Gjatë intervistës ajo tregoi disa nga përshtypjet e këtyre filmave, të cilët kanë ndikuar edhe në rritjen e saj personale .....

Për të falenderuar zonjushes Elsa Lila për intervistë e dhënë, gazetari i parë i rubrikës " Magjia e filmave artistike " e ftoi zonjushen Elsa Lila të jepte disa shkrime mbi përshtypjet e saj dhe i dhuroi asaj një kuti me disa maska të bukura të Operës Nuo si dhuratë për kujtim.

Zonjusha Elsa Lila e pranoi me gëzim këtë dhuratë shumë të çmuar dhe të pëlqyer shumë prej saj.

Yshtja Nuo dhe ceremonia e faljes Nuo janë fenomene shumë të lashta kulturore. Ato kanë lidhje me besëtytni totem të kohës së lashtë, me magjistarë primitivë dhe me këngë e valle primitive. Opera Nuo është zhvilluar nga vallet Nuo. Maskat e fytyrës të operës Nuo janë produkt i bashkëjetesës së gjatë të besimeve fetare dhe të artit. Ndër sendet e shfaqjeve, të koleksionuara në Muzeun e Arteve Figurative të Kinës, janë edhe maskat e fytyrës së operës Nuo të provincave Guizhou, Hunan, Gjansi, Yunan dhe të kombësisë Maonan të provincës Guansi, maskat e fytyrës të operave lokale të provincës Guizhou, maskat e fytyrës së operës së provincës Shensi, si dhe maskat e fytyrës së operës së Pekinit. Këto sende shfaqjesh do të bëheshin më vonë baza e shfaqjeve të lashta folklorike dhe mjete me vlera estetike të artit folklorik. Në kohën e dinastive Shang dhe Zhou, ( shekulli ll ? viti 56 para erës sonë ) në pallatin mbretëror organizoheshin ceremoni të faljes për yshtje, që quheshin " Yshtja Nuo" ose " Nuo për largimin e të këqijave" e dinastisë Zhou. Këto ishin valle me karakter yshtës. Në një libër të Konfucit thuhet se yshtje do të thotë largim i sëmundjeve. Në librin "Shënimet e qendrës muzikore" shkruhet se në vallet e yshtjeve 4 persona me kurora dhe me maska fytyre, me sy të artë, me veshje prej lëkure ariu, duke mbajtur në dorë heshta dhe mburoja, në krye të l2 personave me maska prej fytyre kafshësh, kërcenin në pallatet mbretërore, duke kënduar këngë yshtëse dhe duke thënë fjalë për dëbimin e të këqijave, për të larguar "djajtë e sëmundjeve". Pastaj, këto valle që u përhapën në gjirin e popullit, u kthyen në aktivitete madhështore folklorike, siç janë ceremonitë e faljes në fshat apo takimet për të kënaqur dhe për të pritur hyjnitë. Në këto aktivitete bënin pjesë edhe shfaqjet e akrobacisë dhe të cirkut. Ceremonitë për largimin e të këqijave dhe të faljes u ndryshuan gradualisht në valle dëfruese, opera me karakteristika lokale, opera me figura të ndryshueshme etj, të cilat u përhapën më shumë në provincat Shensi e Sansi, në lindje të provincës Gansu.

Arti folklorik me histori të gjatë, i shumëllojshëm e me përmbajtje të pasur është një send i çmuar artistik nacional i Kinës.

Kjo dhuratë me maskat e fytyrës së operës Nuo - një formë e artit të lashtë tradicional të Kinës do t'i sillte Elsës kënaqësinë e ngjyrimeve të theksuara karakteristike lokale të këtij arti folklorik me përmbajtje të thellë kulturore dhe me figura të bukura artistike.

Arti folklorik kinez ka histori të lashtë, ai është i shumëllojshëm nga forma dhe ka shpërndarje të gjerë. Vetëm numri i sendeve të artit folklorik, të koleksionuara në Muzeun e Arteve Figurative të Kinës, ka arritur në më se 50 mijë. Eksponantet e kësaj ekspozite janë të zgjedhura nga këto sende të koleksionuara, në të cilat bëjnë pjesë vepra të letrës së prerë në figura të ndryshme, vepra të qëndisura, vizatime për Vitin e Ri sipas kalendarit hënor kinez dhe figura të vizatuara ose të gdhendura të operave ose të përrallave popullore të dekorit muror. ?Zhai?