjen e të drejtave të autorit.

U zhvillua Forumi i rektorëve të universiteteve të të dy brigjeve

Agjencia kineze e lajmeve Hsinhua njoftoi se më 12 dhjetor, u zhvillua në qytetin Fuzhou të Kinës jugore Forumi i rektorëve të universiteteve të të dy brigjeve.

Në këtë forum morën pjesë rektorë të 57 universiteteve të të dy brigjeve. Ata diskutuan dhe shkëmbyen mendime rreth temave "Reforma e universitetit", "Perspektiva e shkëmbimeve të arsimit të lartë midis dy brigjeve" etj. (Fani)