dëgjoni Në nënrubrikën e sotme "Shkëmbime kulturore" do t'ju njohim me tenorin e njohur kinez Liu Weivei dhe këngët kineze dhe të huaja të interpretuara prej tij. ..

Kënga që po dëgjoni, "Dielli im", është interpretuar nga tenori i njohur kinez Liu Weivei në gjuhën italiane. Kjo është një këngë e njohur dashurie italiane. Në këngë heroi lirik e quan buzëqeshjen e së dashurës së tij " Dielli im", duke admiruar dashurinë e tyre të sinqertë siç admirojmë diellin...

Liu Weivei u pranua në fakultetin vokal dhe operistik të Konservatorit Qendror të Kinës. Gjatë studimit në këtë konservator, Liu Weivei mori pjesë në kursin e mjeshtrit të madh italian të këngës Xhino Beki të organizuar në Pekin dhe u vlerësua lart nga ky mjeshtër i madh. Në vitin l985, pasi u diplomua në këtë konservator, Liu Weivei hyri në Teatrin Qendror të Operës të Kinës. Gjatë këtij viti, Liu Weivei fitoi çmimin e artë në konkursin e l2-të vokal ndërkombëtar të organizuar në Brazil. Dëgjues të dashur, ju ftojmë të dëgjoni tani këngën kineze "Ai jam unë" të interpretuar nga Liu Weivei. Kjo është një këngë e kompozuar nga kompozitorja e njohur kineze Gu Jienfen mbështetur në një këngë popullore të pakicave kombëtare të Kinës jugore, ku shprehet malli i madh i bijve dhe bijave kineze përtej detit për vendlindjen e tyre....

Në këngë thuhet: "Mua më ka malli për tymin e kuzhinës së vendlindjes, për karrocat e kuajve. O nëna, kur të dëgjoni tingujt e një fyelli, ai më përfaqëson mua. Më ka marrë malli për fenerët e peshkatarëve të vendlindjes, dhe për guaskat e bukura të plazhit të vendlindjes. Nëna, kur të vijë një ditë një varkë me vela, ajo varkë jam pikërisht unë" ?

Liu Weiveri është një tenor fatbardhë. Me të hyrë në Teatrin e Operës, ai u zgjodh për rolin kryesor në operën e njohur klasike "Madamë Batërflaj". Pasi mori këtë rol, Liu Weivei u përgatit me gjithë seriozitetin dhe arriti sukses të madh qysh në shfaqjen e parë. Pastaj ai mori pjesë në shfaqjen e operës "Karmen". Interpretimi i rolit kryesor të kësaj opere është shumë më i vështirë se ai i rolit kryesor të operës "Madamë Batërflaj". Kjo ishte një provë e madhe për këtë tenor. Interpretimi me sukses i roleve kryesore në këto dy opera e kaliti në mënyrë të gjithanshme Liu Weivein dhe ai pati një rritje shumë të madhe si nga aftësia shprehëse muzikore, ashtu edhe nga shfaqja dhe interpretimi vokal. Ky ishte edhe një hov i madh gjatë karrierës së tij...

Pjesa që po dëgjoni, është nga aria "Federiko" e operës së Cileas "Vajza nga qyteti Alai", interpretuar nga Liu Weivei. Fshatari Federiko ka rënë në dashuri me një vajzë nga qyteti Alai, por vajza u largua prej tij duke shkuar me një tjetër. Në fund të këtij fragmenti, shprehet pikëllimi i madh i Federikos për humbjen e kësaj dashurie...

Në vitin l988, Liu Weivei së bashku me Teatrin Qendror të Operës të Kinës mori pjesë në Festivalin Operistik të Finlandës dhe shfaqi edhe një herë operat "Madamë Batërflaj" dhe " Karmen". Interpretimet e tij të mrekullueshme e plot patos u vlerësuan lart nga kolegët dhe mediat vendore.

Pastaj, Liu Weivei interpretoi edhe në shumë opera kineze dhe të huaja, si "Toska", "Zonja me kamelie", " Ëikipedia" etj. Tani ju ftojmë të dëgjoni një fragment nga opera italiane "Rikthimi në Sulanto".

Përveç interpretimit të operave, Liu Weivei ka marrë pjesë edhe në shumë koncerte madhështore, si "Kënga e tokës", në festivalin muzikor ndërkombëtar të Makaos, në Japoni në bashkëpunim me filarmoninë e njohur NHK për interpretimin e simfonisë nr. 9 të Bethovenit etj. Liu Weivei ka fituar edhe çmimin më të lartë të Operës Kineze. Tani Liu Weivei punon si tenor solist në Ansamblin e Këngëve dhe Valleve " Lindja" të Kinës. Në fund të këtij emisioni, ju ftojmë të dëgjoni këngën popullore të kombësisë kazake "Dudari dhe Malia", që pasqyron dashurinë e sinqertë të një çifti të rinjsh të kombësisë kazake. ( Zhai)