Baleti "Lumi i vogël" është një prej aktiviteteve të shkëmbimeve kulturore të "Vitit Shtetëror të Kinës dhe Rusisë". Më se 50 balerinë të Trupës Shtetërore të Baletit të Rusisë shfaqën një legjendë dashurie që ndodhi në provincën Yunnan të Kinës jugore kohë më parë. Baleti "Lumi i vogël" shfaqi plotësisht zakonet dhe kulturën e pakicave kombëtare të Yunnanit.

Provinca Yunnan është e populluar nga shumë pakica kombëtare, kurse "Lumi i vogël" është një këngë e njohur popullore që përhapet gjerësisht.

Do të zhvillohet Stina e 4-të ndërkombëtare e shfaqjes së valleve e Pekinit  

Gazeta kineze "Kultura kineze" njoftoi se nga 10 deri më 28 dhjetor, do të zhvillohet në Pekin Stina e 4-të ndërkombëtare e shfaqjes së valleve të Pekinit. Artistë të ardhur nga Kina, Gjermania, Rusia, Norvegjia, Republika e Koresë etj. do të shfaqin mbi 20 valle me karakteristika të ndryshme.

Stina ndërkombëtare e shfaqjes së valleve e Pekinit është një aktivitet i rëndësishëm kulturor i krijuar para 3 vjetëve dhe ka tërhequr shumë artëdashës të valleve.

Koncerti i vitit të ri 2007 i Pekinit do të zhvillohet në bashkëpunim ndërkombëtar 

Korrespondentët e Radios së Jashtme të Kinës njoftuan se siç bëhet e ditur në një konferencë shtypi të organizuar ditët e fundit, në koncertin e vitit të ri 2007 të Pekinit që do të zhvillohet më 31 dhjetor, Orkestra Simfonike e Pekinit do të bashkëpunojë me Orkestrën Filarmonike të Anglisë për shfaqje të ndryshme.

Koncerti i vitit të ri i Pekinit është zhvilluar prej 10 vjetësh me radhë. Koncertin e vitit të ri 2007 do ta drejtojë dirigjenti i famshëm anglez Andru Davis. Në këtë koncert do të marrin pjesë edhe pianisti i famshëm kinez Li Yundi, sopranoja meksikane Eugenia Garza, tenori kinez Fan Jinma etj.

Do të zhvillohet Panairi i 11-të ndërkombëtar artistik i Guangzhout  

Agjencia kineze e lajmeve Hsinhua njoftoi se nga 7 deri më 11 dhjetor, do të zhvillohet në qytetin Guangzhou të Kinës jugore Panairi i 11-të ndërkombëtar artistik i Guangzhout.

Në këtë panair do të marrin pjesë rreth 100 artistë të ardhur nga 12 vende e rajone të botës. Ata do të ekspozojnë vepra artistike si pikturë me bojë vaji, skulpturë etj. (Fani)