Huang Pinyuan, një këngëtar tajvanez me fuqi tërheqëse dhe këngët e veçanta të dashurisë është bërë shumë i njohur në qarqet muzikore kineze. Nga viti 1990, kur ai nxori albumin e parë "Zëri i figurantit", ai ka kënduar disa këngë të mirëpritura si "Nuk të dhimbsem kur më sheh të vuaj", "Vei e vogël", "Pse të dua kaq shumë" etj. Në gusht të këtij viti, Huang Pinyuan nxori albumin me titull "Të dua! Të dua!". Zëri i ngjirur dhe i breshtë i Huang Pinyuanit ka prekur zemrat e shumë adhuruesve.

Po dëgjoni tani këngën e stilit rok "Duhet të shpejtosh për dashurinë", në të cilën thuhet "Për zemrën time nuk ka ilaç, nëse ka kaluar afati nuk do të të kujtoj. Nëse më do, më prit. Duhet të shpejtosh për dashurinë."  dëgjoni

Në këtë album ka disa këngë, si "Duhet të shpejtosh për dashurinë", "Sa larg është përjetësia", "Pse je larguar", titujt e të cilave janë marrë nga shprehjet e dashurisë në jetë. Ndërkohë meloditë e këtyre këngëve janë shumë të bukura. Do të dëgjoni tani këngën me titull "Sa larg është përjetësia".

"Eci fillikat në rrugën e vetmuar. Disa të dashuruar përqafohen. Duket si në dramat televizive të dashurisë. Gjethja e fundit e verës është larguar me dashurinë, ndërsa ti ende më kujton. Sa larg është përjetësia? Premtimi nuk ndryshon, nëse sinqeriteli mund të prekë Zotin, pse dashuria qëndron ende në pikën origjinale? Sa larg është përjetësia? Zakoni nuk ndryshon..."  dëgjoni

Ndoshta jeta ka kufi, por dashuria për një njeri nuk ndryshon. Këto fjalë të sipërpërmendura janë deklarata dashurie të një njeriu. Në shumicën e këngëve të Huang Pinyuanit, përshkruhen kryesisht ndjenjat e meshkujve dhe tregimet dashurie të njerëzve të thjeshtë. Do të dëgjoni tani këngën me titull "Në atë verë".

Në fillim të çdo dashurie, ka shumë perspektiva të bukura për të ardhmen. Tregimet e dashurisë mbushin të gjithë verën. Në këtë këngë thuhet "Në atë verë, më ke puthur. Kuqëlimi i buzëmbrëmjes ndriçoi fytyrën tënde. I pashë sytë e tu..."  dëgjoni

Në albumin e ri, 6 nga 10 këngët janë krijime vetjake të Huang Pinyuanit. Huang Pinyuani është i zoti për krijimin e këngëve të dashurisë, kështu që ai mund të krijojë tregime dashurie me dashurinë që ka gjetur në jetë. Të gjitha këto i kanë prekur thellësisht adhuruesit. Do të dëgjoni tani këngën me titull "Det dashurie i izoluar", e cila përshkruan trishtimin e meshkujve.

Në këtë këngë thuhet "Në se të kam thënë 'të dua' një ditë më parë, ndoshta mund të rifitoj zemrën tënde. Nuk e di a është urrejtje apo urim. Po bie shi në detin e dashurisë sime. Kush qan natën. Kam shumë mall për të. Më jep pak kohë, pastaj përsëri do të të dua..."  dëgjoni

Në fund të programit të sotëm do të dëgjoni këngën me titull "Të dua! Të dua!", e cila është e stilit rep.

Në këtë këngë thuhet "Nuk e kontrolloj dot veten. Sjellja ime është e çuditshme. Çfarë problemi ka? Duhet ta shikoj me vëmendje. Të dua, të dua, ende të dua..."  (U Sen)  dëgjoni