Wan Jiyuan është një piktor i paimitueshëm. Ai udhëton rreth botës dhe regjistron përshtypje për vendet e ndryshme nëpërmjet pikturave. Deri tani, ai ka organizuar dy herë ekspozita vetjake në Galerinë e Arteve të Kinës. Wan Jiyuani u shpreh se ai është një idealist dhe vizatimi është i vetmi ideali i tij:

"Sa herë vizitoj vende të tjera, marr me vete mjete për të pikturuar. Sepse piktura është bërë një pjesë e jetës sime. Ajo më ndihmon të zbuloj bukurinë e jetës. Një pikturë e bukur mund t'u sjellë njerëzve gëzime."

50-vjeçari Wan Jiyuan është zv-drejtori i Qendrës së ekspozitave artistike të huaja të Kinës. Megjithëse është shumë i zënë, ai këmbëngul të krijojë piktura. Pasioni i madh i Wan Jiyuanit për pikturën ka prekur shumë artistë. Kritiku erëndimor i artit Jonathan Thonson u shpreh se Wan Jiyuani është një piktor shumë i zellshëm dhe i ndjeshëm për gjëra të reja. Pikturat e tij kanë regjistruar tërë botën.

Wan Jiyuan lindi në vitin 1953 një qytezë me një histori të gjatë në provincën Jiangxi të Kinës jugore. Atij i pëlqente vizatimi qysh në moshë të re. Në vitin 1972, Wan Jiyuan hyri në universitet për të studiuar pikturë. Pas diplomimit, ai u pranua nga Galeria e Arteve e Provincës Jiangxi duke filluar jetën e piktorit. Për shkak të talentit në fushën e vizatimit, Wan Jiyuan u bë gradualisht i famshëm në qarqet e arteve figurative kineze e shumë vepra të tij u koleksionuan nga Muzeu Kombëtar i Kinës dhe institucione të tjera.

Në vitin 1989, Wan Jiyuan erdhi në Pekin dhe u punësua në Qendrën e ekspozitave artistike të huaja të Kinës. Puna administrative me shumë ngarkesë e detyroi të heqë dorë nga statusi i piktorit profesionist, por pavarësisht se ku shkon, ai nuk harron të vizatojë. Gjatë mbi 10 vjetëve, Wan Jiyuani ka qenë në dhjetëra vende dhe rajone duke regjistruar udhëtimin e tij nëpërmjet pikturave.

Në vitin 2001, Wan Jiyuan hapi ekspozitën e parë të veprave personale "Udhëtimi artistik" në Galerinë e Arteve të Kinës në Pekin. 60 vepra të ekspozitës u zgjodhën nga qindra piktura të tij të krijuara gjatë udhëtimit në vende të ndryshme që pasqyrojnë peizazhet, zakonet etj. të vendeve të ndryshme. Në vitin 2006, Wan Jiyuan hapi përsëri në Galerinë e Arteve të Kinës ekspozitën vetjake "Pëllumbi paqësor në Jerusalem". Ai është piktori i parë kinez që ka shkuar në Izrael për të pikturuar. Veprat e Wan Jiyuanit pasqyruan përshtypjen e tij për Lindjen e Mesme dhe shprehën shpresën për arritjen e paqes së përhershme në këtë rajon. Krahas këtyre, me veprat e tij ai ka marrë pjesë në shumë ekspozita të rëndësishme artistike brenda e jashtë vendit, dhe shumë vepra të tij janë koleksionuar nga galeri artesh kineze dhe të huaja.

Wan Jiyuani tha se për shkak të ngarkesës në punë, ai nuk ka shumë kohë të lirë për të pikturuar, por ai nuk heq dorë nga krijimi i pikturave:

"Qindra vepra të mia janë krijuar në kohën e lirë. Jam i mendimit se vizatimi është një pushim i mirë për mua. Kam gjetur gëzime të panumërta te ai. Megjithëse jam pak i lodhur, përsëri njëkohësisht jam edhe shumë i lumtur."

Wan Jiyuani tha se piktura është puna me të cilën ai do të merret gjithëhetën. Megjithëse është përgjegjësi i një institucioni të madh, ai dëshiron më shumë të bëhet një piktor profesionist. Ideali i tij është që të ndërtohet një ndërtesë e madhe në fshat ku të ekspozohen pikturat e tij:

"Kam hartuar një plan dhe do të vizatoj një sërë pikturash me karakteristika të veçanta kineze. Kjo është një provë e re për mua. Sepse nuk dua të përsërit rezultatet e kaluara. Do të bëj përpjekje më të mëdha për të arritur suksesin e ri artistik." (Fani)