Ju flet Radio e Jashtme e Kinës! Të dashur dëgjues, unë jam Pina, po takohemi përsëri në programin e sotëm muzikor. Në këtë program do t'ju paraqit një grup këngësh popullore të provincës Gansu.

(??????????)

Të dashur dëgjues, kënga që dëgjuat është një këngë popullore e provincës Gansu me titull: "Një përrua i gjarpëruar". Kjo këngë prekëse dashuri? me melodi të bukur e lirike shpreh mallin e një djaloshi për të dashurën e tij të zemrës. Në këngë thuhet: "Një përrua gjarpëron, retë shumëngjyrëshe zbresin në mal. Vajza ime u largua nga vendlindja, vetëm psherëtij thellë duke parë majat e maleve, duke dëgjuar gurgullimën e përroit. Në shtigjet malore janë rritur barërat e blerta."

(??4?28?)

Provinca Gansu që ndodhet në pjesën perëndimore të Kinës ka histori të lashtë dhe male kreshnike, e në të kalon "Rruga e mëndafshit" e njohur brenda e jashtë vendit. Në këtë provincë jetojnë banorë të 40 kombësive të ndryshme, si hane, tibetiane, sala, dongxiang etj. Për shkak të ndryshimeve në gjuhë, tradita e zakone, janë krijuar gradualisht këngë popullore të shumëllojshme. Kënga malësore është një variant këngësh popullore kryesore të kësaj province, e quajtur "huaer", dhe interpretohet me zë fals. Tani do të shijojmë bashkë me ju veprën përfaqësuese të këngëve "huaer" me titull " Vështroj fushën nga mali".

(????????????)

Në këngë thuhet: "Vështroj fushën nga mali, ku rritet një lule mudan, duket e lehtë për ta marrë por nuk arrij ta këput."

(??1?55?)

Këngët "huaer" kanë gati një qind lloje melodish. Tani do të dëgjojmë këngën "Shkojmë në Sichuan". Kjo këngë me melodi të fuqishme dhe melankolike përshkruan jetën dhe ndjenjat e transportuesve të mallrave me kafshë që ecin tërë vitin nëpër rrugë malore të rrafshnaltës.

(???????4?9?)

Le të shijojmë së bashku këngën "Vajzën e bukur si lule e duan të gjithë". Kënga shpreh admirimin për vajzën e bukur si lule, duke treguar dashurinë e djalit për vajzën.

(????????????1?49)

Nga pranvera deri në fund të verës të çdo viti, në disa zona të provincës Gansu organizohet "Takimi i këngëve huaer", ku marrin pjesë burra, gra, pleq e fëmijë, të veshur me petka të rinj për të kënduar. Në këndimin e këngëve pyetje-përgjigje njerëzit marrin pjesë në grup, i përbërë të paktën nga 4 veta. Gjatë këndimit, tekstet e këngëve hartohen në vend nga këngëtarët, përmbajtjet e teksteve prekin aspektet e punës, jetës, gjeografisë, astronomisë, historisë, fesë, dashurisë etj. duke pasqyruar mençurinë dhe talentin e popullit punëtor dhe kanë vlerë të madhe letrare.

Kënga "Plaku humorist" është një këngë rakie që është e përhapur gjerësisht në provincën Gansu. Këngët e rakisë janë të gjalla dhe të lehta. Kënga "Plaku humorist" me fjalë të gjalla dhe interesante përshkruan një të moshuar humorist me karakter të çiltër dhe optimist.

(???????2?47?)

"Fryn erë" është një melodi tradicionale e Gansusë, mbi bazën e së cilës janë krijuar shumë këngë. Do të dëgjoni tani njerën prej tyre. Kjo këngë shumë e bukur kallëzon ndryshimet dhe karakteristikat e 12 muajve të vitit, në mënyrë që njerëzit të marrin njohuri të pasura gjatë argëtimit dhe pushimit.

( ???????3?26?)

Të dashur dëgjues, në fund të programit do të shijojmë bashkë këngën popullore me titull "10 pyetje e përgjigje lidhur me lule". Në këngë thuhet: "Unë këndoj duke bërë pyetjen e parë: kush mund të më tregojë se ç'lule çel në janar ? Unë të jap përgjigjen e parë, që lulet e fenerëve çelin në janar."

(???????2?10?)

Ju flet Radio e Jashtme e Kinës! Të dashur dëgjues, programi i sotëm muzikor "Këngët popullore të provincës Gansu" mbaroi, murudëgjofshim të shtunën tjetër. Në mikrofon për ju Pina.