dëgjoni

Shumë njerëz e quajnë lagjen Zhonguangcun në pjesën veriperëndimore të Pekinit "Silikon Vallej Kinez". Para më se 10 vjetëve, një numër njerëzish, që patën ambicie për të zhvilluar në Kinë teknikën e re dhe të lartë, u mblodhën këtu dhe morën rrugën e nisjes së kauzës së tyre. Në fillim, ata punonin duke montuar pjesët e këmbimit të produkteve elektronike të importuara dhe ua shisnin konsumatorëve, gjë që dukej sikur ata nuk kishin ndonjë aftësi për të eksperimentuar dhe për të krijuar gjëra të reja. Kurse sot, Zhonguancun është bërë zona më e madhe e shkencës dhe teknikës së lartë në Kinë dhe 90% e produkteve të saj janë të nivelit të përparuar botëror.

Një person i informuar mirë, tha se po të hyni në sesionin e kërkimeve shkencore të ndonjë kompanie të këtushme, do të mahniteni nga objektet e kërkimeve shkencore, që janë të nivelit të teknikës më të përparuar në botë.

Kur erdha për intervistim në Koorporatën Aksionare Hanvang të shkencës dhe teknikës në Zhonguancun, shkruan korrespondenti, u binda se fjalët e sipërpërmendura janë të drejta. Inxhinieri i kësaj korporate, zoti Zhang Haopeng tha se tani në treg shiten shumë celularë të markave dhe tipave të ndryshme me funksionin e shkrimit me dorë të hieroglifeve kineze dhe 80% i tyre prodhohen duke u zbatuar teknologjia e korporatës së tij. Zoti Zhang na tregoi një teknologji të re që krijoi ai në bashkëpunim me kolegët e tij. 

"Le të bëjmë një provë me këtë kartolinë. Unë e drejtoj thjerrën fotografuese të celularit tim kundrejt kartolinës dhe përmbajtja e saj mund të hyjë në celular. Me anë të teknikës sonë dalluese, na mjaftojnë vetëm disa sekonda për të dalluar dhe për regjistruar përmbajtjen e kartolinës deri në celular."

Këtë teknologji e shpiku Korporata Hanvang vitin e kaluar dhe tani shumë fabrika të njohura të prodhimit të celularëve shprehen për ta blerë këtë patentë. Ç' është e vërteta, qysh në fillim të viteve 90 të shekullit të fundit, kur zuri vendin në Zhonguancun, Korporata Hanvang e përcaktoi krijimin e të rejave si objektivi i punës së vet. Në fillim ajo kaloi një rrugë plot me zigzag për shkak të ndjekjes verbërisht të të tjerëve. Drejtori i përgjithshëm i saj, zoti Liu Ying-gjan shton më tej:

"Dikur nisëm 43 objekte, por më në fund u detyruam të hiqnim dorë, sepse disa prej tyre nuk u pëlqyen konsumatorëve, megjithëse na pëlqyen neve; disa të tjera ishin me konston të lartë. Aq më tepër, ato objekte ia kaluan mundësisë sonë."

Sot, kjo korporatë ka korrur suksese në kapërcimin e pengesave të vështira në lëmenjtë e dallimit të hieroglifeve kineze të shkruara me dorë, të administrimit me fuqi mendore të komunikacionit dhe trafikut, të telefonit me fuqi mendore të kompjuterit etj. Ajo disponon shumë teknologji me patentat e veta dhe zë pozitën e parë brenda vendit përsa i përket nivelit kompleks teknik. 

Ekzistojnë në Zhonguancun edhe shumë ndërmarrje të tjera, që korrën suksese duke krijuar të reja me forcat e veta. Zoti Ren Zaiqi, një nga përgjegjësit e Komisionit Administrativ të Parkut tekniko-shkencor Zhonguancun, tha se në arenën ndërombëtare çdo vit 5% deri në 8% të vëllimit të produkteve investohet në hulumtimet shkencore për krijimin e teknologjive të reja, kurse vëllimi i investimeve të 17 mijë ndërmarrjeve të Zhonguancunit për hulumtimet shkencore ka kaluuar këtë nivel. Zoti Ren Zaiqi tha:

"Teknogjitë me epërsi në Zhonguancun janë të dukshme. Në radhë të parë, është projektimi i qarqeve të integruara, duke u përfshirë projektimi i produkteve terminale personale, si celulari, MP3 dhe MP4. Zhonguancuni ka një bazë shumë të shëndoshë teknike edhe në fushën biofarmaceutike."

Korporata Aksionare Kesing e Pekinit është bërë prijësja e ndërmarrjeve biofarmaceutike në Zhonguancun dhe quhet "dashi i këmborës së kopesë". Në shekullin e 20-të, Kina importonte vaksina kundër hepatitit për vaksinimin e fëmijëve, sepse Kina nuk i prodhonte ato vaksina. Pas shumë vjet përpjekjesh, në vitin 1999 përgjegjësi i kësaj korporate, Yin Veidong dhe kolegët e tij eksperimentuan dhe prodhuan me sukses vaksinën e parë të markës kineze kundër hepatitit. Tani, ata kanë ndërtuar një bazë të prodhimit të vaksinave, duke respektuar me rigorozitet standardet ndërkombëtare. 

Në Parkun Tekniko-shkencor Zhonguancun u formuan disa ndërmarrje me diplomantë të rinj si forca kryesore. Njëra prej tyre është Kompania Tekniko-shkencore Huidian e Pekinit, e krijuar nga 10 diplomantë të rinj të Universitetit Tsinghua në vitin 1998. Vitin e kaluar vëllimi i shitjes së produkteve të saj arriti në 100 milionë juanë dhe prodhimtaria e saj u rrit 3 vjet me radhë 150 %. Kryetari i këshillit të kësaj ndërmarrjeje zoti Gjang Siaodan tha se korporata e tij ka krijuar një linjë komplekse të produkteve të reja me patenta autonome. Ai ka besim të plotë për zhvillimin e ndërmarrjes së tij.(Zheng)