dëgjoni

Kryeqendra e provincës Zhejiang e Kinës lindore Hanzhou është një qytet i njohur turistik dhe njëkohësisht edhe një qytet kryesor për zhvillimin e industrisë së filmit multiplikaiv. Nga 28 prilli deri më 3 maj, në këtë qytet u organizua Festivali i dytë Ndërkombëtar i filmit multiplikativ. Në këtë festival janë mishëruar plotësisht niveli i prodhimit të filmit multiplikativ dhe potenciali i zhvillimit të tij.

Në nënrubrikën e sotme " Kultura në fokus", do t'ju njohim me zhvillimin e industrisë së filmit multiplikativ.

Sivjet është 80 vjetori i krijimit të filmit multiplikativ. Në Festivalin e dytë Ndërkombëtar të filmit multiplikativ u demonstruan kryesisht sukseset e filmit multiplikaiv të Kinës gjatë zhvillimit 80 vjeçar. Në këtë festival janë organizuar aktivitete të ndryshme si ekspozita, forumi i samitit, konkursi i veprave multiplikative etj. Sipërfaqja e ekspozitës ka arritur në 46 mijë metra katërore , ku janë mbledhur institucione të filmave vizatimore dhe l9 baza për prodhimin e filmave vizatimore të Kinës si dhe mëse një mijë vepra të dhjetra mjeshtrave të filmave vizatimorë të më se 20 vendeve.

Vitet e fundit, sektorët përkatës kanë shtuar investimet për zhvillimin e industrisë së filmit multiplikativ duke përpiluar një serë masash në favor të zhvillimit të kësaj industrie dhe kanë arritur rezultate të dukshme. Të dhënat statistikore tregojnë se gjatë 3 vjetëve të fundit, prodhimi i filmave vizatimorë është dyfishuar nga viti në vit dhe në vitin 2005, u prodhuan më se 40 filma të shquar vizatimorë dhe prodhimi i filmave vizatimorë ka arritur në mëse 700 orë. Në prag të këtij festivali, Drejtoria e Përgjithshme Shtetërore e Radio-Film-Televizionit të Kinës organizoi në qytetin Hanzhou një mbledhje kombëtare të punës lidhur me prodhimin e filmave vizatimorë, ku zv-drejtori i kësaj drejtorie Hu Zhanfan paraqiti mendimin e Kinës mbi zhvillimin e industrisë së filmit multiplikativ. Ai tha : ..1.."

Do të nxisim fuqimisht prodhimin e filmave vizatimorë të vendit, do të vëmë theksin e punës në krijimin e figurave dhe skenarëve, si dhe në kompozimin e muzikës, dublimin e zërit etj. Duhet të prodhojmë filma serialë vizatimorë për spektatorë të moshave, gjinive dhe shtresave të ndryshme. "

Instituti i filmit multiplikativ pranë Universitetit të Mediave të Kinës që mori pjesë në këtë festival, që u krijua në vitin 2001, është një nga institutet profesionale të filmit multiplikativ. Në një inyervistë me korrespondentin, pedagogia e këtij instituti Guo Manman tha se instituti i saj i ka kushtuar një rëndësi të madhe përgatitjes së talentëve për prodhimin e filmave vizatimorë. Ajo tha : ..2.. " Instituti ynë u ka dhënë studentëve përkrahje me materiale e paisje si dhe nga ana financiare për krijimin e filmave vizatimorë dhe për pjesëmarrjen e tyre në konkurrime. Edhe gjatë mësimdhënies, ne krijojmë me të gjitha mundesitë mjedisin e përshtatshëm për krijimtarinë e studentëve. Shumë vepra të studentëve tanë kanë fituar çmime brenda e jashtë vendit".

Krahas përgatitjes së talenteve të filmave vizatimorë në shkollë, Kina i ka kushtuar një rëndësi të madhe edhe përgatitjes së talenteve në sektorë të ndryshëm të shoqërisë. Vitet e fundit, Kina miratoi ndërtimin e l5 bazave në rang shteti për prodhimin dhe kërkimin shkencor të filmit multiplikativ, ku janë tërhequr një numër i madh talentesh dhe janë prodhuar një sasi veprash të shquara të filmit multiplikativ.

Njëra prej tyre, që mori pjesë në këtë festival është zona ndërkombëtare tekniko-shkencore e varur nga rajoni industrial i Suzhout. Kjo zonë është përcaktuar vitin e kaluar nga Drejtoria Shtetërore e Radio-Film-Televizionit të Kinës si një bazë shtetërore për prodhimin e filmave vizatimorë. Menazheri i sektorit tregtar të kësaj zone, z. Zhang Renyuan tha : ..3.. " Në zonën ndërkombëtare tekniko-shkencore të Suzhout ka më se 20 ndërmarrje të lodrave multiplikativ dhe një numër talentesh të filmave vizatimorë. Shumë mjeshtra dhe talente të filmave vizatimorë që qenë të shpërëndarë nëpër lagjet e qytetit u mblodhën në zonën tonë duke krijuar kompanitë e tyre. "

Ashtu si qyteti Suzhou, edhe qyteti Hanzhou është një qytet kryesor për zhvillimin e industrisë së filmit multiplikativ.

Prodhimi i filmave vizatimorë të këtij qyteti filloi në vitet '80 të shekullit të kaluar. Tani në këtë qytet ka më se 60 ndërmarrje të prodhimit të lodrave dhe filmave vizatimorë, ndër to 23 ndërmarrje janë me përpjesëtime të mëdha.

Shoqëria e filmave vizatimorë Zhongnan e Zhejiangut që u krijua në vitin 2003, është një shoqëri profesionale e nivelit të lartë për prodhimin e filmave vizatimorë. Drejtori i kësaj shoqërie z.U Jianrong tha ..4 .. " Deri në fund të këtij viti, rreth 70 vende të botës do të shfaqin filma vizatimorë të prodhuar prej nesh. Pas shfaqjes në ekran dhe transmetimit në televizion të filmave vizatimorë, ne do të prodhojmë menjeherë DVD, lodra dhe produkte të tjera përkatëse. Pra marka jonë, figurat e kartonit të krijuara prej nesh etj janë shumë të favorshme për zhvillimin e gjithë zinxhirit industrial". ( Zhai)