dëgjoni

Më 1 dhjetor në mbrëmje, u zhvillua në Dohë, kryeqytetin e Katarit, ceremonia e hapjes e Lojërave të 15-ta Aziatike. Për një veprimtari komplekse sportive, rëndësia e ceremonisë së hapjes është e vetëkuptueshme, sepse ajo është arena më e mirë që vendi organizator t'i paraqitë gjithë botës kulturën e vet dhe të krijojë figurën e tij kombëtare. Në programin e sotëm, do t'ju flasim për karakteristikat kulturore të ceremonisë së hapjes të Lojërave Aziatike të Dohës.

Gjatë 20 vjetëve të fundit, për ceremonitë e hapjes të çdo edicionit të lojërave aziatike ose olimpike, organizatorët e tyre janë përgatitur me shumë kujdes dhe janë përpjekur të japin një shfaqje mahnitëse. Në Lojërat Aziatike të Dohës, a mund të krahasohet ceremonia e tyre të hapjes me këto ceremoni të kaluara të spikatura dhe me krijimtari të mrekullueshme? Gazetari veteran koreanojugor Lee Won Hong shprehu mendimin e shumë njerëzve:

"Në ceremoninë e hapjes të Lojërave të kaluara Aziatike në Busan të Koresë së Jugut, tema kryesore ishte tregimi i

dashurisë midis princit korean dhe princeshës indiane, bazuar në legjendat e lashta të Koresë së Jugut. Nëpërmjet kësaj teme, u mishërua si duhet dashamirësia e koreanojugorëve. Për ceremoninë e hapjes së lojërave në Dohë, kemi të njëjtën shpresë që ajo të mishërojë kulturën e Katarit."

Kjo shpresë pasqyrohet më shumë në mënyrën e ndezjes së pishtarit kryesor të Lojërave Aziatike. Mund të themi se në këtë drejtim Doha nuk përsëriti mënyrat e kaluara, por i shfaqi gjithë botës sportin, që mishëron forcën e njeriut. Në ceremoninë e hapjes, i fundit pishtarmbajtës ishte kalorësi Sheikh Mohamad Bin Hamad, që është edhe princi i Katarit. Ky i ri, mbi shpinën e kalit, u vërsul në majën e vendeve të zbuluara të stadiumit, duke shfaqur mjeshtëri të lartë në kalërim dhe njëkohësisht duke pasqyruar edhe një hallkë të rëndësishme në kulturën arabe, bashkimin e njeriut me kalin 

Për të demonstruar më mirë kulturën e vet, Doha ftoi David Atkinsin, që ka qenë regjisor i përgjithshëm i ceremonisë së hapjes të Lojërave Olimpike të Sidnejit. Në fakt ky veprim ngjalli shqetësim te shumë njerëz. Gazetari veteran tajlandez, Wirote Kitgulanantaeak ka qenë korrespondent në Lojërat Aziatike të Bangkokut. Gjatë një interviste për gazetarin e radios sonë, ai tha:

"Kemi pak a shumë merak, sepse perëndimorët e kanë të vështirë të kuptoj në kulturën aziatike dhe atë orientale. P.sh. në ceremoninë e hapjes të Lojërave Olimpike të Barcelonës dhe atyre të Athinës ekzistoi problemi i divergjencave kulturore. Ne aziatikët e kemi të vështirë të kuptojnë ndonjë shprehje të tyre."

Shqetësimi i zotit Kitgulanantaeak është e arsyeshëm, sepse vende e kombe të ndryshme kanë koncepte të ndryshme për kulturën, por për sa i përket ceremonisë së hapjes të Lojërave Aziatike, mund të themi të paktën se Doha shprehu karakteristikat e veçanta kulturore.

Katari është një vend i ri, pasi ai shpalli pavarësinë vetëm disa dhjetëra vjet më parë, por prapa atij është kultura e lashtë arabe. Në ceremoninë e hapjes, organizatorët na paraqitën shkretëtirën, detin, astrolabin, shqiponjën gjuajtëse, mbledhësin e perlave, muzikën e vallen tradicionale arabe si dhe shkencën e teknikën arabe, që kanë nxitur zhvillimin e gjysmë globit tonë. Njëkohësisht, ata zgjeruan sferën e shprehjes së kulturës në tërë Azinë, duke demonstruar arkitekturat, artet dhe zakonet e 6 rajoneve kulturore të Azisë, të cilat mishëruan më tej temën "Lojërat Aziatike janë mbledhja e madhe e gjithë Azisë".

Në fund të fundit, faktori kryesor i suksesit të ceremonisë së hapjes të lojërave komplekse është krijimtaria. Në këtë drejtim Lojërat Olimpike të Athinës u vlerësuan gjerësisht, ndërsa Doha ka edhe karakteristikën e vet. Tema e krijimtarisë së ceremonisë së hapjes në Dohë është "takimi i detit me shkretëtirën" dhe pjesët e ndryshme të ceremonisë u lidhën nga këndvështrimi dhe përvoja e një mbledhësi perlash. Shikuesit sikur panë një film të mrekullueshëm. Organizatorët shfrytëzuan plotësisht terrenin e stadiumit dhe teknologjinë e lartë, duke imituar malet, oqeanin, shkretëtirën, pallatet, tempujt, anijet dhe elemente të tjera madhështore. Në shfaqjen e kësaj ceremonie morën pjesë 7000 veta, që krijuan efekte befasuese.

Një rekuizitë që përshkroi të gjithë ceremoninë e hapjes të Lojërave Aziatike të Dohës është astrolabi i artë. Me këtë astrolab, Doha u bëri shikuesve të Azisë dhe të mbarë botës të njihnin forcën tërheqëse të kulturës arabe dhe të asaj aziatike. Gjithashtu me këtë astrolab, ceremonia e hapjes të Lojërave Aziatike na la përshtypje të thellë. (Wang Lei)