Sipas njoftimeve të Agjencisë Kineze të Lajmeve Hsinhua, më 27 nëntor sipas kohës vendore, kryetari i Komitetit Olimpik Ndërkombëtar Zhak Rog që ndodhet për vizitë në Kuvajt, shprehu kënaqësi për punët përgatitore të Lojërave Olimpike të Pekinit të vitit 2008. Ai tha se punët përgatitore të Pekinit po zhvillohen shumë mirë. Gjatë vizitës së tij pak kohë më parë në Pekin, ai i pa nga afër këto punë përgatitore.

Po atë ditë, duke iu përgjigjur pyetjeve të gazetarëve të Agjencisë Kombëtare të Lajmeve të Kuvajtit, Zhak Rogu tha se ai vërejti se punët përgatitore të Lojërave Olimpike jo vetëm kanë ushtruar ndikim pozitiv mbi psikologjinë e banorëve të Pekinit, por edhe i kanë sjellë Pekinit ndikime shumë të mëdha materiale mbi ndërtimin e transformimin e pallatit sportiv, përmirësimin e mjedisit në tërësi dhe mbi ndërtimin e infrastrukturës. Të gjitha këto do të krijojnë lehtësi jetese për banorët e Pekinit. (Sihai)