Sipas njoftimeve të Radios së Jashtme të Kinës, më 28 nëntor paradite, delegacioni sportiv kinez u nis me aeroplan të posaçëm nga Pekini për të marrë pjesë në Lojërat Aziatike në kryeqytetin e Katarit Dohë.

Në delegacionin sportiv kinez, që u nis më 28 nëntor paradite, përfshihen 240 funksionarë të delegacionit dhe 12 ekipe sportive si ekipi i basketbollit për meshkuj, ekipi i volejbollit për femra, ekipi i qitjes, i peshëngritjes, i xhudos etj. Lojërat Aziatike të Dohës do të zhvillohen nga 1 deri në 15 dhjetor. Kina ka dërguar një delegacion me 928 veta, nga të cilët ekipi i gjimnastikës, ekipi i pingpongut etj kanë arritur më përpara në vendin e garave. Në të njëjtën ditë, ekipi i notit, ekipi i kanotazhit etj, do të nisen me avione të ndryshme për në Dohë.

Më 29 nëntor paradite sipas orës vendore, delegacioni sportiv kinez do të zhvillojë ceremoninë e ngritjes së flamurit në fshatin e Lojërave Aziatike.(Shyguan)