Organizimi i Panairit të 100-të të Mallrave të Eksportit të Kinës ishte një ngjarje e madhe në historinë e zhvillimit të tregtisë së jashtme të Kinës, së cilës i është kushtuar një vëmendje e madhe nga udhëheqësit e Partisë dhe të shtetit të Kinës.

Në këtë panair morën pjesë më shumë tregtarë nga Evropa. Numri i tyre arriti në 40596, duke u rritur 19.3% në krahasim me panairin e pranverës së këtij viti. Ndër ta, kishte edhe shumë shqiptarë.

Në këtë panair të 100-të, vëllimi i marrëveshjeve të nënshkruara arriti në 34 miliardë e 60 milionë dollarë amerikanë, duke shënuar një rekord historik.

Përveç shitjes së mallrave dhe makinave, fabrikat u sigurojnë blerësve edhe montimin e makinave dhe përgatitjen e punëtorëve.

Z. Yang Fan ka qenë 2 muaj për montimin e një tornoje të kontrolluar me kompjuter në Shqipëri. Gjatë kësaj kohe, ai ka lidhur miqësi me punëtorë shqiptarë, duke i ndihmuar ata edhe në përvetësimin e përdorimit të tornos. Ndër të tjera ai tha: "Kam shkuar në korrik të këtij viti në Shqipëri. Gjatë qëndrimit dymujor në verë të këtij viti në Shqipëri, miqtë shqiptarë kanë treguar një kujdes të madh për mua nga të gjitha anët, si nga ana e jetës, ashtu edhe nga ana e punës." Ai vazhdoi se gjatë qëndrimit në fabrikë për montimin e tornos dhe për përgatitjen e punëtorëve, ai u ka mësuar dy punëtorëve shqiptarë, Almës dhe Aliut, që dinë anglishten, përdorimin e tornos së kontrolluar me kompjuter. Gjatë kësaj kohe, z. Yang ka përvetësuar mirë edhe gjuhën angleze. Megjithëse ai e ka studiuar këtë gjuhë në shkollën e mesme, por e kishte harruar fare dhe kësaj here, e mësoi nga një përkthyese shqiptare anglishten, edhe gjatë dhënies së mjeshtrit. Edhe vetë ai ka përfituar shumë. Ai ka mësuar edhe disa fjalë shqiptare.

Përveç panairit të Guanzhout të mallrave të eksportit që organizohet dy herë në vit, në disa qytete të mëdha ka edhe panaire ose ekspozita të përhershme.

Në qytetin e Shangait, unë dhe disa tregtarë shqiptarë shkuam për vizitë edhe në një ekspozitë të makinerive të Shangait. Aty drejtori i kësaj ekspozite z. Li na tha:"Ky është një ekspozitë e makinerive, ku janë mbledhur më se 600 lloje makinash të llojëve të ndryshme që eksportohen në vende të ndryshme të botës, si në vendet e Azisë jug-lindore, në Amerikën Latine, në Brazil, në Korenë e Jugut etj. "

Drejtori i ekspozitës u shprehu mirëseardhjen miqve shqiptarë për vizitë në këtë ekspozitë dhe tregtarë shqiptarë e falenderuan atë për mikpritjen e ngrohtë, duke e ftuar për vizitë edhe në Shqipëri. Një nga tregtarët shqiptarë z. Zhaku tha: " Të njëjtin mendim kam edhe unë. Unë do të vazhdoj të jem miku i tyre dhe do të mundohem që të jem sa më afër me këtë panair, por edhe me vetë Kinën, duke iu bërë të gjithëve një ftesë edhe për të ardhur në Shqipëri."

Ata i shprehën njëri tjetrit miqësinë midis tyre dhe urimin për një punë të mbarë. ( Zhai)