Në një konferencë shtypi të organizuar ditët e fundit nga Komiteti Paralimpik i Kinës, vajza Wang Lijing nga qyteti Tianjin i Kinës veriore, me veshje sportive, u ul e qetë në një qoshe. Në pamje të parë, ajo nuk ka ndonjë ndryshim me njerëzit e zakonshëm, por po ta vëresh me vëmendje, mund të zbulosh se sytë e saj shikojnë gjithmonë në një pikë, sikur nuk e ndien fare praninë e gjërave përreth. Në fakt, megjithëse hap gjithmonë sytë e mëdhenj dhe të zezë, ajo nuk e shikon aspak dritën e diellit. Kjo vajzë 17 vjeçare ka jetuar në errësirë qysh nga çasti kur lindi.

Por verbëria nuk e ka penguar të renë Wang Lijing të ketë interesa në jetë. Ajo parapëlqeu gejtbollin për të verbër që në moshën 8 vjçare dhe pati rezultat të mirë. Më vonë talenti i saj në sport u zbulua nga Federata e Invalidëve e Qytetit Tianjin dhe ajo filloi stërvitjen në xhudo. Pas stërvitjes të zellshme për 3 vjet, ajo është bërë sot aktualisht një nga sportistët e verbër më të dalluar të xhudos në Kinë dhe konsiderohet se ka potencial të fitojë medalje në gara botërore.

Talenti natyror dhe stërvitja e zellshme e bënë Wang Lijing-in arrinte rezultatin e sotëm. Ajo e ka shumë të qartë se çfarë vështirësi duhet të kapërcejë si një sportiste e verbër.

"P.sh. në sportin e xhudos, një sportist normal i mëson lëvizjet teknike duke parë veprimet e trajnerit dhe duke i imituar, por ne të verbrit nuk shikojmë dhe duhet t'i zbatojmë udhëzimet e trajnerit duke prekur me dorë krahët dhe këmbë e tij dhe duke ndjer qëndrimin e tij. "

Wang Lijing duhet të stërvitet 5 orë në ditë dhe 6 ditë në javë dhe nuk e ka ndërprerë për asnjë çast stërvitjen në të katër stinët. Stërvitjet dhe pjesëmarrja në garë janë bërë e vetmja përmbajtje e jetës së saj. Një jetë kaq e thjeshtë ndoshta do të ishte e padurueshme për një njëri të zakonshëm, por Wang Lijing-it ajo i jep gëzim.

"Pasi fillova stërvitjen e xhudos, vullneti im është bërë më i fortë. Sporti më bën të kuptoj se ç'është kapërcimi i maksimumit të vetvetes, përmirësimi i vetvetes dhe përpjekjet për rezultatin më të mirë."

Në Kinë ka shumë invalidë si Wang Lijing, që janë të dhënë pas sportit dhe shfaqin vlerat e veta nëpërmjet sportit. Ata përbëjnë një bazë të mirë për sportin kinez të njerëzve me të meta fizike dhe pikërisht me mbështetjen e këtij grupi të madh dashamirësish të soprtit, në Lojërat Paralimpike të Athinës në vitin 2004, Kina zuri vendin e parë npër sa u përket medaljeve të arta duke thyer 29 rekordet botërore. Besohet se në vitin 2008 në Lojërat Paralimpike të Pekinit, sportistët kinezë do të ruajnë këtë epërsi absolute.

Por, funksionari i Komitetit Paralimpik të Kinës tha se pozita mbizotëruese në klasifikimin e medaljeve të Lojërave Paralimpike nuk është i vetmi objektiv i çështjes së sportit kinez të njerëve me të meta fizike.

"Për ne më e rëndësishmja është shfaqja e shpirtit, d.m.th. shfaqja e vetvetes nga njerëzit me të meta fizike, të cilët kanë nevojë për një arenë për mishërimin e vlerës së tyre. Ata krenohen që ia shtojnë nderin vendit. Prandaj sportistët me të meta fizike stërviten me shumë zell dhe trajnerët e tyre s'kanë nevojë t'i kontrollojnë, por mundohen t'u mendjen të pakësojnë stërvitjen."

Të dashur dëgjues, fjalët që sapo dëgjuat i tha zj. Zhao Sujing, zv/sekretarja e parë përgjithshme e Komitetit Paralimpik të Kinës. Ajo është e mendimit se theksi i çështjes së sportit kinez të njerëzve me të meta fizike nuk vihet në rezultatin sportiv, por në zgjerimin e sferës së pjesëmarrësve, që nëpërmjet sportit dhe gjimnastikës sportive, sa më shumë invalidë të gjejnë interesat e tyre në jetë. Por problemi konkret është që në krahinat e ndryshme të Kinës mungojnë në përgjithësi instalimet sportive për invalidët. Megjithëse instalimet e stërvitjes gjimnastikore gjenden kudo në lagjet e qyteteve, invalidët e kanë vështirë t'i përdorin këto instalime për shkak të shumë pengesave. Zj. Zhao Sujing është e mendimit se gjatë projektimit dhe instalimit të këtyre pajisjeve të stërvitjes gjimnastikore, nuk janë marrë parasysh kërkesat e njerëzve me të meta fizike.

"Mendoj se ky prapëseprapë është një problem i konceptit. Ne duhet të kultivojmë një koncept të tillë te publiku, që edhe invalidët kanë nevojë dhe dëshirë për stërvitje gjimnastikore. Në qoftë se do të ndryshojë koncepti, natyrisht publiku do të marrë parasysh shumë gjëra për invalidët."

Zhao Sujing është e mendimit se krahas përhapjes me forcë të madhe të instalimeve të stërvitjes gjimnastikore pa pengesë në lagje, duhet të krijohen edhe pajisje të veçanta sportive posaçërisht për njerëzit me të meta fizike, sepse instalimet e zakonshme sportive nuk mund të përmbushin të gjitha detyrat e vaçanta të sportit dhe stërvitjeve të invalidëve. Vitin e kaluar, Kina nisi në periferinë e Pekinit ndërtimin e bazës së parë të stërvitjes sportive komplekse për njerëzit me të meta fizike, e cila parashikohet të përurohet në fillim të vitit 2007. Pas përurimit, kjo bazë do të përdoret për përgatitjen e ekipit kombëtar sportiv të njerëzve me të meta fizike për Lojërat Paralimpike 2008, kurse pas këtyre lojërave ajo do të hapet për sportdashës të thjeshtë me të meta fizike.

Edhe Komiteti Organizativ i Lojërave Olimpike të Pekinit bëri të ditur se do t'i kushtojë rëndësi të madhe punës përgatitore për Lojërat Paralimpike të vitit 2008, në mënyrë që Lojërat Paralimpike të zhvillohen po aq prestigjoze sa edhe Lojërat Olimpike. Njëkohësisht, duke përfituar nga ky rast, të forcohet ndërgjegjësimi i shoqërisë kineze për përkujdesjen dhe ndihmën ndaj njerëzve me të meta fizike dhe për përkrahjen ndaj çështjes së njerëzve me të meta fizike. Sipas zonjës Zhao, ky njoftimi i Komitetit Organizativ të Lojërave Olimpike të Pekinit përputhet plotësisht me orientimin e zhvillimit të çështjes sportive të njerëzve me të meta fizike të Kinës.(Wang Lei)