Korrespondentët e Radios së Jashtme të Kinës njoftuan se më 16 nëntor, u hap në Shangai Panairi Artistik i Shangait për vitin 2006.

Në këtë panair morën pjesë 15 vende si SHBA-ja, Australia, Gjermania, Italia, Rusia etj. dhe u ekspozuan piktura moderne me bojë vaji dhe vepra të shumë artistëve me famë botërore si Rembrandt Harmenz, Auguste Rodin etj.

Panairi Artistik i Shangait u krijua në vitin 1997 dhe është zhvilluar me sukses 9 herë.

Do të zhvillohet në Pekin Takimi i 36-të Botëror i Revistave

Gazeta kineze "Beijingyulexinbao" njoftoi se në maj të vitit të ardhshëm, do të zhvillohet në Pekin Takimi i 36-të Botëror i Revistave i organizuar nga Federata Ndërkombëtare e Revistave. Kjo është hera e parë që zhvillohet në Kinë ky takim. Parashikohet se në këtë takim do të marrin pjesë më se 1000 personalitete të qarqeve të revistave.

Takimi Botëror i Revistave është takimi me ndikim më të madh në fushën e revistave globale dhe zhvillohet një herë në dy vjet. Kjo veprimtari ka rëndësi të madhe për forcimin e shkëmbimeve dhe të bashkëpunimit midis qarqeve të revistave të vendeve të ndryshme dhe për nxitjen e lulëzimit dhe të zhvillimit të revistave të vendeve të ndryshme.

Do të zhvillohet Java Ndërkombëtare e Artit Humoristik e Jinanit

Gazeta kineze "Kultura kineze" njoftoi se nga 8 deri më 14 dhjetor, do të zhvillohet në qytetin Jinan të provincës Shandong të Kinës lindore Java Ndërkombëtare e Artit Humoristik e Jinanit për vitin 2006. Gjatë kësaj veprimtarie, humoristë nga Kina, Rusia, SHBA-ja, Holanda, Suedia etj. do të japin shfaqje interesante.

Krahas shfaqjeve, gjatë Javës së Artit Humoristik do të zhvillohen edhe forumi i artit humoristik, ekspozita e veprave të artit humoristik etj.

Do të shfaqet në Pekin drama e kënduar dhe e vallëzuar tibetiane "Vatra magjike"

Korrespondentja e Radios së Jashtme të Kinës njoftoi se më 26 e 27 nëntor, do të shfaqet drama e madhe e kënduar dhe e vallëzuar tibetiane "Vatra magjike".

Kjo dramë është një nga shfaqjet e rëndësishme të "Javës së kulturës tibetiane të Kinës për vitin 2006". Para kësaj, "Vatra magjike" është shfaqur në Danimarkë, Itali, Austri etj. duke fituar përshëndetjen e shikuesve të huaj.

Siç bëhet e ditur, "Vatra magjike" përbëhet nga pjesët "Vatra", "Burra e gra" dhe "Shangrila". Drama pasqyron jetën e popullit tibetian. (Fani)