Lusheng-u është një vegël muzikore popullore që u pëlqen shumë banorëve të pakicave kombëtare miao, dong, yao etj. që jetojnë në pjesën jugperëndimore të Kinës dhe ka një histori mbi 800 vjeçare. Lusheg-u tradicional ka vetëm 6 tuba, ndërsa lusheng-u i ri i transformuar ka mbi 20 tuba. Timbri i saj i ngjan shumë timbrit të veglës muzikore perëndimore oboe. Melodia që po dëgjoni titullohet "Melodia e maleve", interpretuar pikërisht në lusheng.

Vegla muzikore frymore lusheng luan një rol shumë të rëndësishëm në jetën e banorëve të kombësisë miao. Çdo vit, nga 27 deri më 29 shtator sipas kalendarit bujqësor kinez, banorët miao organizojnë takimin 3-ditor lusheng, aktivitetet kryesore të të cilit janë kërcimi i valleve lusheng dhe konkursi i interpretimit në lusheng. Intepretuesit luajnë në lusheng të madh, të mesëm dhe të vogël. Të rinjt dhe të rejat pjesëmarrëse në këtë takim, gjatë vallëzimit vunë në kokë një pupël të bardhë fazani, thuhej se kjo ishte shenjë e mostrembjes para përbindshave dhe gjetjes së një vajze ose një djali të dëshirueshëm. Më vonë për shkak të mungesës së puplave të fazanit, vajzat e kombësisë miao i zëvendësuan puplat e fazanit me stolitë e argjendta në formë puple. Tani le të shijomë bashkë melodinë e kompleksit të veglave muzikore lusheng me titull "Panoramat e bukura pranverore në malet miao".

Timbri i lusheng-ut është i pastër e kumbues. Dikur ajo përdorej shpesh në shoqërim të valleve dhe në orkestër. Me përmirësimin e pandërprerë të funksioneve, me lusheng mund të interpretohen lirisht melodi të vështira, sidomos lusheng baritoni, i cili i shton zërit të orkestrës ngjyrë dhe forcën shprehëse.

Në fund të programit të sotëm le të shijojmë melodinë "Buzë lumi Duliu", interpretuar në lusheng në bashkëpunim me orkestrën. Kjo melodi shpreh tabllonë e hareshme të festës së banorëve të kombësive miao dhe dong. (Pina).