Të dashur dëgjues, unë jam Pina, po rakohemi përsëri në programin e sotëm muzikor. Tani ju ftojmë të dëgjoni vazhdimisht disa këngë popullore kineze të kënduara nga kori i fëmijëve "Ylli i vogël". Së pari do të dëgjojmë bashkë këngën "Numërojmë vezë rose"

Kënga që dëgjuat është një këngë popullore e provincës Jiansu të Kinës lindore. Kjo këngë e gjallë dhe e gëzueshme me fjalë të figurshme dhe humoristike i këndon prodhimit karakteristik të zonës Gaoyou të provincës Jiansu, vezës së rosës. Në këngë thuhet: "Një rosë ka një gojë, dy sy dhe dy këmbë, ajo ecën duke u lëkundur. Vezët e rrumbullakta të rosës së Gaoyout kanë dy të verdha."

Në programin muzikor të javës së kaluar ju përmenda se kori i fëmijëve "Ylli i vogël" është formuar nga nxënësit e shkollave të mesme dhe fillore të qytetit Suzhou. Pas formimit të tij në vitet '90, anëtarët e korit përgatitnin shumë programe muzikore në kohë të lirë dhe këndonin me zë të pastër dhe harmonik. Vitet e fundit ky kor nxorri edhe album me këngë popullore kineze. Le të dëgjojmë tani prej këtij albumi këngën me titull "Shtëpia ime ndodhet në Zhikeze"

Kjo këngë e gëzueshme ka tiparet e muzikës së valleve popullore tibetiane. Në këngë thuhet: "Ku e ke shtëpinë, ajo ndodhet në Zhikeze. Zhileze e mirë ka rrush shumë të ëmbël..."

Kënga "Më merr malli për vendlindjen" është një këngë karakteristike e Mongolisë së Brendshme të Kinës veriore që shpreh mallin e madh të njerëzve të larguar nga vendlindja. Le ta dëgjoni tani këtë këngë.

Në këngë thuhet: "Kur këndon qyqja, më shton mallin për vendlindjen. Atje ku fluturojnë zogjtë, ndodhet vendlindja ime."

Në fund të programit, do të shijojmë bashkë këngën popullore të provincës Hebei me titull "Bariu i vogël". Kjo është një këngë pyetje-përgjigje duke vallëzuar dhe është shumë e përhapur në Kinë.

Të dashur dëgjues, ndoqët një grup këngësh popullore kineze të kënduara nga kori i fëmijëve "Ylli i vogël". Mirudëgjofshim të shtunën tjetër. Në mikron për ju Pina.