Kjo zonë është e zhvilluar ekonomikisht dhe banorët e saj bëjnë një jetë relativisht të pasur, por ndodh që disa fshatarë bien në varfëri për shkak të sëmundjeve ose të fatkeqësive natyrore, prandaj ndihma dhe përkujdesjet shoqërore për ta janë të domosdoshme.

Një ditë në vitin 1999, një fshatar i periferisë së qytezës Jinshang iu drejtua padronit të një dyqanit të sendeve kulturore, zotit Vu Qiçang dhe iu lut që ta ndihmote për të shkruar një letër drejtuar një të afërmi të tij që jeton në Filipine, sepse ai kishte nevojë t'i kërkonte ndihmë për të mjekuar nënën e tij të sëmurë. Zoti Vu Qiçang u prek shumë pasi mori vesh se ai fshatar kishte rënë në varfëri aq të madhe, saqë nuk kishte as të holla për të blerë vajguri për llampën. Kështu, atij i lindi mendimi për të krijuar një organizatë "dashamirësie".

"Kam qenë në kontakte me mjaft pleq, që më luteshin t'i ndihmoja për të shkruar letra të afërmëve të tyre në Filipine dhe Hongkong, sepse ata kishin nevojë t'u kërkonin disa para për të kapërcyer vështirësitë ekonomike në raste fatkeqësish ose kur sëmureshin. Unë kuptova se edhe në zonën tonë, që është e zhvilluar ekonomikisht, kishte njerëz që jetonin në varfëri dhe që kishin nevojë për ndihmën e të tjerëve."

Zoti Vu Qinçang u përputh në mendim me bashkëfshatarin e tij Qiu Yushang, që ishte liruar nga ushtria. Me përpjkjet e tyre, më 17 janar të vitit 2001 u formua Shoqata e Kryqit të Kuq e qytezës Gjinshang dhe më vonë ata ndërmorën disa veprimtari që tronditën gjithë qytezën.

Një herë, gjatë ekzaminimit mjekësor në shkollë, nxënësit 7-vjeçar Qiu Yuyu iu caktua diagnoza se zemra e tij ishte lëvizur në të djathtë dhe ai vuante nga disa lloje sëmundjesh, por prindrit e tij nuk e çuan atë për mjekim në spital për shkak të vështirësive ekonomike. Pasi e morën vesh, Qiu Yushang dhe Vu Qiçang me kolegët e tyre erdhën menjëherë për të parë atë djalë dhe e gjetën të shtrirë në krevat, gati në momentin e vdekjes, ndërsa prindrit e tij, që rrinin pranë, nuk dinin se çfarë të bënin, përveçse fshinin lotët vazhdimisht. Qiu dhe Vu vendosën aty për aty që të merrnin të gjitha masat për të shpëtuar atë djalë. Po në atë mbrëmje, Shqata e Kryqit të Kuq e qytezës Gjinshang thirri një mbledhje urgjente, ku morën pjesë mbi 30 anëtarët e Këshillit të saj, të ardhur nga fshatëra të ndryshme të periferisë së qytezës. Kur mësuan gjendjen e rëndë shëndetësore të nxënësit Qiu Yuyu, të gjithë pjesëmarrësit në mbledhje kontribuan me të holla. Pas mbledhjes, me përpjkjet e tyre, edhe shumë fshatarë të tjerë kontribuan dhe shuma e mbledhur arriti në 130 mijë juanë.

Ata e çuan dhe e shtruan Qiu Yuyu në spitalin e Zonës Ushtarake të Fuzhout. Pas 4 muaj mjekimi, ai u shërua plotësisht dhe u kthye në shkollë, duke rifilluar jetën midis mësuesve dhe shokëve të tij të klasës.

Korrespondenti ynë bëri një intervistim në shkollën fillore Qunshan, ku mëson Qiu Yuyu dhe e gjeti atë duke luajtur me gëzim me miqtë e tij të vegjel.

Gjatë bisedës me korrespondentin, nxënësi Qiu Yuyu tha se "Kur do të rritem dhe do të bëhem një burrë, edhe unë do t'i dua të tjerët ashtu si ata më duan mua dhe do të ndihmoj të gjithë njerëzit që kanë nevojë për ndihmë."

Vajza 6-vjeçare Qiu Yun-ying vuante nga një tumor në trup, që ishte i madh sa një vezë dhe nuk flinte dot për shkak të dhembjes. Shoqata e Kryqit të Kuq e qytezës Gjinshang e shpëtoi duke paguar shpenzimet e operimit të saj.

Që nga viti 2001, kjo organizatë bazë e Kryqit të Kuq grumbulloi mbi 400 mijë juanë , me të cilët ndihmoi rreth 3000 veta. Anëtari i Shoqatës së Kryqit të Kuq dhe sipërmarrësi privat, zoti Cai Shengli foli për rolin e organizatës së tyre.

"Kapaciteti i një individi është i kufizuar, por me forcat e përqendruara të kolektivit, puna është më ndryshe. Duke u mbështetur në forcat e Kryqit të Kuq, ne mund të zgjidhim shumë probleme." (Zheng)